Lm 3:42 - Chuj San Sebastian Bible

⁴² 'Ix 'och wal qui mul on̈, caw tenmtac xcutj qui b'a 'aych on̈, yuj cha, ma'ix ac' niwnc'ojlal qui mul on̈.

Chuj San Mateo Bible

⁴² Ix och co mul, ix co pitej co b'a d'ayach, maj on̈ ac' nivanc'olal.

Lm 3:42 Referans Kwoze

Nehemías 9:26

Palta caw stzuntzj cot eb' yowl a c'ojol, caw pit 'ix yutj sb'a eb' 'ayach, 'ix spatquilj can 'el eb' a ley. Caw 'ix tenx 'och wan eb' yuj eb' a checab', sec tzjel eb' sb'eyb'al 'ayach; yuj cha, 'ix milx cham eb' a checb' yuj eb', caw niwquil smul eb' xya'chi, yajb'entac xyutj sb'a eb'.

Zacarías 1:5

Palta ax ticnec, ¿tas 'ajnc eb' e mam eyichm cha? An̈jtona eb' in checb' cha, toc pitzn to eb'.

Ez 24:13

Ach Jerusalén, xin nib'j ach in sacb'tzej yuj tas maysch'olnil tza b'o'o, palta ma'ix yal a c'ojl 'ix a sacb'tzej a b'a. Man̈x 'oj a b'o'i, masnto 'oj wi'l yowl in c'ojl 'a eb'an̈.

Lm 5:16

Man̈xtzac on̈ b'inax 'icha 'a yic yalan̈, caw 'oltac tzon̈ 'aj on̈, yujto 'ix 'och qui mul on̈.

Lm 1:18

A Jehová sb'o wal 'icha tas smoj sb'oni, yujto caw wal tenmtac xcutjec qui b'a 'a schecnb'il. E masnil ex chon̈ab', 'ab'c wal tas 'oj cal on̈, 'iltec wal nab'n yilx qui yailal on̈. A eb' qui quelmtac on̈, yet' eb' 'ix qui cob'stac on̈, tox 'ix 'ijx 'at eb' 'icha presoal.

Jeremías 3:13

'Ojquejec 'eli chajtlto x'och e mul, caw ex 'och tenmtacl 'a 'ayn an Jehová e Diosal in tic. An tzwala to 'ix 'och e mul e b'on 'ajmulal yet' jun tzo'n̈ comn dios 'a yich eb' te te caw pim xi'il. Caw ma'ix eyiclj in checnb'il, xchi Dios, xa chi 'a eb', xchi 'ayin.

A Ch'an̈ Schab'il Libro Yic Yab'ixal Eb' Rey 24:4

yet' yuj eb' 'anma may smul 'ix yac' milxoc 'a Jerusalén. Yuj cha, man̈xtoc 'ix yac' Jehová niwnc'ojlal.

Salmos 107:11

yujto x'och eb' 'ajc'ojlal 'a spaxti Dios, spatquiln can 'el eb' tas nab'il yuj Dios Niwn Yel'chi.

Jeremías 14:20

Mamin Jehová, caw tzqui na cot qui maysch'olnilal on̈, yet' pax stenmtacl eb' qui mam quichm on̈. Caw x'och qui mul 'aych on̈.

Esdras 9:6

Xwaln 'a 'ixtic: Ach in Diosal, caw wal tzin q'uixw wi'n chan̈ in sat 'ayach, man̈xtzac nachj wu'uj tas tzwutj waln in b'a 'ayach. Yujto x'ec' 'a yib'n̈ yoch qui mul on̈, 'ix q'ue'ch wal qui mul 'a satchan̈ on̈.

Dn 9:15

Ach qui Diosal, Cajlil ach. 'Ix a ch'ox wal a poder yic 'ix e'n 'elt eb' qui mam quichm 'a lum Egipto on̈. Caw ach b'inax 'a yic jun tiempoal cha, masnto ticnec. Palta an̈ xo tic on̈, 'ix 'ochx qui mul on̈, cojn maysch'olnil tzqui b'o on̈.

Zacarías 1:6

Palta ax in paxti', yet' in checnb'il wa'jnac yal-l eb' in checb' cha, 'ix 'el'ch 'a eb' e mam eyichm cha. Yuj cha, 'ix snan sb'a eb', 'ix yaln eb' 'ixtic: A Jehová tztac' yuj smasnil, tox 'ix ya'ch qui yailal, 'icha wal tas snalb'ej ya'n 'och 'a quib'n̈ec yuj qui tu b'eyb'alec, yet' yuj pax maysch'olnil tzqui b'o'ec, xchi eb', xchi Dios.