Lv 14:19 - Chuj San Sebastian Bible

¹⁹ Tzlajw cha, tzya'n pax 'och win ya'mal 'och sti eb' 'anma chi no xajmb'al chi 'a wojltac, no tz'ajx yuj yajx lajwc mul cha. 'Ixta tz'aj slajw can smul junc 'anma tzb'ox sc'ojl yuj tas man̈ wach'oc. Tzlajw cha, tzmilx no calnelu tz'ajx tz'a smasnil xajmb'alil.

Chuj San Mateo Bible

¹⁹ Slajvi chi' syac'anpax noc' silab' vin̈ sacerdote chi', aton noc' silab' yuj yac'ji tup mul. Icha chi' tz'aj stupcanel smul jun anima chi'. Slajvi chi', smiljicham noc' calnel stz'a smasanil silab'il.

Lv 14:19 Referans Kwoze

Lv 14:12

Tzlajw cha, tz'ijx cot junc no quelm calnelu chi yet' 'oxe octavo aceite cha, tzb'achx 'och 'a wojltac an Jehová in. A jun cha, xajmb'al yuj stojl mul.

2 Co 5:21

A Cristo, may xon jac maysch'olnil sb'o'o. Palta ya'jnac 'och Dios smasnil qui mulc 'a yib'an̈, sec junxn̈ej tzon̈ 'ajc yet'oc. Yujn̈ej wal cha, tzyaln Dios to wach'n̈ec 'a sat ticnec, 'icha tznib'ej.

Ro 8:3

Yuj qui tu nab'enalec tic, matz tac' qui yiclniec tas tzyal ley yic Moisés. Yuj cha, may yopiso jun ley chi on̈ scolnec. Palta ax Dios on̈ colnec. A 'a'jnac cot Yunnal, wul ya'nc 'och sb'a 'anma'il. Lajn sniwnal 'icha quic an̈ 'ajmul on̈c tic. A 'ix wul cham yuj qui mulec. A yic 'ix cham yet' sniwnal, 'ix ya'n ganar 'a yib'n̈ maysch'olnil, sec wach' man̈x 'a yaln maysch'olnil chi yic 'ayn̈ec.

Lv 5:6

Tztac' ya'n jun 'anma chi junc no nun calnelu mto junc no nun chiwo xajmb'al-l 'ayn an Jehová in, yuj smul cha. A yuj jun xajmb'al cha, ax yajx can lajwc smul jun 'anma cha.

Lv 5:1

Q'uinloc 'ay junc mach tz'awtx 'at yala', yic tzya'n testigoal sb'a 'a junc tas tzyila mto tzyab'i, palta toto matz chaj yala', a jun cha, tz'och smuloc, tzcann̈j 'a yib'an̈.

Lv 14:14

Tzlajw cha, tzyi'n cot win ya'mal 'och sti eb' chi jac schic'l no xajmb'al yic tztojx lajwc mul cha, tzb'on̈n 'och 'a jun 'anma tzb'ox sc'ojl cha, tz'och 'a sjayl sti schicn 'a swach', 'a snun sc'ab' 'a swach', yet' pax 'a snun yoc 'a swach'.

Lv 15:15

Jun no tz'ajx xajmb'al-l yuj ya'n lajwc mul, ax junx no tz'ajx tz'a'oc, 'ixta tzyutj win ya'n 'och no 'a wojltac, yuj sb'ox can 'el'ch win 'aj tz'ec' jun yailal cha.