Lv 1:1 - Chuj San Sebastian Bible

¹ 'Ix yawtn Jehová Moisés 'a yol Mantiado 'aj tzchaj sb'a yet' eb' 'anma', 'ix yaln 'a 'ixtic:

Chuj San Mateo Bible

¹ Ix avtaj vin̈aj Moisés yuj Jehová d'a yol mantiado, ix schecan yal juntzan̈ checnab'il vin̈ d'a eb' yetisraelal.

Lv 1:1 Referans Kwoze

Ex 19:3

Ax Moisés 'ix 'at paxtinc yet' Jehová Dios 'a sjolm lum witz cha, yujto a 'ix 'awtn paxtinc yet'oc, xyaln 'a 'ixtic: —Al jun tzo'n̈ paxti tic 'a eb' et israelal, atn eb' yin̈tl Jacob, to an Jehová in, an tzwal 'ixtic:

Ex 25:22

A 'a yib'n̈ smac te caxa cha, ata 'oj in ch'ox in b'a 'ayach, 'a snan̈l yechl chawn̈ querubín 'aych 'a yib'n̈ sti smac te scaxail trato, ata 'oj wac' ojcoc 'el smasnil in checnb'il 'a eyib'n̈ ax israel ex tic, xchi Dios.

Ex 29:42

A jun tzo'n̈ ofrenda tz'ajx tz'a 'a wojltac cha, 'oj ya'n̈j Aarón yet' eb' yin̈tl b'aq'uin̈. 'Oj ya'n̈j 'och 'a wojltac 'a yol Mantiado 'a 'aj tzin chaj in b'a eyet'oc yic tzin paxtin eyet'oc.

Jn 1:17

A Moisés ya'jnac can sley Dios 'ayn̈ec. Palta a Jesucristo tzch'oxn swach'c'ojlal Dios 'ayn̈ec. Tzya'n pax jun cuynb'il caw yel.

Nm 7:89

A yic tz'och Moisés paxtinc yet' Dios 'a yol Mantiado, tzyab' spaxtin 'elt Dios chi 'a snan̈l chawn̈ yechl querubín 'a yib'n̈ smacl scaxail trato 'a 'aj tz'ajx lajwc mul.

Ex 39:32

'Ixtn tic wal x'aj sb'o 'el'ch scajnub' Dios, atn jun Mantiado 'aj tzchaj sb'a yet' eb' 'anma'. Sb'o eb' israel smasnil tas 'ix yac' Jehová b'o'oc, 'icha wal yaj yaln 'a Moisés, 'ixta 'ix 'aji.

Ex 33:7

'Ix xuyn chan̈ Moisés jun Mantiado yic Jehová, najt 'ix yij 'el 'a stz'ey camplamento cha, ax 'a sti 'el chi sb'ox cha'an̈. 'Ix ya'n scuch Mantiado 'aj tzqui chaj qui b'a yet' Dios. Toto 'ay mach tznib'j c'umnoc Jehová, yowlal ata tz'at 'a jun Mantiado 'ay 'a sti 'el camplamento cha.

Ex 24:12

'Ix yaln pax Jehová 'a Moisés chi 'ixtic: —Q'uen̈ta 'a sjolm lum witz 'a 'aj 'ayn 'ec' tic, tzach jaw 'a in tz'ey, yujto 'oj wac' chapachn̈ q'uen q'uen 'ayach, 'a 'aj tz'ib'b'il 'och jun tzo'n̈ in checnb'il wu'uj, yic tz'och e cuynb'iloc, xchi Dios.

Lv 7:38

A jun tzo'n̈ ley tic, xyac' Jehová 'a Moisés 'a sjolm lum witz Sinaí. Atn wal 'a jun c'u cha, ata xyal 'a eb' israel to tzyac' eb' xajmb'al 'a Jehová.

Lv 9:16

Xya'n junx no xajmb'al stz'a smasnil, 'icha xon yaj sleyal.

Ex 3:4

Ax yic 'ix yiln Jehová to wan sc'och Moisés chi 'a stz'ey te c'ac' cha, 'ix paxtin 'elt 'a scal te', xyaln 'ixtic: —Moisés, Moisés, xchi. —Waj Mamin, xchi Moisés cha.

Nm 1:1

A 'a b'ab'l c'u yic schab'l 'ujl yoch schab'l ab'il yelt eb' israel 'a Egipto, 'ix paxtin Jehová 'a Moisés 'a yol Mantiado 'aj tzchaj sb'a Dios yet' eb' 'anma', yic 'ayx 'ec' eb' 'a lum cusltac lum yic Sinaí. 'Ix yaln 'a 'ixtic:

A Ch'an̈ Schab'il Libro Yic Yab'ixal Eb' Rey 16:13

'Ix ya'n tz'a win jun tzo'n̈ xajmb'al to tz'a'i. Xya'n pax win 'ixm trigo ofrendail. 'Ix secn q'ue yal uva ofrendail 'a yib'an̈, 'ix stzicn pax 'och schic'l no xajmb'al yic junc'ojlal 'a spatquil jun yet'l xajmb'al cha.

2 Cr 29:32

A no mam wacx xyij cot eb' chon̈ab', 70 sb'isl no', jun ciente no mam calnelu, chab' ciente no quelm calnelu, yic tz'ajx tz'a no xajmb'al-l smasnil 'a Jehová.