Lv 15:18 - Chuj San Sebastian Bible

¹⁸ Toto 'ay junc winac, 'ay tas tzb'o yet' junc 'ix 'ix, yowlal tz'achn eb' schawn̈il, palta mant wach'c eb' masnto yic tzq'uic'b' 'ejmi.

Chuj San Mateo Bible

¹⁸ Tato a junoc vin̈ vinac yed' junoc ix ix ay tas sc'ulej, yovalil sb'iquel sb'a eb', palta man̈ vach'oc tz'ajcan eb', icha yalan ley masanto sq'uic'b'iemi.

Lv 15:18 Referans Kwoze

A Sb'ab'el Carta San Pedro 2:11

Ex chamc'ojlb'il wu'uj, man̈ qui chon̈b'oquec yolyib'n̈q'uinl tic, yujto ton̈j 'e'lb'a que'c 'a 'a. Yuj cha, tzin tew 'at 'ayex, caw man̈ e b'o jun tzo'n̈ tas tznib'j 'och e niwnal. Yujto a jun tzo'n̈ cha, caw tzon̈ juw 'el yu'uj.

A Ch'an̈ Carta D'a Eb' Hebreo 13:4

A yic tzqui'nec qui b'a yet' quistl junjn on̈ec, 'ay cab' yel'ch jun 'ijb'al chi 'a qui satec. Yowlal cojn 'a quistl junjn on̈, cojn ta tzca'c 'och qui nab'en. Yujto a Dios 'oj b'eyc'ojlanc eb' tzb'on 'ajmulal. Wach'xam eb' 'ayx yitb'eyum, wach'xam eb' manto, 'oj 'ajxcn̈ej 'och 'a yib'n̈ eb'.

2 Ti 2:22

Caw man̈ a b'o jun tzo'n̈ maysch'olnil, 'icha tznib'j 'och eb' et quelmal. Caw tojl tzotj a b'eyb'al. Cojn Cajlil 'aj tza'ch a c'ojol. 'Ay cab' a chamc'ojlal. Junc'ojlal tzotj a b'a. 'Ixta tzyutj sb'a eb' may jac spaltail 'a sat Cajlil, yic tzyaln sb'a eb' 'a 'a.

1 Co 6:18

Yuj cha, caw tzeyij 'el e b'a 'a 'ajmulal. Yujto tzann̈j jun tzo'n̈ xo maysch'olnil tzb'o eb' 'anma', man̈oc sniwnal eb' tzmulni. Palta a mach tzb'on 'ajmulal cha, caw a 'a sniwnal chi tz'och smul.

1 Co 6:12

Tecn 'ayx wan eyaln 'ixtic: An̈ec tic, libre qui b'onec smasnil tas, xe chi. Yel toni libre on̈ec, palta man̈ smojc qui b'onec smasnil. Wach'xam libre qui b'onec jun tzo'n̈ cha, palta may junc tas 'aj tztac' ca'nec qui b'a 'a 'a, yic tzon̈ ya'nec mandar.

Salmos 51:5

Wal yel a yic in 'alji, toxnto may in ch'olnil. Yictax 'aynto 'ec' 'a yol sc'ojl in nun, man̈ in wach'oc.

Lv 15:5

Tzann̈j mach tzyamn junc waynub' chi 'aj tzway jun winc cha, yowlal tzju'l spichul, tz'achn paxi, palta mant wach'oc masnto yic tzq'uic'b' 'ejmi.

Ex 19:15

'Ix yaln Moisés chi 'ixtc 'a eb': —A ticnec b'oc e b'a yic tzex 'och 'emmquilal 'a Jehová chab'ej, matz tac' e way yet' eyistzil, xchi 'a eb'.

Lv 15:16

Toto 'ay junc winc tztob' yin̈til, a jun winc cha, yowlal tz'achni, palta mant wach'oc masnto yic tzq'uic'b' 'ejmi.

Lv 15:17

Tzann̈j nipal, mto tz'um 'aj tztob' 'ejm yin̈tl win cha, yowlal tzb'icx 'el yet' a a', palta mant wach'oc masnto yic tzq'uic'b' 'ejmi.