Lv 12:8 - Chuj San Sebastian Bible

⁸ Toto a 'ix nunb'il cha, matz tac' ya'n 'ix junc no calnelu, tztac' tzyij cot 'ix chawn̈oc no cowojte', mto chawn̈oc no parama, ax win ya'mal 'och sti eb' 'anma chi tz'a'n tz'a junc no xajmb'alil, ax junc xo no tz'ajx xajmb'al-l yuj mul. 'Ixta tz'aj sacb'tzan sb'a 'ix sec tztac' sjapx 'ix yalsb'a 'ayn 'a in cajnub', xchi Dios 'a Moisés.

Chuj San Mateo Bible

⁸ Palta tato a ix nunab'il chi' malaj junoc noc' scalnel chi' syal yac'ani, syic'cot chavan̈oc noc' paramuch ix yaln̈ej tas macan̈il, jun noc' stz'a silab'il, jun noc' tz'ac'ji silab'il yuj yac'ji tup mul. Axo junoc vin̈ sacerdote tz'ac'an silab'il yic vach' tz'ac'ji tup smul ix. Icha chi' tz'aj sacb'ixican ix, xchi Jehová d'a vin̈aj Moisés chi'.

Lv 12:8 Referans Kwoze

Lv 5:7

Toto may stumn jun 'anma chi smann junc no calnelu cha, mto junc chiwo cha, to 'ixta', yowlal tzyij cot chawn̈oc no cowojte', mto chawn̈oc no parama 'a wojltac, junc no tz'ajx yuj mul cha, junc xo no tz'ajx tz'a xajmb'alil.

Lv 4:26

Tz'ajx tz'a smasnil xepual no 'a yib'n̈ yet'l xajmb'al, 'icha wal tz'aj no yic junc'ojlal. 'Ixta tzyutj win ya'mal 'och sti eb' 'anma sb'on no xajmb'al chi yuj smul win yajl cha, ax smul win cha, 'oj 'ajxoc can lajwoc.

Lv 14:22

Tzyi'n cot pax chawn̈oc no cowojte', mto chawn̈oc no parama, a tzyal tas tztechj yuj junc 'anma cha, jun no tz'ajx xajmb'al-l yuj yajx lajwc smul, ax junx no tz'ajx tz'a smasnil xajmb'alil.

Lv 1:14

Toto ch'ic junc no xajmb'al tz'ajx tz'a 'a wojltac, yowlal a junc no cajb'il ch'ic, junc no cowojte', mto junc no parama tz'ajxi.

2 Co 8:9

Yujto cojquec, a Cajlil Jesucristo, caw niwn swach'c'ojlal. Til wal sricoal 'a satcha'an̈, palta wul ya'jnac 'och sb'a meb'a'il, yuj schamc'ojlal 'ayn̈ec, 'ixta yutjnac sb'a, sec wach' yuj smeb'a'il cha, ax cochc ricoal 'a sat Dios.

Lv 15:29

Ax 'a yucb'ixial, tzyi'n cot 'ix chawn̈oc no cowojte', mto chawn̈oc no parama, tzlajw cha, tzya'n 'ix e no 'a win ya'mal 'och sti eb' 'anma chi 'a yamq'uil Mantiado 'a 'aj tzin chaj in b'a eyet'oc.

Lv 15:14

Ax 'a yucb'ixial, yowlal tzyij cot chawn̈oc no cowojte', mto chawn̈oc no parama, tzlajw cha, tzc'och 'a yamq'uil Mantiado 'aj tzin chaj in b'a eyet'oc, tzya'n 'a win ya'mal 'och sti eb' 'anma', ax win tz'a'n 'och no 'a wojltac an Jehová in.

Mt 21:12

Xlajw cha, x'och Jesús 'a yol yamq'uil yatut Dios, 'ix spechn 'elt smasnil eb' tzchon̈wji, yet' eb' tzmanwj ta'. 'Ix sma'n telwc jun tzo'n̈ smexa eb' jelm tumin, yet' xila eb' chon̈m parama.

Lv 12:7

Ax win ya'mal 'och sti eb' 'anma chi tz'a'n 'och no xajmb'al-l 'a wojltac an Jehová in, yuj yajx lajwoc mul. 'Ixta tz'aj sacb'tzan sb'a 'ix yuj syailal cha. Atn jun tzo'n̈ cuynb'il tic, 'a yic tz'alj eb' winc 'unin, mto 'ix 'unin.

Lv 13:1

'Ix yaln pax Jehová 'a Moisés yet' 'a Aarón 'ixtic:

Lv 14:21

Toto meb'a junc 'anma chi 'aj tz'ec' jun yab'il cha, may stumn ya'n no xajmb'al cha, cojn cab' junc no quelm calnelu tzyij coti, yic tz'ajx xajmb'alil, yic tz'ajx lajwc smul, yet' chan̈e'oc libra 'ixm harina caw wach', calb'il yet' aceite, yet' pax 'oxe'ocx octavo aceite cha.

Lv 5:11

Q'uinloc may stumn jun 'anma chi smann chawn̈oc no cowojte', mto no parama cha, to 'ixta', yowlal tzyij cot chan̈e'oc libra 'ixm harina caw wach'. Matz 'ajx 'och aceite 'a scal, matz 'em pax incienso 'a yib'an̈, yujto xajmb'al yic mul yaji.

Lv 15:15

Jun no tz'ajx xajmb'al-l yuj ya'n lajwc mul, ax junx no tz'ajx tz'a'oc, 'ixta tzyutj win ya'n 'och no 'a wojltac, yuj sb'ox can 'el'ch win 'aj tz'ec' jun yailal cha.