Lv 10:1 - Chuj San Sebastian Bible

¹ A chawn̈ eb' yunnal Aarón, atn Nadab yet' Abihú, 'ix yij cot junjn eb' stz'ab'c'ac'. 'Ix ya'n 'och eb' sc'aq'uil, xya'n pax 'ejm eb' incienso 'a yib'an̈. Xlajw cha, xya'n 'och eb' jun c'ac' chuc yel 'a yojltac Jehová, to man̈oc 'ix aln 'a eb'.

Chuj San Mateo Bible

¹ A vin̈aj Nadab yed' vin̈aj Abiú, eb' vin̈ yuninal vin̈aj Aarón, ix yic'cot junjun chaynub' yic incienso eb' vin̈, ix yac'anoch sc'ac'al eb' vin̈, ix yac'anpaxem incienso eb' vin̈ d'a yib'an̈, ix yac'anoch eb' vin̈ d'a yichan̈ Jehová, to man̈oclaj ix alani.

Lv 10:1 Referans Kwoze

Nm 26:61

A Nadab yet' Abiú, atn eb' 'ix chami yic ya'n 'och eb' jun c'ac' man̈ wach'c 'a yojltac Jehová.

Lv 16:12

Tzyi'n cot stz'ab'c'ac', b'ut'n cab' yet' stzac'ac' yic yet'l xajmb'al, atn jun 'ayc' 'a wojltac an Jehová in, tzyi'n cot pax chajopc incienso su'q'ui sjab', tzyi'n 'oxt 'a yojltac te cortina 'aych smacloc snan̈l in cajnub'.

Dt 12:32

A smasnil jun tzo'n̈ tzwalcn tic, yowlal tze b'eylb'ej, man̈ eya'ch stz'acub', man̈ eyi'l pax jab'oc 'a 'a, xchi Moisés.

Nm 16:46

'Ix yaln Moisés 'a Aarón 'ixtic: —'Ij cot a tz'ab'c'ac', tza'n 'ejm stzac'ac' yic yet'l xajmb'al 'a yojol, tza'n q'ue incienso 'a yib'an̈. Tzlajw cha, tzach 'at mu'c 'a scal eb' 'anma cha, tza c'ann niwnc'ojlal 'a Dios yuj smul eb', yujto tox 'ix cot yowl Jehová 'a yib'n̈ eb', tox 'ix ya' cot jun yab'il to tzcham eb' 'anma smasnil yu'uj, xchi.

Ex 24:1

'Ix yaln pax Jehová 'ixtc 'a Moisés: —Q'uen̈ta 'a 'aj 'ayn 'ec' an Jehová in tic, 'ij cot Aarón, Nadab, Abiú yet' pax 70 eb' yichm wincal chon̈b' Israel. A yic mantzac ex jaw 'a in tz'ey, najttac tzex cani, tzex 'em cumn eyaln e b'a 'ayn ta'.

Ex 6:23

Ax Aarón 'ix yij sb'a yet' 'ix Elisabet, yisl Aminadab yanb' Naasón, xlajw cha, 'ix 'alj yunnal eb', atn Nadab, Abiú, Eleazar yet' Itamar.

Salmos 141:2

Wach' cab' tz'aj sq'ue'ch in lesl 'aych Mamin, 'icha tz'aj sq'ue'ch stab'l incienso tz'a 'a ojltac. Ax in c'ab' mojb'il q'ue 'ayach, lajn cab' yilx 'a yol a sat 'icha junc ofrenda tz'ajx 'aych 'a yemc'ual.

Lv 22:9

Al 'a eb' to tzyiclj eb' in checnb'il tic, yic wach' matz 'och smul eb', sec matz cham eb' yuj may yel'ch in checnb'il 'a sat eb'. Yujto an Jehová in, an in si'jnac 'och eb' wico'oc.

Ex 28:1

'Ix yaln pax Jehová 'ixtic: 'Awtj cot o'tac Aarón yet' eb' yunnal, atn Nadab, Abiú, Eleazar yet' Itamar. Sic' 'elt eb' 'a scal eb' eyit israelal sec a eb' 'oj 'och ya'malc 'och sti eb' 'anma 'ayin.

Ex 24:9

'Ix 'atx Moisés yet' Aarón 'a jolm witz Sinaí, yet' Nadab, Abiú yet' pax 70 eb' yichm wincal chon̈b' Israel.

Lv 16:1

A Jehová xpaxtin pax yet' Moisés, 'a yic tox xcham chawn̈ eb' yunnal Aarón, yujn̈ej to 'ix comn 'och eb' 'a yojltac Jehová.

Lv 9:24

'Ix 'elt c'ac' 'a yojltac Jehová, 'ix ya'n tz'a no xajmb'al yet' xepu, 'ix tz'a no smasnil. A yic xyiln smasnil eb' israel jun tic, caw x'el yaw eb' yuj tzaljc'ojlal, x'em n̈ojnjoc eb' masnto squil 'ejm eb' snan̈l sat 'a sat lu'um.

Ex 27:3

Smasnil syamc'ab'il jun yet'l xajmb'al cha, broncen̈ej tz'aji: atn 'aj tz'em stan̈il c'ac', sluchlab'il, yuc'b'al, syamlab'il yet' 'aj tz'em stzac'ac'.

A Ch'an̈ Carta D'a Eb' Hebreo 9:4

Ata 'ay jun yet'l 'a 'aj tzn̈usx jun tzo'n̈ incienso, a jun cha, nab'a oro. Ata 'ay pax scaxail strato Dios, c'uxn 'aych oro 'a spatic. Ax 'a yojol, ata 'ay 'ejm jun q'uen chen oro, 'ay 'ejm maná 'a yojol. Ax 'a stz'ey jun chen cha, ata 'ay 'ejm jun sc'occh Aarón 'ix wolni. 'Ay 'ejm pax chab' q'uen 'aj tz'ib'b'il can jun strato Dios.

Jeremías 44:15

Yuj cha, smasnil eb' winc to yojtac chajtlto a eb' 'ix yistzil ewin tz'a'n incienso xajmb'al-l 'a jun tzo'n̈ chuc diosal, yet' smasnil eb' 'ix 'ix 'ayc' ta', caw wal niwn sb'isl eb', yet' pax smasnil eb' 'aj Judá cajn 'ec' 'a Egipto, yet' 'a Patros, 'ix ta'w eb' 'ayn 'ixtic:

Jeremías 44:8

¿Tas yuj tzin e tzuntzej, yuj eya'n incienso xajmb'al-l 'a e diosal, yet' 'a jun tzo'n̈ xo sdiosal Egipto tic, atn jun 'aj ex jaw cajn tic? Yuj wal jun tzo'n̈ tic, ax e lajw 'eli. 'Oj jawc catb' 'a eyib'an̈, 'oj e b'uchx yuj smasnil eb' nacion̈ 'ay 'a yolyib'n̈q'uinl tic.

Jeremías 32:35

An̈jtona 'ix sb'o chan̈ eb' yet'l xajmb'al yic Baal 'a span̈nil lum yic Ben-hinom. Ata tzyac' tz'a eb' yunnal yet' yisl xajmb'al-l 'a Moloc. 'Ixta wal x'aj yoch smul eb' 'aj Judá, yic sb'on eb' jun tzo'n̈ tas to man̈oc in xwala, a tas tzb'o eb' cha, may tas x'ec' xon jac 'a in nab'en.

Jeremías 19:5

An̈jtona', xe b'on pax jun tzo'n̈ yet'l xajmb'al 'a 'aj tzeyac' tz'a eb' eyunnal xajmb'al-l 'a comn dios Baal, tze b'on wal tas to man̈oc in 'ix wac' e b'o', may xon pax tas tz'ec' 'a in nab'en to 'ixta tzeyutj e b'a.

Jeremías 7:31

Ax 'a lum span̈nil lum Ben-hinom, ata sb'o eb' jun yet'l xajmb'al yic Tofet yic tzya'n tz'a eb' yunnal yet' yisl ta'. Palta man̈oc in xwac' sb'o eb', may 'aj 'ix 'ec' 'a in nab'en jab'oc.

Dt 17:3

toto tz'at yal sb'a 'a junc comn dios, mto tzyac' 'ejm sb'a 'a 'a, toto tzyal sb'a 'a c'u, 'a 'uj, 'a jun tzo'n̈ c'anal, atn jun tzo'n̈ waljnac, to may mach tzyac' 'ejm sb'a 'a 'a,

Dt 4:2

Man̈ eya'ch stz'acb' jun tzo'n̈ paxti tic, matz tac' pax eyi'n 'el jab'oc. Yowlal 'oj eyiclc jun tzo'n̈ schecnb'il Jehová qui Diosalec, 'icha wal tzwutj waln 'ayx tic.

Ex 38:3

An̈jtona bronce pax x'aj smasnil syamc'ab'il jun yet'l xajmb'al cha, atn 'aj tz'em stan̈il c'ac', syamnub'al, yuc'b'al yet' sluchlab'il, yet' pax yet'l stzac'ac'.

Ex 37:29

Xya'n pax Bezaleel b'o jun perjuma yicn̈ej Jehová yaji, yet' pax jun incienso caw wal wach' sjab', caw wach' x'aj sb'o 'icha tzyutj junc mach sb'on perjuma cha.

Ex 31:11

Ax sb'on eb' jun perjuma to wicn̈ej tz'ajcni, tzb'on pax eb' jun incienso caw su'q'ui sjab' tz'och 'a yojl in cajnub'. Wach' tzyutj eb' sb'on 'icha wal tzwutj waln tic, xchi Dios.

A Ch'an̈ B'ab'el Libro Yic Yab'ixal Eb' Rey 18:38

Xlajw cha, 'ix cot jupnjoc c'ac' 'a satchan̈ yuj Jehová. 'Ix tz'a no xajmb'al, te c'atzitz, q'uen q'uen cha, man̈x 'a jac spoccal xcani. 'Ix tup pax chan̈ a a 'ay 'a yol san̈ja cha.

Ex 8:27

Yuj cha, yowlal tzon̈ 'at 'a cusltac lum on̈, ata 'oj 'at cac' qui xajmb'al 'a Jehová qui Diosal on̈, 'icha yutjnac yalni. 'Oxe c'u ste'nb'il jun lugar 'aj tzon̈ 'at chi 'on̈, xchi Moisés.

Nm 4:18

Man̈ e cha satl eb' yin̈tl Coat 'a scal eb' levita,