Lm 5:7 - Chuj San Sebastian Bible

⁷ A eb' qui mam quichm on̈, a eb' 'ochnc smul, palta chamnc xo eb'. Ax ticnec, a 'a quib'n̈ tzjaw yailal yuj smul eb' cha.

Chuj San Mateo Bible

⁷ A eb' co mam quicham ochnac smul, palta chamnacxo eb', axo d'a quib'an̈ scotcan yaelal yuj smul eb' chi'.

Lm 5:7 Referans Kwoze

Jeremías 31:29

A 'a yic jun tiempoal cha, man̈x 'oj yal eb' 'anma 'ixtic: A eb' mamb'il, 'ix slo eb' te paj uva, ax eb' 'unnab'il, caw quichcni s'at spajl te 'a yib' ye eb', man̈ xchic eb'.

Jeremías 16:12

Ax xo pax ax tic, yel xo wal maysch'olnil xeyutj e b'a 'a yib'n̈ eb' e mam eyichm cha. Junjn ex, tzlaj e b'o tas tu tzjaw 'a e nab'en, man̈xtzac eyiclj tas tzwala.

Ez 18:2

¿Tas yuj an̈ja yalx jun tzo'n̈ paxti tzyal eb' 'anma 'ixtc 'a scal chon̈b' Israel? A eb' mamb'il, 'ix laj slo eb' te paj uva, ax eb' 'unnab'il, a eb' xcomn cus ye, xchi eb'.

Jeremías 14:20

Mamin Jehová, caw tzqui na cot qui maysch'olnilal on̈, yet' pax stenmtacl eb' qui mam quichm on̈. Caw x'och qui mul 'aych on̈.

Ex 20:5

Man̈ ex 'em n̈ojn 'a 'a, man̈ eyac' 'ejm e b'a 'a junc yechl cha, yujto an Jehová e Diosal in, caw tzcot wowl 'ayex toto tzeyac' 'ejm e b'a 'a junc eb' cha. 'Oj wa'ch eyailal ax mamb'il ex toto may wel'ch 'a e sat, ax wa'n jawc yailal 'a yib'n̈ eyunnal, yet' smasnil eyin̈til.

Jeremías 31:15

Tzyaln Jehová 'ixtic: Caw tz'ab'x yoch 'aw 'a chon̈b' Ramá, 'ay mach caw wal ji'jmtac yoc' yuj yailal. A 'ix Raquel caw wal tz'oc' 'ix yuj eb' yune', man̈xtzac snib'j 'ix tz'ajx sniwnal sc'ojol, yujto man̈x 'a eb' yune 'ix 'ayq'ui.

Gn 42:36

Yuj cha, xyaln win smam ewin chi 'ixtic: —Caw tu tzin eyutj tzwab'i. Man̈x 'a junc wunnal tzcan eyu'uj, win José man̈x 'ayc 'ec' winac; an̈jtona 'ixta pax win Simeón, tze nib'n pax tzeyij 'at ni Benjamín tic. A mach tzyab' syail, an toni, xchi Jacob.

Zacarías 1:5

Palta ax ticnec, ¿tas 'ajnc eb' e mam eyichm cha? An̈jtona eb' in checb' cha, toc pitzn to eb'.

Job 7:21

¿Tom wal matz tac' in a'n niwnc'ojlal yuj in mul? ¿Tom matz tac' in a'n niwnc'ojlal yuj tas maysch'olnil tzin b'o'o? 'In to jab'xoj in 'atcn 'a scal pococ, 'oj in a sayq'ui, palta man̈x 'oj wilchji, xchi Job.

Job 7:8

A eb' tzin 'iln 'och ticnec, man̈x b'a'n̈ 'oj in yilch eb'; wach'xam cob' 'oj in sayx 'eq'ui, palta man̈x 'oj wilchji.

Gn 42:13

Xyaln pax ewin 'ixtic: —Ma'ay, an̈ tic on̈ mamin, lajchwan̈ qui b'ey on̈, cu'tacn̈ej qui b'a on̈, junn̈j qui mam on̈, ata cajn on̈ 'a Canaán. A win cu'tac slajb' 'unn on̈, 'aycn win yet' qui mam on̈, ax junx winac, man̈x 'a win 'ayc' quet' on̈, xchi ewinac.

Nm 14:18

chajtlto man̈ comnoc tzcot yowl a c'ojl muc'uc. Caw 'ay a chamc'ojlal yet' a niwnc'ojlal 'a yib'n̈ eb' maysch'olnil tzyutj sb'a, mto eb' tenmtac. Wach'xam matz ac' syailal eb' 'ay smul chi muc'uc, palta a smul eb' mamb'il cha, yowlal tzjaw to syailal 'a yib'n̈ eb' 'unnab'il, eb' 'ichicnab'il, eb' schab'il mto eb' yoxl 'ichicnab'il.

Jeremías 16:11

Tzach ta'w 'a eb' 'ixtic: A Jehová, a tzaln jun tic: A eb' e mam eyicham, in yactj can eb', ax 'a spatc jun tzo'n̈ comn dios 'ix 'och tza'n eb', xya'n eb' 'emmquilal 'a jun tzo'n̈ cha. In yactj can eb', ma'ix syiclj eb' jun tzo'n̈ cuynb'il 'ix wac' 'a 'a.

Ez 16:58

Ax ticnec b'i'an, tzchaj scuch yailal yuj tas maysch'olnil sb'o'o, yujto yajb'entac 'ix yutj sb'a.