Lv 11:33 - Chuj San Sebastian Bible

³³ Q'uinloc tz'em sniwnal junc no chamnc noc' chi 'a yol junc lum chen, a smasnil tas 'ay 'ejm 'a yojl lum cha, man̈ wach'c tz'aj yuj no', ax jun chen cha, yowlal tzma'x pojoc.

Chuj San Mateo Bible

³³ Tato tz'em junoc noc' noc' chi' d'a yol junoc lum chen ayic toxo ix cham noc', a tas ayem d'a yol lum chi', man̈ vach'oc tz'ajcani, axo jun chen chi', yovalil smac'jipoj luum.

Lv 11:33 Referans Kwoze

Lv 15:12

Toto 'ay junc lum chen tzyam jun winc 'ay tas tz'el 'a cha, yowlal tzma'x poj lu'um, toto te yamc'ab' jun, ton̈j tzb'icx 'eli.

Lv 6:28

An̈jtona lum chen 'aj tz'an̈x no xajmb'al cha, yowlal tzma'x poj lu'um. Palta toto a 'a yojl junc q'uen chen bronce tz'an̈xi, cojn to tzjosx 'el slumal, caw wach' tz'aj sb'icx 'eli.

A Scarta San Pablo D'a Eb' Aj Filipos 3:21

A 'oj jelnoc jun qui niwnalec may jac swach'l tic, sec wach' lajn 'oj 'aj yet' jun yico', yujto a jun cha, caw niwn swach'il. 'Ixta 'oj on̈ yutquec yet' spoder, yujto 'ay spoder ya'n mandar smasnil tas.

Jeremías 48:38

A 'a smasnil span̈nil yib'n̈ n̈a 'a Moab, yet' 'a smasnil yoltc caye, cojxn cusc'ojlal tz'ab'xi, yujto caw an Jehová in, an tzwala, to 'ix in satl Moab, 'icha wal tz'aj sma'x poj junc lum chen man̈x 'a sch'olnil.

Lv 14:45

Yuj cha, yowlal tzpojx 'ejmi, smasnil q'uen q'ue'en, yet' lum lum 'aych 'a 'a, tz'at julxoc can 'el 'a junc lugar man̈ wach'c 'a sti 'el chon̈ab'.

Lv 11:35

Smasnil tas 'aj tz'em junc no chamnc noc' chi 'a yib'an̈, a jun tzo'n̈ cha, man̈ wach'c tz'aji; 'icha junc jorna, mto junc yet'l c'ac', yowlal tzpojx 'ejmi. A jun yamc'ab' cha, man̈ wach'c tz'ajcn yu'uj. Yowlal tzeyojquej 'eli chajtlto man̈ wach'c jun tzo'n̈ cha.

Lv 11:34

Smasnil tas wach' sc'uxx 'aj tz'ejm a a 'ay 'a yojl lum chen cha, man̈ wach'c tz'ajcn yu'uj. Mto 'ay 'ejm 'uc'b'il 'ixm 'a yol jun chen cha, an̈jtona man̈ wach'c tz'ajcn yu'uj.

Lv 6:21

A 'a yojl junc xalten tzb'o jun ofrenda cha, wach' tz'aj sc'anb' 'a scal aceite, tzlajw cha, tzb'uychtax 'a yic tz'ajx ofrendail. Caw wach' sjab' jun tzo'n̈ chi tzwab' an Jehová in.

Lv 13:52

Tzann̈j pichlal, mto yamc'ab' to 'ayx jun c'uxmtac chi 'a 'a, yowlal tz'ajx tz'a smasnil, yujto a jun cha, niwn tas tztac' sjuw 'el yu'uj.

Nm 19:15

Smasnil lum chen mto lum xalu, man̈ wach'c yaj q'ue smacl sti', an̈jtona man̈ wach'c tz'ajcni.