Lm 4:16 - Chuj San Sebastian Bible

¹⁶ Yet' wal yowl sc'ojl Jehová, spechn can 'at eb', man̈x 'ic tan̈wx eb' yu'uj. Man̈x 'a yel'ch eb' ya'mal 'och sti eb' 'anma 'a 'a, man̈x 'ic 'o'ch sc'ojl 'a eb' 'ichmtac winac.

Chuj San Mateo Bible

¹⁶ Yed' yoval sc'ol Jehová ix yac' saclemb'at eb', majxo tan̈vaj eb' yuuj. Man̈xalaj yelc'och eb' sacerdote d'a yol sat eb' ch'oc chon̈ab'il, majxo oc'laj sc'ol eb' d'a eb' ichamtac vinac.

Lm 4:16 Referans Kwoze

Lm 5:12

'Ix q'ue t'un̈n eb' qui yajlil yuj eb' 'ajc'ojl yajch 'ayn̈ on̈, man̈x 'a xon jac yel'ch eb' 'ichmtac winc 'a sat eb'.

A Ch'an̈ Carta D'a Eb' Hebreo 8:9

A wal jun in trato cha, caw man̈ lajnoc 'icha jun in b'ojnac yet' eb' smam yichm eb', yic wi'n 'elt eb' 'a Egipto. 'Icha to in quetz sc'ab' eb', yic wi'n 'elt eb'. Palta a eb' cha, ma'ix syiclj eb' jun in trato cha, yuj cha, wactn can eb' sch'ocoj.

Jeremías 24:9

Caw 'oj wa' cot junc niwquil yailal 'a yib'n̈ eb'. Caw 'oj xiw jun tzo'n̈ xo nacion̈ yuj eb'. 'Oj 'ijxoc wal 'ejm eb' si'mb'il. A eb' 'anma 'a jun tzo'n̈ nacion̈ 'aj 'oj wac' sactzic can 'at eb', caw 'oj b'uchxoc eb' yuj eb', 'oj b'ajxoc eb' yuj eb'. 'Oj jawc catb' 'a yib'n̈ eb' 'oj b'uchxoc cha.

Dt 32:26

'Ix in na'a, to tzin pechcn 'at eb', tzin satn can 'el eb' 'a sat lum lum tic, sec man̈x b'a'n̈ 'oj b'inaxc eb'.

Dt 28:25

Caw 'oj ex yac' ganar eb' 'ajc'ojl yajch 'ayex, stzol-l 'oj eyaj e 'at eyac' cob' owl yet' eb', palta caw sactzicnac 'oj eyaj e 'at 'elc yuj eb'. Caw wal 'oj sat sc'ojl smasnil nacion̈ yuj tas 'oj eyaji.

Jeremías 15:4

'Oj jawc jun yailal tic yuj wal jun tzo'n̈ tas caw 'ay smay x'el sb'on win Manasés yunnal Ezequías 'a Jerusalén, yic 'aych win reyl 'a chon̈b' Judá. Smasnil eb' nacion̈ 'a yolyib'n̈q'uinl tic, caw 'oj xiw eb' yiln 'och jun tzo'n̈ yailal 'oj jawc 'a yib'n̈ eb' in chon̈b' tic.

Salmos 106:44

Palta a yic 'ayc' eb' 'a scal syailal cha, 'ix ab'n stew pax 'och eb' 'ayach.

2 Cr 36:17

Xlajw cha, xchecx cot win rey yet' eb' soldado 'aj Babilonia yuj Jehová, yic tzya'n owl yet' eb' 'aj Judá cha. A yic 'ix 'ajx ganar eb', 'ix milx cham eb' quelm yet' espada a yol yamq'uil yatut Dios. Man̈x 'a jac sniwnc'ojlal 'a eb' quelem, 'a eb' cob'es, yet' 'a eb' 'ichmtac 'anma man̈x 'a yip. Xya'ch Jehová smasnil eb' 'a yol sc'ab' jun rey cha.

Gn 49:7

Caw wal maysch'olnil eyico', may swach'l e nab'en, c'un scot eyowal. Yuj jun e nab'en may swach'l cha, yuj cha, ton̈j 'oj e sactzic can 'at 'a scal eb' eyit israelal.

Jeremías 52:24

A win comandante Nabuzaradán, a win 'ix yamn cot Seraías, atn win sat ya'mal 'och sti eb' 'anma 'a Dios, yet' win Sofonías win schab'l ya'mal 'och sti eb', yet' pax 'oxwn̈ xo eb' tztan̈wni sti yatut Dios.

Lm 2:6

'Icha wal tz'aj yixtx 'el junc 'awb'en, 'ixta wal 'ix yutj Cajlilec ya'n juwc 'el scajnub' 'aj tz'och yamnil, sma'n can 'ejm lan̈chjoc. Xya'n sat sc'ojl eb' 'aj Sión 'a jun tzo'n̈ q'uin̈ niwn yel'chi, yet' pax sc'ul 'iljelal. Yuj yowl sc'ojl cha, spatquiln can 'el eb' rey yet' eb' ya'mal 'och qui ti 'a 'a.

Salmos 106:27

sec tz'emt can sb'isl eb' a chon̈ab', yic tzsactzic can eb' 'a scal jun tzo'n̈ xo nacion̈ 'a sat lum lum tic.

Is 24:2

A eb' ya'mal 'och sti eb' 'anma', lajn xoj 'oj 'ajcn eb' 'icha eb' comn 'anma'. Ax ewin patron̈, lajn 'oj 'ajcn eb' 'icha ewin moso, 'ixta pax eb' 'ix patron̈, lajn 'oj 'ajcn eb' 'ix 'icha eb' 'ix ya'mal servil. Ax eb' tzmanwji, lajn 'oj 'ajcn eb' 'icha eb' tzchon̈wji; lajnxoj 'oj 'ajcn eb' tz'a'n b'ocl junc tas 'icha eb' tz'och b'oquil.

Is 47:6

A yic 'ay cot wowl 'a eb' in chon̈ab', 'ix wa'ch eb' 'a yol a c'ab' sec tz'ixtx eb' o'oj. Ma'ix 'o'ch a c'ojl 'a eb', ax eb' 'ichmtac 'anma', caw wal ya x'ec' eb' o'oj.

Lm 2:20

Mamin Jehová, na wal si'mb'il, ¿tom 'ayx mach 'ixtc tzotj 'icha wal tzon̈ otj tic on̈? ¿Tom wal smoj schin eb' nunb'il eb' yune tzat chuwi? ¿Tom smoj pax to tzmilx eb' ya'mal 'och qui ti 'ayach, yet' eb' a checb' 'a yol a cajnub'?

Ez 5:10

Yujto 'ay eb' mamb'il 'oj schi yunnal 'a e cal, 'ay pax eb' 'unnab'il 'oj schi smam. Yuj cha, ax wa'n 'och wal yailal 'a e cal, ax eb' ma'oj chamoc, 'oj sactzic eb' in pechn can 'at 'a scal jun tzo'n̈ xo nacion̈.