Lv 15:14 - Chuj San Sebastian Bible

¹⁴ Ax 'a yucb'ixial, yowlal tzyij cot chawn̈oc no cowojte', mto chawn̈oc no parama, tzlajw cha, tzc'och 'a yamq'uil Mantiado 'aj tzin chaj in b'a eyet'oc, tzya'n 'a win ya'mal 'och sti eb' 'anma', ax win tz'a'n 'och no 'a wojltac an Jehová in.

Chuj San Mateo Bible

¹⁴ Axo d'a svajxaquil c'ual, yovalil syic'cot chavan̈oc noc' paramuch yaln̈ej tas macan̈il, scot d'a yichan̈ Jehová sc'och d'a stielxo scajnub' b'aj sch'ox sb'a, syac'an noc' d'a junoc vin̈ sacerdote.

Lv 15:14 Referans Kwoze

Lv 12:8

Toto a 'ix nunb'il cha, matz tac' ya'n 'ix junc no calnelu, tztac' tzyij cot 'ix chawn̈oc no cowojte', mto chawn̈oc no parama, ax win ya'mal 'och sti eb' 'anma chi tz'a'n tz'a junc no xajmb'alil, ax junc xo no tz'ajx xajmb'al-l yuj mul. 'Ixta tz'aj sacb'tzan sb'a 'ix sec tztac' sjapx 'ix yalsb'a 'ayn 'a in cajnub', xchi Dios 'a Moisés.

A Ch'an̈ Carta D'a Eb' Hebreo 10:14

Yuj wal jun xajmb'al ya'jnac cha, on̈ tz'acwec 'a jun 'ejmn̈ej, yujto c'uxn x'ijx 'el qui mul 'ayn̈ec yu'uj.

A Ch'an̈ Carta D'a Eb' Hebreo 10:12

A Jesucristo, junn̈j xajmb'al ya'jnac yuj qui mulc 'a jun 'ejmn̈ej. Xlajw cha, x'at 'em wocn 'a swach' c'ab' Dios.

A Ch'an̈ Carta D'a Eb' Hebreo 10:10

Yujto a Jesucristo, caw a sniwnal ya'jnac xajmb'al-l 'a jun 'ejmn̈ej, 'icha 'elnc 'a sc'ojl Dios. Yuj cha, yuj wal jun xajmb'al cha, tz'ijx 'el qui mul 'ayn̈ec.

A Ch'an̈ Carta D'a Eb' Hebreo 7:26

Yuj cha, atn jun sat ya'mal 'och qui tic 'a Dios, caw 'ay yopiso 'ayn̈ec. Caw wach'n̈ej. May jac maysch'olnilal 'aych 'a 'a. May pax jac smul. Caw man̈ lajnoc sb'eyb'al 'icha eb' 'ajmul. Yel xo niwn yel'ch 'a yib'n̈ jantcn̈ej tas 'ay 'a satcha'an̈.

2 Co 5:21

A Cristo, may xon jac maysch'olnil sb'o'o. Palta ya'jnac 'och Dios smasnil qui mulc 'a yib'an̈, sec junxn̈ej tzon̈ 'ajc yet'oc. Yujn̈ej wal cha, tzyaln Dios to wach'n̈ec 'a sat ticnec, 'icha tznib'ej.

Nm 6:10

Ax 'a swajxquil c'ual, tzyi'n 'at chawn̈oc no cowojte', mto chawn̈oc no cotc parama 'a win ya'mal 'och sti eb' 'anma', 'a 'aj tzex 'och 'a yol Mantiado 'aj tzin chaj in b'a eyet'oc.

Lv 12:6

A yic tz'acw jun tzo'n̈ sc'ul 'a yic tzb'ox can 'el'ch sc'ojl 'ix, wach'xam winc 'unin, mto 'ix 'unn jun yune 'ix cha, yowlal tzyij cot 'ix nunb'il chi junc no quelm calnelu jun ab'il sq'uinal yet' junc no cowojte', mto junc no parama. Tzya'n 'ix no 'a win ya'mal 'och sti eb' 'anma', yic tz'a no xajmb'al-l 'a yojltac Mantiado 'a 'aj tzin chaj in b'a eyet'oc.

Lv 1:14

Toto ch'ic junc no xajmb'al tz'ajx tz'a 'a wojltac, yowlal a junc no cajb'il ch'ic, junc no cowojte', mto junc no parama tz'ajxi.