Lv 11:29 - Chuj San Sebastian Bible

^29-30 An̈jtona smasnil no noc' tzjucsb'a 'a sat lu'um, caw man̈ wach'c no', atn no tic: no chaclajway, no ch'o'ow, no pajtza' yet' smasnil no tzjucsb'a, no q'uix'uchum, no 'ayin, no lagarto, no 'intam, no patix, yet' no tzaljcab'.

Chuj San Mateo Bible

^29-30 Axo masanil noc' noc' tz'ec' d'a sat luum, nachajocab' el eyuuj to max yal schiji juntzan̈ noc' tic: Icha noc' c'uxum boton, noc' ch'oov, noc' c'oc'on yed' masanil macan̈il noc' pajtza' yed' masanil macan̈il noc' tz'ec' n̈ern̈onoc ma tz'ec' jachjonoc: Aton noc' ayin, noc' lagarto, noc' patix yed' noc' tzalajc'ab'.

Lv 11:29 Referans Kwoze

A Ch'an̈ Carta D'a Eb' Hebreo 13:5

Man̈ cojxnoc 'a tumn 'aj tzca'c 'och qui nab'en qui sayni. Tzalj coyc cab'n̈ej yet' tas 'ay 'ayn̈ junjn on̈ec, yujto yaljnac Dios 'ixtic: Ma'oj ex wactc cani, may b'a'n̈ 'oj e can e ch'ocoj, xchi.

A Scarta San Pablo D'a Eb' Aj Colosas 3:5

Yuj cha, jantcn̈ej e b'eyb'al yic yolyib'n̈q'uinl tic, 'actjec can smasnil, satc can 'el 'a jun 'ejmn̈ej. Caw man̈x e b'o 'ajmulal, mto junc xo tzann̈j maysch'olnil yet' e niwnal. Man̈xtzac stac' eya'n 'och e nab'en 'a 'ajmulal, mto 'a junc xo tu'al. An̈jtona', matz tac' e nib'n 'och ricoal. Yujto a yic tzqui nib'nec 'och ricoal, a 'a sat Dios, wan caln 'och jun chi qui diosaloc.

A Scarta San Pablo D'a Eb' Aj Filipos 3:19

Palta a eb' cha, yowlal 'oj satcn 'el eb' 'a jun 'ejmn̈ej. An̈j tas tznib'j 'och sniwnal eb', an̈j wal ta 'aych snab'en eb', 'icha to sdiosal eb' yaj jun tzo'n̈ cha. 'Ay jun tzo'n̈ tas tzb'o eb', caw q'uixweltac. An̈j yet' jun tzo'n̈ chi tzb'an̈ sb'a eb'. Cojxn jun tzo'n̈ yic yolyib'n̈q'uinl tic tzna eb'.

Ef 4:14

Yujto tznib'ej, man̈xtoc lajn on̈ 'icha eb' 'unn c'un somchj snab'en. A ticnec, 'ay eb' lajn 'icha junc barco ton̈j tz'eytz'n 'ec' yuj 'ic', yujto ton̈j tzsomchj snab'en eb' yuj jun tzo'n̈ chuc cuynb'ilal tzalx 'a eb'. Ton̈j tz'ixtx paxti eb' yuj jun tzo'n̈ eb' jeln ya'n 'es. A eb' cha, tznib'j eb' tzon̈ yij 'at 'a junc comn b'eyb'al.

Jn 6:66

Yuj cha, til wal eb' scuywum chi 'ix laj meltzj pax 'a spatic. Man̈xtzac yal sc'ojl eb' jun yec' yet'oc.

Jn 6:26

Xta'w Jesús 'a eb' 'ixtic: —Wal yel tzwal 'ayex, yujn̈ej to xb'ut'j e c'ojl wa'n e wa pan, yuj cha, tzin wul e saync pax 'eq'ui, man̈ yujoc xnachj 'el eyu'uj tas tzyal 'el'ch jun tzo'n̈ milagro xin ch'oxo.

Lc 16:14

Ax ewin fariseo cha, c'uxn xyab' ewinac tastc 'ix yal Jesús. Palta cojxn wal tumn 'aj 'aych snab'en ewinac. Yuj cha, ton̈j xb'uchwj ewin 'a 'a.

Lc 12:15

Xlajw cha, xyaln 'ixtc 'a eb' 'anma cha: —Caw tzeyil wal e b'a, sec may junc tas tze comn nib'j 'ochi. Man̈ yujoc to til wal tas 'ay 'ayn̈ec, tzaljc'ojlal que'c 'a yolyib'n̈q'uinl tic, xchi Jesús.

Hageo 2:6

An Jehová in, an tzwala, to jab'xoj wal tiempo, ax wa'n 'ib'xoc satcha'an̈, yolyib'n̈q'uinl tic, a mar yet' lum lu'um.

Is 66:17

A Jehová, a tzaln 'ixtic: 'Oj in satl eb' tzya'ch sb'a 'emmquilal 'a jun tzo'n̈ comn dios 'ayc' 'a scal te 'awb'ente'. Tzlaj sb'o eb' 'icha tas tzb'o junc tzjucb'tzan eb' cha. Tzlaj schi eb' schib'jal no chitam, yet' no ch'o'ow. A eb' 'anma tzchin jun tzo'n̈ no noc' man̈ wach'c tic, junn̈j 'oj 'aj satl eb', yujto wojtac tas tzlaj sb'o eb', wojtac tas nab'il yuj junjn eb'. An tic 'oj in jaw in molb'tzoc eb' 'anma 'a junjn nacion̈ yet' 'a junjn chon̈ab'. 'Oj jawc eb' 'a wojltac, ax yiln eb' in poder.

Salmos 10:3

Mamin Jehová, a eb' tzb'on maysch'olnil, tzyij chan̈ sb'a eb' yet' tas tznib'j 'ochi. A eb' tznib'j 'och smasnil tas, tzb'uchwj eb' 'a 'ayach, tzach spatquiln can 'el eb'.

Gn 1:20

Xyaln pax Dios 'ixtic: Yune'oc cab' sb'a smasnil no noc' 'a yoltc a a', yet' smasnil no ch'ic tz'ec' jen̈n̈oc 'a yib'n̈ lum lum tic, xchi. 'Ixta x'aji.

Lv 11:28

'Ixta pax junc mach tzsi'n chan̈ sniwnal junc no chamnc noc' cha, yowlal tzju'l spichul, palta man̈ wach'c tz'ajcn yu'uj, masnto yic tzq'uic'b'i, yujto man̈ wach'c jun tzo'n̈ noc' cha.

Pr 30:28

no xim, tztac' qui yamn e no', palta tz'och e no 'a yol sdespacho eb' rey.