Lv 11:44 - Chuj San Sebastian Bible

⁴⁴ An tic Jehová e Diosal in, yuj cha, 'ijec 'el e b'a 'a jun tzo'n̈ tas man̈ wach'c cha. Yowlal wach'n̈j tzeyutj e b'a, yujto an tic, caw wach'nn̈ej. Yuj cha, caw matz tac' eyixtn 'el e b'a yuj jun tzo'n̈ no noc' cha.

Chuj San Mateo Bible

⁴⁴ A in ton Jehová e Diosal in, yuj chi' b'esequel e b'a d'a juntzan̈ man̈ vach'oc chi', yujto vach' inn̈ej, yuj chi' te max yal eyixtanb'at e b'a yed' juntzan̈ noc' chi'.

Lv 11:44 Referans Kwoze

Ex 20:2

An ton Jehová e Diosal in, an ex wij 'elt 'a yol yic Egipto 'a 'ajtil 'ayx 'och mosoal, 'aj man̈ eyico'oc e b'a.

Lv 19:2

Al 'a eb' et israelal, to an tzwal jun tzo'n̈ checnb'il tic 'a eb': Wach' tzeyutj e b'a, yujto an Jehová in tic, caw wach'nn̈ej.

Lv 20:7

Jun 'ejmn̈ej tzeya'ch e b'a 'a yol in c'ab', wach'n̈j tzeyutj e b'a, yujto an Jehová in, e Diosal in.

1 Ts 4:7

Yujto a 'awtjnacn̈ec 'och yico'oc, sec caw wach' tzcutjec qui b'eyb'al. Man̈ yujoc qui b'onec maysch'olnil, on̈ yawtnec.

Lv 20:26

Ax tic, wach' cab' tzeyutj e b'a 'ayin, yujto an Jehová in tic, caw wach'nn̈ej. An ex in pojcn 'elt 'a scal jun tzo'n̈ xo chon̈ab', sec tzex 'och wico'oc.

A Sb'ab'el Carta San Pedro 2:9

Palta an̈ec xo tic, junxn̈ej quin̈tl qui masnil 'a sat Dios, yujto sic'b'iln̈ec xo 'el yu'uj. 'Ayx copisoec ca'n 'och qui ti 'a Dios, tzca'nec servil qui Reyal. Caw junxn̈ej chon̈b'al cajc 'a sat Dios. Cojn wal 'a tzca'c servil. Yic on̈c xo qui masnil ticnec. 'Ixta tzon̈ 'ajec, sec wach' calnec 'eli, chajtlto man̈ jantcoc swach'l Dios. Yujto a on̈ 'awtnec 'elt 'a scal q'uic'q'uinal, yic on̈ 'ochc 'a jun sacq'uinl caw wach', atn jun yico'.

Lv 21:8

'Ay cab' sjelpal eb' 'a e sat, yujto a eb' tz'a'n 'och 'ixm pan ofrendail 'a wojltac. Yuj cha, chuc cab' yel eb' 'a e sat, yujto an Jehová in tic, caw wach'nn̈ej, an xin si'cn 'el eb' sec caw wach' tz'ajcn eb'.

Dt 14:2

Yujto an̈ec tic, schon̈b' on̈c Jehová Dios. A 'on̈ si'n 'elt 'a scal jun tzo'n̈ xo chon̈b' 'ay 'a sat lum tic, sec tzon̈ 'ochcn schon̈b'oc.

Apoc 22:11

A ticnec, a eb' an̈ja sb'on maysch'olnil, swach' b'oc cab' eb' maysch'olnil cha. Yet' eb' an̈ja sb'on jun tzo'n̈ tas yajb'entac, swach' b'oc cab' eb'. Ax eb' tzb'on tas wach', swach' b'oc cab' eb' wach'l cha. Yet' eb' 'aych snab'en 'a Dios, swach' 'a'c cab' 'och eb' snab'en 'a 'a, xchi.

Salmos 99:9

Ex wit chon̈ab', ¡Calc wach' paxti 'a Jehová qui Diosalec! 'Em coyc cumn 'a yojltac 'a lum tzaln yic yaji, yujto a qui Diosalec, Dios Cojxn̈ej Toni.

Salmos 99:5

Ex wit chon̈ab', ¡Calc wach' paxti 'a Jehová qui Diosalec, qui'c chan̈ sb'i! 'Em coyc cumn 'a yojltac, yujto Dios Cojxn̈ej Toni.

Mt 5:48

Yowlal tz'acn ex 'a smasnil tas wach', 'icha qui Mam 'ayc' 'a satcha'an̈, tz'acn 'a smasnil tas wach'.

Lv 10:3

Xlajw cha, xyaln Moisés 'a Aarón 'ixtic: —Yuj jun tic, x'el'ch tas yaljnac Jehová 'ayin yic yaln 'ixtic: A eb' tzin 'a'n servil, yowlal 'ay cab' wel'ch 'a sat eb'. 'Oj in ch'oxli to niwn wel'ch 'a smasnil eb' israel, xchi Dios, xchi Moisés. Ax Aarón man̈x 'a tas 'ix yala.

Ex 23:25

Cojn 'ayn Jehová e Diosal in tic, an̈j 'ayn tzeyal e b'a. Toto 'ixta', 'oj wac' in yaxilal 'a yib'n̈ tas tze c'uxu, yet' 'a yib'n̈ tas tze yuq'uej. 'Oj wi'l smasnil yab'il 'a e cal.

Ex 19:6

Ax tic, ya'mal 'och sti eb' 'anma tzex 'ajcn 'ayin, yic tzin eya'n servil. A jun chon̈b'alx tic, wicn̈ej tzex 'ajcni, xchi Jehová, xa chi 'a eb', xchi Dios 'a Moisés.

Is 43:3

An Jehová in, e Diosal in, e colmal waji, Cojxn In Ton e Diosal In. An 'ix wa'ch Egipto, Etiopía, yet' chon̈b' Seba e mannb'iloc.

A Ch'an̈ B'ab'el Libro Samuel 6:20

Yuj cha, xyaln eb' 'aj Bet-semes chi 'ixtic: ¿Mach wal junc tztac' sc'och 'a yojltac Jehová, atn jun Dios caw 'ay smay? Mach wal 'aj tz'at ca'c can te', yic tz'el te 'a qui tz'eyc tic? xchi eb'.

Lv 11:43

Man̈ eyixtc 'el e b'a yuj no noc' man̈ wach'c cha, yujto tzex juw can 'el yuj no'.

Ex 6:7

'Oj ex wi'ch in chon̈b'oc, ax woch e Diosaloc. 'Ixta 'oj eyutc eyojcan 'eli to an ton Jehová in, e Diosal in. An tzex in col-l 'a yol sc'ab' eb' 'aj Egipto tic.

Am 3:3

Toto 'ay chawn̈oc 'anma moln sb'eyi, tzyal 'el'chi, to wach' yaj eb'.

Is 51:15

An Jehová in tic, e Diosal in, a 'in b'i, Jehová tztac' yuj smasnil, an tzwac' q'ue wan chel-loc a mar, tzwa'n pax c'an̈ a'.

Ex 16:12

—'Ix wab'i tas xyutj paxtinc sb'a eb' 'anma tic 'ayin, yuj cha, al 'a eb': To a 'a yemc'ul tic, 'oj wac' schi eb' chib'ej, ax 'a sq'uin̈b'il q'uic'an, ata 'oj wac' wa eb', masnto 'oj b'ut'joc sc'ojl eb'. 'Ixta 'oj yutc eb' yojcan 'eli, to an tic Jehová in, e Diosal in e masnil, xchi Dios.

Ex 19:10

Yuj cha, 'ix yaln Jehová 'ixtc 'a 'a: —'Ixic, 'at al 'a eb' chon̈b' cha, to tzb'o sb'a eb' ticnec, yet' q'uic'an, tzju'n pax 'el eb' spichul, yujto 'oj 'och eb' 'emmquilal 'ayin.

Ex 22:31

Ax tic caw yel wic eyaji. Man̈ e chi schib'jal junc no noc' tzcham yuj no calte'al noc', a cab' no tz'i tzeyac' chinoc.

Lv 18:2

Al yab' eb' et israelal, to an tzwac' jun tzo'n̈ ley tic: An tic Jehová e Diosal in.

Lv 19:3

Yiclum tzeyutj e b'a junjn ex 'a e mam e nun. Tzeyiclj sc'ul 'iljelal, an Jehová e Diosal in, an tzwala.

Nm 15:40

Palta 'ixta 'oj eyutc e nan cot smasnil in checnb'il, ax e b'eylb'ani, yujto wic tzex 'aji, an xo e Diosal tzin 'aji.

Ex 22:30

'ixta pax sb'ab'l 'une e wacax, mto e calnelu. Tztac' tzcan no uque'oc c'u yet' snun, ax 'a yic swajxq'uejial xo yalj no', tzeya'n no 'ayin.

Lv 19:4

An tzwala to man̈ eya'ch e nab'en 'a jun tzo'n̈ yechel, man̈ e b'o chan̈ q'uen q'uen e diosaloc.

Lv 19:10

An Jehová e Diosal in, an tzwala. Man̈ e mitz'c sat te uva 'awb'il eyu'uj, man̈ e si'chan̈ te sat chi tzlaj 'em 'a yich. 'Actjec can yico'oc eb' meb'a', yet' eb' chuc chon̈b'al.

Josué 24:19

Yuj cha, xyaln Josué 'a eb' chon̈b' chi 'ixtic: —Ax tic, ma'oj stac' eya'n servil Jehová, yujto caw matz techj yu'uj yic tzyiln 'och tas man̈ wach'oc. Caw wal ow toto tzex 'och 'emmquilal 'a jun tzo'n̈ comn dios, matz yac' niwnc'ojlal jun tzo'n̈ mul cha.

A Ch'an̈ B'ab'el Libro Samuel 2:2

Mamin Jehová, may junc xo mach wach'. May junc xo mach wach' scolwj 'icha ach tic. Ach qui Diosal on̈, cojn ach colwjum ach.