Lm 2:5 - Chuj San Sebastian Bible

⁵ Lajn wal xyutj sb'a Cajlilec 'icha junc eb' 'ajc'ojol. 'Ix lajw 'ejm chon̈b' Israel yu'uj. 'Ix smac' 'ejm lan̈chjoc jun tzo'n̈ sdespacho yet' jun tzo'n̈ scuartel chon̈b' Judá; xya'n niwtjoc syailal eb' 'aj Judá chi 'a junjn c'u.

Chuj San Mateo Bible

⁵ Lajan ix sc'ulej Jehová icha val sc'ulej junoc ajc'ool, juneln̈ej ix lajviem Israel yuuj. Ix spojem masanil scuartel yed' sdespacho Judá. Tzololixon̈ej sjavi cusc'olal d'a yib'an̈ eb' aj Judá chi' yuuj.

Lm 2:5 Referans Kwoze

Lm 2:2

C'uxn 'ix satl Cajlilec smasnil eb' lum chon̈b' 'aj cajn eb' yin̈tl Jacob. Yuj yowl sc'ojl cha, caw wal yajn̈ej 'ix ya'n lan̈chjoc 'ejm smuroal chon̈b' Judá; 'ix yi'n can 'ejm jun nacion̈ tic 'a sat lu'um, yet' eb' 'aych cob' yajlil 'a 'a.

Jeremías 30:14

Smasnil eb' 'ay cob' schamc'ojlal 'ayex, ex 'atcn 'a satc'ojlal yuj eb'. Man̈xtzac ex sna eb' jab'oc. An wal 'ix wac' eyailal si'mb'il, 'icha 'ajc'ojl wajch 'ayex, yujto niwn maysch'olnilal xe b'o'o, caw man̈x b'ischjb'enoc e mul cha.

Lm 2:4

A Cajlilec lajn xyutj sb'a 'icha junc 'ajc'ojol, 'ix yij chan̈ sc'ab' yet' sjul-lab', xyi'n 'at 'a spatic; lajn wal xyutj sb'a 'icha junc milm 'anma'. 'Ix smiln cham smasnil eb' 'anma xajn cu'uj. 'Icha wal c'ac', 'ixta xyutj ya'n cot yowl sc'ojl 'a yib'n̈ eb' cajn 'a Sión.

Jeremías 52:13

A win xwul n̈usnc yatut Dios yet' sdespacho eb' rey, yet' yatut eb' niwc winc 'a Jerusalén cha.

A Ch'an̈ Schab'il Libro Yic Yab'ixal Eb' Rey 25:9

'Ix ya'n n̈usxoc can yatut Dios yet' sdespacho win rey yet' smasnil yatut eb' 'aj Jerusalén, yet' pax smasnil yatut eb' niwc winac.

Ez 2:10

'Ix xuyn 'at jun ch'an̈ un̈ chi 'a wojltac, tz'ib'b'il jun un̈ chi 'a schapaq'uil, ax tas tz'ib'b'il 'a ch'an̈, atn yab'xil cusc'ojlal, yailal yet' 'el-l 'aw.

Jeremías 15:1

'Ix ta'w Jehová 'ayn 'ixtic: Man̈x 'oj 'o'ch in c'ojl 'a eb' in chon̈b' tic. Wach'xam caw a Moisés mto a Samuel tzjapx tewc 'a wojltac yuj eb' 'icha yutjnac eb' 'a yic pecti', man̈x 'oj in ta'w 'a eb'. Yuj cha, al 'a eb' chon̈b' cha, to tz'el eb' 'a wojltac, sayt cab' sb'a eb'.

Job 13:24

¿Tas yuj tza c'ub'j 'el a b'a 'ayin? ¿Tas yuj 'icha junc 'ajc'ojol, 'ixta tzin otej?

Salmos 89:40

A smuroal schon̈ab', tox 'ix lan̈chj 'ejmi, a jun schon̈b' cha, 'ix lajw 'ejm o'oj.

Is 29:2

'Oj ya'ch Dios eb' 'anma cajn 'a chon̈b' chi 'a b'ilc'ojlal, 'a cusc'ojlal. 'Oj laj c'acljoc eb' yab'n syail. A jun chon̈b' cha, 'icha wal yet'l xajmb'al, 'ixta 'oj 'ajcn 'a sat Dios.

Jeremías 21:4

to a Jehová qui Diosalec an̈ israel on̈c tic, a tzaln 'ixtic: 'Oj wac' meltzjoc eb' a soldado 'a spatic, atn eb' tzcob' 'a'nc owl yet' win sreyl Babilonia yet' eb' soldado. Ax eb' soldado cha, atn eb' 'ayc' 'a spatquil 'el smuroal jun chon̈b' tic, 'oj in molb'tzoc 'oxt eb' 'a yol jun chon̈b' tic.

A Ch'an̈ B'ab'el Libro Samuel 28:16

Xlajw cha, xyaln Samuel chi 'a 'ixtic: —¿Tas yuj tzat a c'anb'j 'ayin, toto a Jehová tox 'ix yij 'el sb'a 'a a tz'ey? A ticnec 'ajc'ojl xo yajch 'ayach.

Job 19:11

'Ix ya' cot wal yowl sc'ojl 'a wib'an̈, 'icha wal junc 'ajc'ojl yajch 'a 'a, 'ixta wal in yutej.

Salmos 89:41

Ax smasnil eb' 'anma tz'ec' ta', tzlaj yelc' eb' tas 'ay 'a jun chon̈b' cha; ax jun tzo'n̈ xo eb' chon̈b' 'ay 'a sla'nil, xlaj b'uchwj eb' 'a 'a.

Is 63:10

Palta yel xo wal pit xyutj sb'a eb' 'a Jehová, caw xyac' eb' cus Yespíritu to Cojxni. Yuj cha, x'och 'ajc'ojlal 'a eb', xya'n owl yet' eb'.