Lv 11:20 - Chuj San Sebastian Bible

²⁰ Yet' pax smasnil no cotc noc' tzjen̈wi mto tzb'ey xecxnoc 'a sat lu'um, may sleyl tze chi no', yowlal tzeyojquej 'eli chajtlto yajb'il 'el no'.

Chuj San Mateo Bible

²⁰ An̈ejtona' pax masanil noc' cotac noc' tz'ec' jen̈en̈oc d'a jun petan̈il sb'ey d'a sat luum, yajb'entacocab' noc' d'a yol e sat.

Lv 11:20 Referans Kwoze

San Judas 1:19

Yuj eb' cha, 'oj spojl sb'a eb' yic xo Dios. An̈j jun tzo'n̈ tas tznib'j 'och eb' yet' sniwnal 'aj tzya'ch snab'en. May Yespíritu Dios 'aych 'a eb'.

San Judas 1:10

Ax eb' tic, ton̈j tzcomn b'uchwj eb' 'a junc man̈ yojcoc. 'Ay jun tzo'n̈ tas yojc eb', atn tas yojc xon junc noc' may snab'en. A 'a jun tzo'n̈ tic tzwach' 'a'j juwc 'el sb'a eb'.

2 Ti 4:10

Yujto a Demas, in yactj can in ch'ocoj. 'Ix 'at 'a Tesalónica, yujto cojn tas 'ay 'a yolyib'n̈q'uinl tic tznib'j 'ochi. Ax cu'tac Crescente, 'ix 'at 'a Galacia. Yet' cu'tac Tito, 'ix 'at pax 'a Dalmacia.

Mt 6:24

May junc mach tztac' ya'n servil chawn̈oc spatron̈, yujto 'ay jun 'aj 'oj chichnc 'ochi, ax jun 'oj schamc'ojloc, mto 'ay junc 'aj 'oj ya'ch snab'en, ax junc may yel'ch 'a sat. Yuj cha, matz tac' ca'nec servil Dios, tzca'nec pax 'och qui nab'en 'a q'uen tumin.

Salmos 17:14

Coln 'el 'a yol sc'ab' eb' 'anma cojn tas 'ay 'a yolyib'n̈q'uinl tic 'aych yipc sc'ojol. 'A' cot yailal 'a yib'n̈ eb', atn jun yailal to yic xon eb' yaji, yamchj c'och cab' yunnal eb' yet' yixchicn eb'.

Dt 14:19

Smasnil no cotc noc' 'ay sc'axl secsni sb'ey 'icha no turin, man̈ wach'c e no'. Matz tac' schix e no'.

Lv 11:27

Tzann̈j noc'l to chan̈e yoc, niwn pax sc'ab', a jun tzo'n̈ noc' cha, may sleyl tze chi no'. A mach tzyamn junc no noc' chi 'a yic chamnc xo no', caw man̈ wach'c tz'ajcni, masnto yic tzq'uic'b'i.

Lv 11:23

Palta ax smasnil no cotc noc' tz'ec' jen̈n̈oc mto tzb'ey 'a sat lu'um, a no cha, may sleyl tze chi no', yowlal tzeyojquej 'eli chajtlto yajb'il 'el no'.

A Tas Sc'ulejnac Eb' Schecab' Jesús Hechos 10:14

Palta xyaln Pedro 'ixtic: —May Mamin, yujto mant 'a jun 'ejmoc xin c'ux junc tas comn yaji, mto junc tas 'ay yowlal yuj ley yic Moisés, xchi.

Lv 11:21

Palta ax no 'ay yip yoc sb'atjchan̈ 'a sat lu'um, wach'xam tzjen̈w no', wach'xam tzb'ey pax no 'a sat lu'um, tztac' e chin no'.