Lv 15:11 - Chuj San Sebastian Bible

¹¹ Toto a jun winc 'ay tas tz'el 'a cha, mantzac sb'ic sc'ab' yic tzyamn junc xo mach, a jun 'anma tzyam cha, yowlal tzju'l spichul, tz'achn paxi, palta mant wach'oc masnto yic tzq'uic'b' 'ejmi.

Chuj San Mateo Bible

¹¹ Tato a jun vinac ay tas tz'el d'ay chi', max sb'iclaj sc'ab' syaman junocxo mach, a jun ix yamji yuj chi', yovalil sjuq'uel spichul, sb'icanpaxel sb'a, palta man̈ vach'oc tz'ajcani masanto sq'uic'b'iemi.

Lv 15:11 Referans Kwoze

Lv 15:10

Tzann̈j mach tzyamn junc tas 'aj tz'em wocn jun winc 'ay tas tz'el 'a 'a, a jun cha, mant wach'oc masnto yic tzq'uic'b' 'ejmi. Tzann̈j mach tz'i'n 'at junc tas cha, yowlal tzju'l spichul, tz'achn paxi, palta mant wach'oc masnto yic tzq'uic'b' 'ejmi.

Lv 15:12

Toto 'ay junc lum chen tzyam jun winc 'ay tas tz'el 'a cha, yowlal tzma'x poj lu'um, toto te yamc'ab' jun, ton̈j tzb'icx 'eli.

Lv 11:24

Toto tzeyam jun tzo'n̈ no noc' tic, caw man̈ wach'c tzex 'ajcni. Tzann̈j mach tzyamn sniwnal junc chamnc noc', caw man̈ wach'c tz'ajcn yu'uj, masnto yic tzq'uic'b'i.

Nm 19:22

Smasnil tas tzyam junc 'anma man̈ wach'c cha, tzjuw can 'el yu'uj. A tas tzyam junc 'anma man̈ wach'oc, man̈ wach'c tz'ajcn yu'uj, masnto yic tzq'uic'b'i, xchi Dios.

Dt 23:11

A 'a yic wan yem c'u, wach' cab' tzyutj sb'icn 'el sb'a, ax 'a yic tox x'em c'u cha, tztac' yochx 'a yol camplamento.