Lv 12:7 - Chuj San Sebastian Bible

⁷ Ax win ya'mal 'och sti eb' 'anma chi tz'a'n 'och no xajmb'al-l 'a wojltac an Jehová in, yuj yajx lajwoc mul. 'Ixta tz'aj sacb'tzan sb'a 'ix yuj syailal cha. Atn jun tzo'n̈ cuynb'il tic, 'a yic tz'alj eb' winc 'unin, mto 'ix 'unin.

Chuj San Mateo Bible

⁷ Axo jun vin̈ sacerdote chi' tz'ac'an d'ayin silab'il yic vach' tz'ac'ji tup smul ix. Icha chi' tz'aj sacb'ixican ix. Aton juntzan̈ sleyal tic ayic tz'alji vinac unin, ma ix unin.

Lv 12:7 Referans Kwoze

Gl 3:28

Man̈x 'a yel'chi, toto israel on̈, mto griego on̈. Wach'xam 'ayn̈ 'och mosoal to man̈ quico'oc qui b'a, wach'xam mun quic qui b'a, toxn̈ej winac, toxn̈ej 'ix, may yel'chi, yujto junxn̈ej cajc qui masnil yet' Cristo. 'Icha to junxn̈ej 'anmal cajc qui masnil.

1 Co 7:14

Yujto a win yichmil 'ix cha, wach'xam man̈ creyenteoc, 'icha to yic Dios yaj win yet' 'ix, yujto jun yaj win yet' 'ix creyente cha. An̈jtona', 'ixta pax junc 'ix man̈ creyenteoc, 'icha to yic Dios yaj 'ix, yujto jun yaj 'ix yet' win creyente cha. Toto man̈ 'ichaoc yic Dios yaj eb', ax yunnal eb', comn 'anman̈ej am yaji. Palta ma'ay, yic Dios pax eb'.

Ro 3:26

'Ixta yutjnac sch'oxn paxi, to an̈ja tojl snab'en ticnec. Yujto caw tojl tzyutj sb'a, yic tzyalni, to wach'n̈ec 'a sat an̈ tzca'c 'och qui c'ojl 'a Jesús.

Ro 3:23

Yujto c'uxn x'och qui mulc qui masnil 'a 'a, yuj cha, may calnec quic 'a swach'l Dios.

Job 14:4

¿Toc 'ayn̈ tztac' qui b'on swach'il, 'into 'aych xon maysch'olnil 'ayn̈ on̈?

Job 1:5

A yic tzlajw yec' q'uin̈ chi 'a junjn eb', tzyawtn win Job chi smasnil eb' yunnal cha yic tzsacb'tzan sb'a eb' 'a sat Dios. Ax 'a junx c'u, tzseb' q'ue wan win yac' tz'a xajmb'al yuj junjn eb' yunnal cha, yujto lemb'il tzlaj 'och smul eb' sb'uchwj 'a Dios snan winac. Yuj cha, 'ixtan̈ej tzyutj sb'a win 'a junjn 'ejem.

Lv 4:35

Tz'ijx 'el smasnil xepual no', 'icha wal tz'aj yijx 'el yic no tz'ajx xajmb'al-l yic junc'ojlal. Tz'ajx tz'a xepual no 'a yib'n̈ yet'l xajmb'al. Junn̈j tz'aj stz'a yet' jun tzo'n̈ xo xajmb'al tz'ajx xon tz'a 'a wojltac an Jehová in. 'Ixta tzyutj jun ya'mal 'och sti eb' 'anma chi sb'on jun xajmb'al cha, sec tz'ajx lajwc smul jun 'anma cha.

Lv 4:31

Tz'ijx 'el smasnil xepual no xajmb'al cha, 'icha tz'aj yijx 'el yic no tz'ajx xajmb'al-l yic junc'ojlal. Tz'ajx tz'a 'a wojltac an Jehová in, caw wal wach' sjab' tzwab'i. 'Ixta tzyutj win ya'mal 'och sti eb' 'anma chi sb'on jun xajmb'al cha, sec tz'ajx lajwc smul jun 'anma cha.

Lv 4:26

Tz'ajx tz'a smasnil xepual no 'a yib'n̈ yet'l xajmb'al, 'icha wal tz'aj no yic junc'ojlal. 'Ixta tzyutj win ya'mal 'och sti eb' 'anma sb'on no xajmb'al chi yuj smul win yajl cha, ax smul win cha, 'oj 'ajxoc can lajwoc.

Lv 4:20

tzyal 'el'chi, to tzb'o jun quelm wacx chi xajmb'al-l 'icha no xajmb'al tox 'ix b'inaxi. 'Ixta tzyutj win ya'mal 'och sti eb' 'anma sb'on no xajmb'al chi yuj smul eb' chon̈b' cha, ax smul eb' cha, 'oj 'ajxoc can lajwoc.

Lv 1:4

Yowlal tzyac' q'ue jun 'anma chi sc'ab' 'a sjolm no noc' cha, sec chab'il no 'a 'a, yuj yajx lajwc smul.

Lv 12:6

A yic tz'acw jun tzo'n̈ sc'ul 'a yic tzb'ox can 'el'ch sc'ojl 'ix, wach'xam winc 'unin, mto 'ix 'unn jun yune 'ix cha, yowlal tzyij cot 'ix nunb'il chi junc no quelm calnelu jun ab'il sq'uinal yet' junc no cowojte', mto junc no parama. Tzya'n 'ix no 'a win ya'mal 'och sti eb' 'anma', yic tz'a no xajmb'al-l 'a yojltac Mantiado 'a 'aj tzin chaj in b'a eyet'oc.

Lv 12:8

Toto a 'ix nunb'il cha, matz tac' ya'n 'ix junc no calnelu, tztac' tzyij cot 'ix chawn̈oc no cowojte', mto chawn̈oc no parama, ax win ya'mal 'och sti eb' 'anma chi tz'a'n tz'a junc no xajmb'alil, ax junc xo no tz'ajx xajmb'al-l yuj mul. 'Ixta tz'aj sacb'tzan sb'a 'ix sec tztac' sjapx 'ix yalsb'a 'ayn 'a in cajnub', xchi Dios 'a Moisés.

Lv 15:15

Jun no tz'ajx xajmb'al-l yuj ya'n lajwc mul, ax junx no tz'ajx tz'a'oc, 'ixta tzyutj win ya'n 'och no 'a wojltac, yuj sb'ox can 'el'ch win 'aj tz'ec' jun yailal cha.