Lv 1:4 - Chuj San Sebastian Bible

⁴ Yowlal tzyac' q'ue jun 'anma chi sc'ab' 'a sjolm no noc' cha, sec chab'il no 'a 'a, yuj yajx lajwc smul.

Chuj San Mateo Bible

⁴ Yovalil tzeyac'q'ue e c'ab' d'a sjolom noc', yic schaji noc' yuj yac'ji lajvoc e mul.

Lv 1:4 Referans Kwoze

Lv 4:26

Tz'ajx tz'a smasnil xepual no 'a yib'n̈ yet'l xajmb'al, 'icha wal tz'aj no yic junc'ojlal. 'Ixta tzyutj win ya'mal 'och sti eb' 'anma sb'on no xajmb'al chi yuj smul win yajl cha, ax smul win cha, 'oj 'ajxoc can lajwoc.

Lv 4:20

tzyal 'el'chi, to tzb'o jun quelm wacx chi xajmb'al-l 'icha no xajmb'al tox 'ix b'inaxi. 'Ixta tzyutj win ya'mal 'och sti eb' 'anma sb'on no xajmb'al chi yuj smul eb' chon̈b' cha, ax smul eb' cha, 'oj 'ajxoc can lajwoc.

Lv 3:8

a mach tz'a'n jun xajmb'al cha, tzyac' q'ue sc'ab' 'a sjolm no', tzlajw cha, tzmiln cham no 'a yamq'uil Mantiado cha. Ax junc eb' yunnal Aarón cha, a tzicn 'och schic'l no 'a schan̈paq'uil jun yet'l xajmb'al cha.

Lv 3:2

A mach tz'a'n jun xajmb'al cha, tzyij cot 'a yamq'uil Mantiado 'a 'aj tzin chaj in b'a eyet'oc. Tzyac' q'ue sc'ab' 'a sjolm no', tzlajw cha, tzmiln cham no'. Ax junc eb' yunnal Aarón, a tzicn 'och schic'l no 'a schan̈paq'uil jun yet'l xajmb'al cha.

Ex 29:15

Tze'n cot junc no mam calnelu cha, ax Aarón yet' eb' yunnal, 'oj ya'q'ue eb' sc'ab' 'a sjolm no'.

Ex 29:10

Tzlajw cha, tze'n 'at no quelm wacx chi 'a 'aj 'ay Mantiado 'a 'aj tzin chaj in b'a eyet'oc, sec wach' tzyac'q'ue Aarón sc'ab' yet' eb' yunnal 'a sjolm no wacx cha.

1 Jn 2:2

'Icha tz'aj junc xajmb'al, 'ixta x'aj scham Cristo stojloc qui mulec. Man̈ yujocn̈ej qui mul an̈ec tic 'ix chami, palta yuj smul smasnil 'anma 'a yolyib'n̈q'uinl tic.

Ro 12:1

Ex wu'tac, ex wanab', caw tz'o'ch sc'ojl Dios 'ayn̈ec. Yuj wal cha, tzin tew 'at 'ayex, to tzeya'ch e b'a 'a yol sc'ab'. 'Icha junc xajmb'al pitzan, tz'ajx yico'oc, 'ixta tzcutjec ca'n qui b'a 'a 'a. Toto 'ixta tzcutjec qui b'a, tzyal 'el'chi, yic on̈n̈ej Dios, tzca'nec servil 'a smasnil qui c'ojol, 'icha wal tznib'ej.

Lv 4:31

Tz'ijx 'el smasnil xepual no xajmb'al cha, 'icha tz'aj yijx 'el yic no tz'ajx xajmb'al-l yic junc'ojlal. Tz'ajx tz'a 'a wojltac an Jehová in, caw wal wach' sjab' tzwab'i. 'Ixta tzyutj win ya'mal 'och sti eb' 'anma chi sb'on jun xajmb'al cha, sec tz'ajx lajwc smul jun 'anma cha.

Ex 29:19

Tze'n cot junx no mam calnelu cha, ax Aarón yet' eb' yunnal, tzya'n pax q'ue eb' sc'ab' 'a sjolm no'.

A Scarta San Pablo D'a Eb' Aj Filipos 4:18

An xo tic, man̈x jantcoc tas xin cha'aj, 'ay pax tzyac' sobra ticnec. A jun e colwal xwul yac' Epafrodito tic, caw colb'iln̈ej tzcolwj 'ayin. 'Icha junc tas tz'ajx 'a Dios, caw su'q'ui sjab', mto junc xajmb'al caw wach', 'ixta jun e colwal tic, caw tzalj Dios yet'oc.

Is 56:7

toto 'ixta', 'oj wi' cot eb' 'a jun tzaln to wicn̈ej yaji, ax wa'n stzaljc'ojlal eb' 'a yol watut 'aj tz'och lesl 'ayin. 'Oj in cha sn̈us eb' xajmb'al yet' yofrenda 'a yib'n̈ yet'l xajmb'al to wic yaji, yujto 'oj alxoc yuj watut, to yatutal lesl yaj yuj smasnil chon̈ab'.

Nm 15:25

Tzlajw cha, ax win ya'mal 'och e ti 'ayin, a win tzb'on 'och no xajmb'al chi 'a wojltac 'a 'icha sleyal, sec tz'ajx lajwc e mul. 'Oj wac' niwnc'ojlal 'a eyib'an̈, yujto man̈ sc'anc e c'ojol. Yowlal tzeyac' eyofrenda cha, yet' xajmb'al tz'a'n lajwc e mul.

Lv 16:24

Tz'achn 'a jun lugar sic'b'il 'eli, tzlajw cha, tzya'n pax 'och spichl tzc'an xon 'a yopiso. Tzlajw cha, tzya'n tz'a no xajmb'al to mun yico', yet' pax no yic eb' chon̈b' cha, sec 'ixta tz'aj yajx lajwc smul yet' pax yic eb' chon̈b' chi smasnil.

Lv 16:21

Tzya'n q'ue sc'ab' schab'l 'a sjolm no', tzyamn 'och yaln 'ejm smul yet' stenmtacl eb' eyit israelal 'a yib'n̈ no'. 'Ixta tzyutj ya'n can 'och jun tzo'n̈ mul chi 'a yib'n̈ no', sic'b'ilx cab' pax junc winc tz'at 'a'noc can no 'a lum cusltac lum 'a najat.

Lv 9:7

Xlajw cha, xyaln Moisés 'ixtc 'a Aarón: Nitz cot a b'a 'a stz'ey yet'l xajmb'al tic, tza'n no noc' chi a xajmb'alc yuj a mul yet' no xajmb'al tz'a'i, yic tz'ajx lajwc a mul cha. Tza'n pax no xajmb'al yuj yajx lajwc smul eb' quit israelal, 'icha wal xyutj Jehová yalni, xchi Moisés 'a Aarón.

Lv 8:22

'Ix ya'n Moisés 'ijxoc cot junx no mam calnelu cha, no tzc'anlb'ax 'a yic yochnb'il eb' 'a yopiso. Ax Aarón yet' eb' yunnal xyac' q'ue sc'ab' 'a sjolm no'.

Lv 8:14

Xlajw cha, xya'n Moisés 'ijxoc cot no quelm wacx tz'och xajmb'al-l yuj yajx lajwc mul, ax Aarón yet' eb' yunnal, x'a'n q'ue sc'ab' 'a sjolm no'.

Lv 4:35

Tz'ijx 'el smasnil xepual no', 'icha wal tz'aj yijx 'el yic no tz'ajx xajmb'al-l yic junc'ojlal. Tz'ajx tz'a xepual no 'a yib'n̈ yet'l xajmb'al. Junn̈j tz'aj stz'a yet' jun tzo'n̈ xo xajmb'al tz'ajx xon tz'a 'a wojltac an Jehová in. 'Ixta tzyutj jun ya'mal 'och sti eb' 'anma chi sb'on jun xajmb'al cha, sec tz'ajx lajwc smul jun 'anma cha.

Lv 4:29

Tzyac'q'ue sc'ab' 'a sjolm no', tzmiln cham no 'a 'aj tzmilx cham xon no noc' tz'ajx tz'a xajmb'alil.

Lv 4:24

Tzya'n q'ue sc'ab' 'a sjolm no chiwo cha, tzmiln cham no 'a wojltac 'aj tzmilx cham xon no noc' tz'ajx xajmb'alil, yujto xajmb'al yic mul yaj no'.

Lv 4:15

Ata tzyac' q'ue eb' yichm wincal chon̈b' sc'ab' 'a sjolm no'. Tzlajw cha, tzmiln cham eb' no 'a wojltac an Jehová in.

Lv 4:4

Tzyij cot win no 'a yamq'uil Mantiado 'aj tzin chaj in b'a eyet'oc, ata tzyac' q'ue sc'ab' 'a sjolm no'. Tzlajw cha, tzmiln cham win no 'a wojltac.

Lv 3:13

a mach tz'a'n jun xajmb'al cha, tzyac' q'ue sc'ab' 'a sjolm no', tzlajw cha, tzmiln cham no 'a yamq'uil Mantiado. Ax junc eb' ya'mal 'och sti eb' 'anma cha, a tzicn 'och schic'l no 'a schan̈paq'uil jun yet'l cha.

A Ch'an̈ Carta D'a Eb' Hebreo 10:4

Yujto a schic'l no mam wacax, yet' schic'l no quelm chiwo, matz tac' yi'n 'el jac qui mulec.

Ro 5:11

Man̈ cojnoc yuj jun tzo'n̈ tic tzon̈ tzaljec, tzon̈ tzaljec pax 'a Dios yuj Cajlil Jesucristo, yujto yu'uj, junc'ojlal xoj cajc yet' Dios ticnec.

Ro 3:25

A Cristo 'ajxnac 'och xajmb'al-l yuj Dios. 'Elnc schiq'uil, yic tzyi'n 'el qui mulec, yujto tzca'c 'och qui c'ojl 'a 'a. 'Ixta yutjnac Dios sch'oxni, to caw tojl yutjnac sb'a pecti', yic ya'n niwnc'ojlal 'a eb' laj 'ochnc smul 'a 'a.

Dn 9:24

'Oj 'ec' 70 seman 'a yib'n eb' et israelal, yet' 'a yib'n̈ jun a chon̈b' to yicn̈ej Dios yaji, masnto 'oj lajwc 'ec' tenmtaquil yet' maysch'olnilal, ax yajx lajwc smasnil mul. Atta 'oj jawc jun tojl b'eyb'al 'a jun 'ejmn̈ej. A yic cha, 'oj 'el'choc tas 'ilb'il yuj eb' schecb' Dios 'a waychil, yet' tas alb'il can yuj eb'. 'Ixta to b'i'an, ax yajx 'och yopiso jun sic'b'il 'el yuj Dios.

Nm 25:13

To tzwac' jun 'opiso tic 'a 'a, yet' 'a eb' yin̈tl b'aquin̈, yic tz'ochcn eb' ya'malc 'och sti eb' 'anma 'ayn 'a jun 'ejmn̈ej. Caw locn 'ix yab' syal wet'oc, 'ix ya'n sicb'oc yowl in c'ojl 'a yib'n̈ eb' chon̈b' tic, xchi Dios.

Nm 15:28

Ax win ya'mal 'och e ti cha, a win tzb'on no xajmb'al cha, 'icha xon tz'aji, sec tz'ajx lajwc smul junc 'anma cha, sec 'ixta tzwutj wa'n niwnc'ojlal 'a yib'n̈ an Jehová in.

Nm 8:12

Tzlajw cha, tzya'n 'at eb' levita chi sc'ab' 'a sjolm e no quelm wacx cha, tz'ajx junc no xajmb'al-l yuj mul, ax junc xo no tz'ajx tz'a xajmb'al-l 'ayn an Jehová in, yic tzsacb'tzax can eb' levita cha.

Lv 22:27

A yic tz'alj junc yune e wacax, mto junc yune e calnelu, mto junc yune e chiwo, yowlal tzcan no yet' snun uque'oc c'u, ax 'a swajxquil c'u yalj no', tzax stac' yajx tz'a no xajmb'al-l 'a wojltac an Jehová in.

Lv 22:21

Tzann̈j mach tzyac' junc xajmb'al yic junc'ojlal 'ayin, yic tzya'n 'el'choc 'ajtil ya'jnac can sti', mto ton̈j tz'el 'a sc'ojl ya'ni, a cab' junc no quelm wacax mto junc no calnelu may spaltail tzyac'a, sec chab'il no 'a 'a.

Lv 6:7

Ax win tz'a'n 'och jun xajmb'al chi 'a wojltac yuj smul jun 'anma cha, ax smul cha, 'oj 'ajxoc can lajwoc, xchi Dios 'a Moisés.

Lv 5:6

Tztac' ya'n jun 'anma chi junc no nun calnelu mto junc no nun chiwo xajmb'al-l 'ayn an Jehová in, yuj smul cha. A yuj jun xajmb'al cha, ax yajx can lajwc smul jun 'anma cha.

Ex 28:38

'Ixta wal 'oj yutc Aarón yi'n b'ey jun chi 'a snan̈l sat, yujto a yic tzya'n eb' israel yofrenda 'ayin, wach'xam 'ay spaltail eb', palta yuj jun placa cha, tzin chan yofrenda eb' cha.

Ex 29:33

'Oj sc'ux eb' jun tzo'n̈ cha, yujto a jun xajmb'al chi tz'a'n lajwc can smul eb' yic tzsi'x can 'el eb', mto yic tzchan can eb' yopiso ya'malc 'och sti eb' 'anma 'ayin. Palta may wal junc comn 'anma tztac' scomn c'uxn jun tzo'n̈ cha, yujto wicn̈ej yaji.

Lv 4:33

Tzyac'q'ue sc'ab' 'a sjolm no', tzmiln cham no 'a 'aj tzmilx cham xon no noc' tz'ajx tz'a xajmb'alil.

Nm 8:10

Tzaln 'a eb' levita cha, to tzjaw eb' 'a wojltac an Jehová in, ax smasnil eb' syajlil junjn 'in̈tal eb' chon̈ab', tzya't eb' sc'ab' 'a sjolm eb'.

Ez 45:15

Ax pax 'a e no calnelu, a 'a cha'chb' ciente e no', ata tzeyij can 'el junjnoc no caw b'aq'uech, e no caw yax 'aj tzwa 'a sat lum lum yic chon̈b' Israel. Atn jun stzol-l tic tas tz'aj yijx 'el ofrenda 'a tas tzc'uxxi, no xajmb'al tz'a'i, no yic junc'ojlal yet' no tz'ajx stojloc mul.

Lv 8:18

'Ix ya'n pax Moisés 'ijxoc cot no mam calnelu tz'ajx tz'a smasnil xajmb'alil, ax Aarón yet' eb' yunnal, xyac' q'ue eb' sc'ab' 'a sjolm no'.