Lm 3:53 - Chuj San Sebastian Bible

⁵³ In sjuln 'ejm eb' 'a yojl jun xab', ax jun niwquil q'uen xyac' q'ue eb' smacloc sti jun xab' cha, man̈xtzac stac' in q'ueta.

Chuj San Mateo Bible

⁵³ Pitzan in val ix in syumanem eb' d'a yol jun jul, ix smacancan sti' jun jul chi' eb' yed' jun q'uen q'ueen, man̈xa b'aj syal veli.

Lm 3:53 Referans Kwoze

Dn 6:17

A yic tox xjulx can 'ejm Daniel 'a scal e no león cha, 'ix yi'n cot eb' jun q'uen q'ue'en, xya'n can q'ue eb' smacloc sti jun xab' cha. Xlajw cha, xya'n can 'och win rey chi seyoal q'uen yet' seyo win yic yopiso, yet' pax eb' niwc yajl 'aych yet' winac. C'uxn xya'cn 'och eb' seyo chi 'a q'ue'en, sec wach' a jun ley 'ix alx 'a yib'n̈ Daniel, matz tac' sma'x 'eq'ui.

Jeremías 38:9

—Mamin rey, caw wal tu tas 'ix sb'o jun tzo'n̈ winc tic 'a win Jeremías schecb' Dios. 'Ix yac' 'ejm ewin 'a yojl jun xab'. Ata 'oj cham yuj wejel, yic man̈x 'a tas tzc'uxx 'a yol chon̈b' tic, xchi winac.

Jeremías 38:6

Yuj cha, in syamn cot ewinac. Xlajw cha, in ya'n 'ejm ewin yet' lasu 'a yojl jun xab' 'a 'aj tzyam sb'a a a'. A jun xab' cha, yic Malquías yunnal win rey cha. Ata 'ay 'a jun 'amc' 'a 'aj 'ayc' eb' tztan̈wni despacho. A jun xab' cha, man̈x a 'a yojol, cojxn b'i'ch 'ay, yuj cha, ax yic in 'emch 'a yich, in 'atcn 'a scal b'i'ch cha.

Jeremías 37:16

Yuj cha, in 'ochcn 'a preso 'a yojl jun cuarto b'ob'il 'a yol lu'um. Caw niwn tiempo in can ta'.

Mt 27:66

Yuj cha, xyi'n 'at ewin eb' soldado cha, stan̈wni ewin q'uen olb'il q'uen cha. 'Ix ya'n 'och ewin jun seyo 'a smac q'ue'en. Ax eb' soldado cha, 'ix can eb' stan̈woc.

Mt 27:60

'Ay jun q'uen q'uen olb'il xo, yic xon José cha, mant 'a junc chamnc 'ac'b'il 'och 'a yojl q'ue'en. Ata xya'cn 'och sniwnal Jesús cha. 'Ix ya'n can 'och jun niwquil q'uen smacloc. Xlajw cha, 'ix paxi.

Jeremías 37:20

'Ab' wal tas 'oj wal ticnec jun mamin rey, a wal tas 'oj in c'an 'ayach, comnoc tzac' 'ayin: Man̈x in a cha 'ijxoc 'at 'a yatut win Jonatán, win 'ajtz'ib', ax to laj x'aji tzin cham ta', xin chi.

Jonás 2:1

A yic 'ayc' Jonás 'a yol sc'ojl no chay cha, 'ix leslwi 'a Jehová sDiosal.

Dn 6:18

Xlajw cha, 'ix paxx win rey chi 'a sdespacho. Man̈x 'ic wa'i, man̈x 'ic cot eb' sonnum b'itnc 'a yojltac. 'Ix 'at win wayoc, palta ma'ix cot xon jac swayn̈ win 'a jun 'ac'wl cha.