Lv 14:7 - Chuj San Sebastian Bible

⁷ Ax win 'oj tzicnc 'och uc 'ejmoc schic'l no ch'ic chi 'a junc 'anma 'aj tz'ec' lepra cha, tzyaln winac, to tztac' xo yaj 'a scal yit 'anma'il. Ax no ch'ic pitzn to cha, tz'actx can pax 'el no 'a libre.

Chuj San Mateo Bible

⁷ Uquel stzicjioch d'a jun mach b'aj ec'nac jun yab'il chi', syalan vin̈ sacerdote chi' to vach'xo jun anima chi'. Axo noc' much pitzan chi' tz'actajcanel noc'.

Lv 14:7 Referans Kwoze

Ez 36:25

'Oj ex in sacb'tzoc can yuj smasnil tas maysch'olnil 'ix e b'o'o, 'icha tzyac' junc tas tzb'icx 'el yet' a a caw wal yaxt'ujnac yilxi. 'Oj wi'cn 'el e mul 'aych 'ayex, atn yic xeya'n 'ejm e b'a 'a jun tzo'n̈ comn dios.

Is 52:15

Til wal eb' nacion̈ 'oj sat sc'ojl yiln 'ochi. 'Ixta pax eb' rey, ton̈j 'oj 'och q'ueln eb' 'a 'a. May tas 'oj yal eb' yu'uj yic 'oj yilnc eb', yujto a tas mant 'aj tzyab' eb' yab'xil, 'oj nachjoc 'el yuj eb', xchi Dios.

A Ch'an̈ Schab'il Libro Yic Yab'ixal Eb' Rey 5:14

Xlajw cha, 'ix 'at Naamán, uc 'ejm 'ix 'ejm 'a yojl a Jordán, 'icha 'ix yutj Eliseo yalni. 'Ix b'ox can sniwnal, 'icha wal sniwnal junc quelm 'unin, caw sac 'ix 'ajcni.

A Ch'an̈ Schab'il Libro Yic Yab'ixal Eb' Rey 5:10

Xlajw cha, schecn 'at Eliseo schecb' 'a Naamán yic tz'at alxc 'a 'ixtic: 'Ixc 'at b'icl a b'a uc 'ejmoc 'a a Jordán, ax sb'ox can a niwnal cha, xchi.

A Sb'ab'el Carta San Pedro 1:2

An̈ec tic, sic'b'iln̈ec xo 'elt yuj qui Mam Dios, yujto yictax pecti', 'ixta snajnac can cujec. Yuj Yespíritu on̈ 'ajxec 'och yico'oc, sec wach' tzqui yicljec tas tzyala, sec tz'ijx 'el qui mul 'ayn̈ec yuj schic'l Jesucristo. Ya' cab' Dios swach'c'ojlal yet' sjunc'ojlal 'ayx ta'.

A Ch'an̈ Carta D'a Eb' Hebreo 9:19

Yujto a Moisés 'awtjnac 'elt smasnil jun tzo'n̈ checnb'il yic jun ley chi 'a eb' qui mam quichmec. Xlajw cha, syamn chan̈ jun chac lana, yet' jun sc'ab' te hisopo. Ax 'a scal schic'l no quelm wacax, no quelm chiwo, caln yaj yet' a', slab'jnac 'ejmi, stzicn 'at 'a yib'n̈ ch'an̈ ley, yet' 'a yib'n̈ eb' 'anma'.

A Ch'an̈ Carta D'a Eb' Hebreo 9:13

A schic'l no mam wacax, no quelm chiwo, yet' stan̈il no cob's wacx n̈usb'il, a tzicb'il 'at 'a yib'n̈ eb' man̈ wach'c yaj 'a sat Dios yuj ley yic Moisés. Yujto 'ay yopiso sb'o eb' 'a sat Dios yu'uj, 'icha to tzsacb'tzax eb' yu'uj.

1 Jn 5:6

A Jesucristo wulnc 'ec' 'a yolyib'n̈q'uinl tic. Wul ya'jnac bautisar sb'a. 'Elnc pax schiq'uil. Man̈ cojnoc wul ya'jnac bautisar sb'a, palta 'elnc pax schiq'uil. A Yespíritu Dios tzalni, to yel jun tzo'n̈ tic. A Yespíritu cha, caw yel.

A Ch'an̈ Carta D'a Eb' Hebreo 12:24

Ata 'ayc' pax Jesús, atn tz'a'n 'el'choc jun yac' trato Dios. Ax schiq'uil, a tz'i'n 'el qui mul 'ayn̈ec, 'icha to tzicx cot 'a quib'an̈. A schic'l cha, 'icha to a tzc'ann niwnc'ojlal 'a quib'n̈ec. Man̈ 'ichaoc schic'l win Abel, to tzc'an spac yuj schamlil.

A Ch'an̈ Carta D'a Eb' Hebreo 10:22

Yuj cha, 'a smasnil qui c'ojol, tzqui nitznec 'och qui b'a 'a stz'ey Dios. Caw ca'c 'och wal qui c'ojl 'a si'mb'il. Yujto sacb'tzab'ilx qui pixnec yu'uj, sec man̈x 'a maysch'olnil 'aych 'a qui nab'enec. Ax qui niwnalec, b'icb'ilx yuj jun a a caw ya'ax.

A Ch'an̈ Carta D'a Eb' Hebreo 9:26

Q'uinloc man̈toc jun 'ejmn̈ej xyac' sb'a Cristo xajmb'alil. Toto 'ixta', tecn yowlal caw niwn 'ejm chamnac, yictax sb'ocn yolyib'n̈q'uinl tic. Yujto a 'a yic jun slajb' tiempoal tic, cojn jun 'ejm wulnc 'eq'ui. Caw a ya'jnac sb'a xajmb'alil, yic yi'n 'el qui mul 'ayn̈ec.

A Ch'an̈ Carta D'a Eb' Hebreo 9:21

An̈jtona', stzicjnac 'at Moisés chic' 'a yib'n̈ jun scajnub' Dios, yet' 'a smasnil jun tzo'n̈ yamc'ab' 'ay yopiso ta'.

Jn 19:34

Palta 'ay jun soldado 'ix stecch slanza 'a scostl Jesús. Yajn̈j wal cha, 'ix 'el-l pulnjoc chic' yet' a'.

Miqueas 7:19

'Oj 'o'ch a c'ojl 'ayn̈ jun 'ejm xo. A qui mul on̈, 'icha to 'oj a muccn 'ejm 'a yol lu'um. A qui maysch'olnilal on̈, 'icha to 'oj a julcn 'at 'a xab'l yich a mar.

Dn 9:24

'Oj 'ec' 70 seman 'a yib'n eb' et israelal, yet' 'a yib'n̈ jun a chon̈b' to yicn̈ej Dios yaji, masnto 'oj lajwc 'ec' tenmtaquil yet' maysch'olnilal, ax yajx lajwc smasnil mul. Atta 'oj jawc jun tojl b'eyb'al 'a jun 'ejmn̈ej. A yic cha, 'oj 'el'choc tas 'ilb'il yuj eb' schecb' Dios 'a waychil, yet' tas alb'il can yuj eb'. 'Ixta to b'i'an, ax yajx 'och yopiso jun sic'b'il 'el yuj Dios.

Salmos 51:7

'Ijcan 'el in mul, sec tzin b'ox can 'el'chi. B'icn can 'eli, sec yel xo sac tzin 'ajcn 'icha q'uen sacb'acum.

Salmos 51:2

B'icl in maysch'olnilal, sacb'tzej in 'a scal in mul,

Lv 16:22

A yic tzsatcn 'at no chiwo chi 'a lum cusltac lum cha, tzyi'n can 'at no smul eb' israel chi 'a 'aj man̈x 'a 'anma'.

Lv 16:19

A yet' yune sc'ab' tzicch jun chic' chi uc 'ejm 'a yib'n̈ jun yet'l xajmb'al cha. 'Ixta wal tzyutj sacb'tzan jun yet'l xajmb'al chi yuj e maysch'olnilal ax israel ex tic, yujto wicn̈ej yaj jun cha.

Lv 16:14

Tzyi'n cot jac schic'l no quelm wacx cha, tzlab'n 'ejm yune sc'ab' 'a scal, tzicn 'och 'a yib'n̈ smac te caxa chi 'a stojlal 'aj tzq'uel c'u. Tzlajw cha, tzicn 'och chic' chi yet' yune sc'ab' uc 'ejm 'a yojltac 'elt smacl sti te caxa cha.

Lv 14:51

Tzlajw cha, tzyi'n cot win te c'ute', te hisopo, te chac nip, yet' pax no ch'ic pitznto, tzlab'n 'ejm 'a scal schic'l no ch'ic to chamnc xo cha, atn jun chic' caln yaj yet' a a', tzlajw cha, tzicx 'och uc 'ejmoc 'a te n̈a cha.

Lv 13:17

Tzsayn pax win yila', toto sacx yilx jun yab'il cha, ax win tzalni to man̈x 'a smay, tzax stac' yoch 'a scal yit 'anma'il.

Lv 8:11

An̈jtona jun perjuma cha, a stzicch uc 'ejm 'a spatquil jun yet'l xajmb'al cha, 'a yib'n̈ smasnil syamc'ab'il, 'a yib'n̈ jun niwquil palagan, yet' 'a sb'achnub'al yalan̈. 'Ixta x'ajcn jun tzo'n̈ chi yochcn 'a yopiso yu'uj.

Lv 4:17

Tzyac' 'ejm win yune sc'ab' 'a scal schic'l no', uc 'ejm tzic 'ejm win schic'l no chi 'a wojltac, atn 'a yojltac 'elt te cortina.

Lv 4:6

Tzyac' 'ejm win yune sc'ab' 'a scal schic'l no cha, uc 'ejm tzic 'ejm win schic'l no chi 'a wojltac an Jehová in, atn 'a yojltac 'elt te cortina 'aych 'a yol in cajnub'.

Nm 19:12

A yic schab'jil syamn junc chamnc cha, tzsacb'tzan sb'a yet' a a cha, ax 'a yucb'ixial b'i'an, wach'xo tz'ajcni. Palta toto matz sacb'tzej sb'a 'a schab'jial, ax 'a yucb'ixial cha, man̈ wach'c tz'ajcni.