Lm 2:2 - Chuj San Sebastian Bible

² C'uxn 'ix satl Cajlilec smasnil eb' lum chon̈b' 'aj cajn eb' yin̈tl Jacob. Yuj yowl sc'ojl cha, caw wal yajn̈ej 'ix ya'n lan̈chjoc 'ejm smuroal chon̈b' Judá; 'ix yi'n can 'ejm jun nacion̈ tic 'a sat lu'um, yet' eb' 'aych cob' yajlil 'a 'a.

Chuj San Mateo Bible

² Man̈xa junoc chon̈ab' b'aj cajan eb' yin̈tilal vin̈aj Jacob ixto can yuj Jehová. A yuj yoval sc'ool, elan̈chamel ix laj yac' lajvoquem scuartel eb' aj Judá. Toxo ix satel snivanil yelc'och jun nación yed' masanil eb' yajal yaj d'ay.

Lm 2:2 Referans Kwoze

Lm 3:43

'Ix a' cot wal yowl a c'ojl 'a quib'n̈ on̈, on̈ a pechn b'eyc'oc, on̈ a satn 'eli, man̈x 'ic 'o'ch a c'ojl 'ayn̈ on̈.

Lm 2:17

A Jehová, 'ix 'el'ch tas nab'il yu'uj, 'ix 'el'ch tas alb'il can yuj 'a yic pecti'. On̈ ya'c lajwoc, ma'ix yac' niwnc'ojlal 'a quib'n̈ec. 'Ix 'el wal 'a sc'ojl ya'n tzewjoc eb' 'ajc'ojl yajch 'ayn̈ec, 'ix yi'n q'ue'ch yopiso eb' 'ajc'ojl cha.

Is 43:28

Yuj cha, ma'ix yal in c'ojl to tzin ya' servil eb' ya'mal 'och e ti ax israel ex tic. Ex yin̈tl can Jacob, 'oj ex wac' satxoc 'eli, caw wal 'oj eyixtxi, xchi Dios.

Is 25:12

Smasnil smuroal jun chon̈b' to caw niwc yaj sb'o'i, c'uxn 'oj smac' lan̈chjoc Jehová, caw choc' 'oj 'ajcn 'ejm b'uln 'a sat lu'um.

Salmos 21:9

A yic 'oj a ch'oxn a b'a 'a scal eb', ax a satn can 'el eb', ata tza'ch eb' 'a junc jorna 'aych sc'aq'uil. Yuj yowl sc'ojl Jehová 'oj a satl eb' 'icha tz'aj stz'a junc tas yuj c'ac'.

Ez 9:10

'Ixta wal 'oj wutc eb', man̈x 'a in niwnc'ojlal 'a yib'n̈ eb' 'anma tic yuj stu b'eyb'al. Yuj smul eb' cha, ax sjaw wal yailal 'a yib'n̈ eb', xchi.

Lm 2:21

A eb' 'unin yet' eb' 'ichmtac 'anma', t'occtac yaj eb' schamcn 'a yol caye. Ax eb' quelmtac winac yet' eb' 'ix cob'stac 'ix, 'ix laj tzu'x cham eb' yet' q'uen espada. A yic sc'ul 'ay cot wal yowl a c'ojl cha, 'ix a mil cham eb' 'anma tic, ma'ix 'o'ch 'a c'ojl 'a eb'.

Lm 2:5

Lajn wal xyutj sb'a Cajlilec 'icha junc eb' 'ajc'ojol. 'Ix lajw 'ejm chon̈b' Israel yu'uj. 'Ix smac' 'ejm lan̈chjoc jun tzo'n̈ sdespacho yet' jun tzo'n̈ scuartel chon̈b' Judá; xya'n niwtjoc syailal eb' 'aj Judá chi 'a junjn c'u.

Is 26:5

A tz'i'n 'ejm eb' b'an̈quintac, tzyi'n pax 'ejm eb' chon̈b' to caw tenmtac tzyutj sb'a. A tzsatn can 'el eb',

2 Co 10:4

Man̈oc jun tzo'n̈ tas yic yolyib'n̈q'uinl tic tzqui yamc'ab'j on̈, yic tzca'n quip on̈. Palta an̈j jun tzo'n̈ 'aj 'aych spoder Dios tzqui yamc'ab'j on̈, sec wach' a jun tzo'n̈ 'ay cob' yip, tzcan 'a yaln̈ cuj on̈.

Mt 18:33

Octom wal x'o'ch a c'ojl 'a win et mosoal cha, 'icha x'o'ch in c'ojl 'ayach, xchi win 'a winac.

Malaquías 1:4

Toto a eb' edomita yin̈tl Esaú a eb' tzaln 'ixtic: Wach'xam on̈ lajwec 'eli, palta 'oj qui b'oc pax chan̈ qui chon̈b'ec tic jun 'ejm xo, toto xchi eb', wach'xam tzb'ox chan̈ eb' schon̈ab', palta an 'oj in ma'x lan̈chjoc jun 'ejm xo. A snacion̈ eb' cha, 'oj yal eb' 'anma yuj 'ixtic: A jun nacion̈ tic, caw wal maysch'olnil, 'ayn̈j 'och pax yowl sc'ojl Jehová 'a yib'an̈, 'oj xchic eb'.

Ez 8:18

'Oj wa' cot wal yowl in c'ojl 'a yib'n̈ eb', man̈x 'a in niwnc'ojlal 'a eb'. Wach'xam 'oj cob' 'el yaw eb' yaln sb'a 'ayin, palta ma'oj wab' tas tzyal eb' cha, xchi Dios 'ayin.

Ez 7:9

Man̈x 'a in niwnc'ojlal 'a eyib'an̈. 'Oj wa'ch eyailal yuj e b'eyb'al maysch'olnil, yujto yajb'entac tas tzlaj e b'o'. 'Ixta to b'i'an, ax in eyojcan 'eli, to an Jehová in, an tzwa'ch eyailal.

Ez 7:4

Man̈x 'a in niwnc'ojlal 'a eyib'an̈. 'Oj wa'ch eyailal yuj e b'eyb'al maysch'olnil, yujto yajb'entac tas tzlaj e b'o'. 'Ixta to b'i'an, ax in eyojcan 'eli to an Jehová in tic to cojn in ton Dios in.

Ez 5:11

Yuj cha, an Jehová in tic, an tzwal 'ixtic: Yel xo wal man̈x 'a yel'ch xeyutj watut yuj jun tzo'n̈ e diosal yajb'entac yilxi. Caw wal maysch'olnil pax e b'eyb'al, yuj ton wal cha, ax wa'n 'och eyailal. Man̈x 'a in niwnc'ojlal 'ayex, man̈x 'oj 'o'ch in c'ojl 'ayx yuj eyailal cha.

Jeremías 21:7

'Oj lajwc cha, ach xo Sedequías, 'oj ach wac' 'a yol sc'ab' win Nabucodonosor yet' jun tzo'n̈ xo eb' 'ajc'ojl yajch 'ayach. 'Oj ach wa'cn 'och 'a yol sc'ab' win yet' eb' a checab', eb' a soldado, yet' eb' 'anma 'oj cant 'a jun chon̈b' tic yic 'oj lajwc 'ec' yab'il, owal, yet' wejel. Man̈x 'oj 'ajxoc niwnc'ojlal 'ayex. An Jehová in, an tzwala, to caw tojl xoj 'oj e xicx cham yet' q'uen espada.

Jeremías 13:14

'Oj in mac' poj eb' 'icha tzyutj sma'n poj sb'a jun tzo'n̈ yet'l yal uva 'a yic 'ay junc mach tztenn 'och sb'a 'a 'a. Eb' mamb'il yet' eb' 'unnab'il, lajn xoj 'oj wutc eb'. An Jehová in, an tzwala, to a wal yic 'oj in satnc 'el eb', caw man̈x 'oj 'o'ch in c'ojl 'a eb', man̈x 'oj in cus yuj eb', xchi Dios, xa chi, xchi 'ayin.

Jeremías 5:10

¡'Och cab' eb' 'ajc'ojl satl te uva, palta man̈ smasnilc te tzsatl eb'! ¡Sb'ijl cab' eb' sc'ab' te' cha, yujto man̈x wico'oc te'!

Is 47:6

A yic 'ay cot wowl 'a eb' in chon̈ab', 'ix wa'ch eb' 'a yol a c'ab' sec tz'ixtx eb' o'oj. Ma'ix 'o'ch a c'ojl 'a eb', ax eb' 'ichmtac 'anma', caw wal ya x'ec' eb' o'oj.

Is 27:11

A yic tztacj sc'ab' eb' te te cha, tzlaj lo'chjc cot eb' te', ax eb' 'ix 'ix tzlaj 'ec' si'nc chan̈ eb' te sc'ab' cha, tzya'n 'och eb' 'ix sc'ac' yet' te'. A jun chon̈b' tic, may xon jac snab'en. Yuj cha, a Dios b'ojnac, caw man̈x 'oj 'o'ch sc'ojl 'a 'a, man̈x 'oj cus pax yu'uj.

Is 23:9

A Jehová tztac' yuj smasnil, a 'ix nani, yic tz'ijx 'ejm smasnil eb' tzb'an̈ sb'a, eb' jeln tzyutj sb'a 'a sat lum tic.

Job 2:3

Yuj cha, xyaln Jehová 'ixtc 'a winac: ¿May am 'aj 'ix 'elcn win in checb' Job? May junc xo mach lajn snab'en yet' win 'a yolyib'n̈q'uinal, caw wal yiclum win 'ayin, tojl sb'eyb'al, 'ay xiwc'ojlal, may 'aj tzb'o win tas maysch'olnil. O'oj 'ix in satn 'el smasnil tas 'a winac, palta man̈ yujoc cha, sjun win snab'en, xchi Dios.

Salmos 74:7

'Ix ya'n 'och eb' sc'a'l a cajnub'; caw xjuw 'el 'aj caljnac qui b'a 'aych on̈, x'em b'uln̈ can 'a sat lum yuj eb'.

Is 22:5

Yujto a Jehová tztac' yuj smasnil, a 'ix alni, to 'oj jawc jun c'u yic 'ay niwquil xiwc'ojlal, somc'ojlal, yet' pax yailal 'a yib'n̈ lum pan̈n 'aj tzch'oxx 'ilxoc junc tas 'a 'icha waychil. 'Oj ma'xoc 'ejm lan̈chjoc smuroal chon̈ab', ax yab'x yel yaw eb' 'aj chon̈b' chi 'a lum jolmctac witz.

Miqueas 5:14

'Oj in to' chan̈ smasnil te niwc te 'aj tzeyac' 'emmquilal, ax in satn 'el jun tzo'n̈ lugar 'aj tzeyac' e xajmb'al 'a jun tzo'n̈ comn dios cha.

Dt 28:52

'Oj 'och oyn eb' 'ajc'ojl chi 'a spatc 'el e chon̈ab'. 'Oj yac' eb' owl eyet'oc, masnto 'oj lan̈chjoc 'ejm smuroal e chon̈b' chi yuj eb', yet' jun tzo'n̈ yet'l eb' soldado 'aych yipc e c'ojol. 'Oj yoy eb' smasnil chon̈b' 'ay 'a sat lum lum 'oj yac' Jehová qui Diosalec 'ayex.

Dt 32:22

A wal yowl in c'ojol, 'ix n̈ilchjchan̈ 'icha junc c'ac' tz'at 'a yol lu'um. Smasnil tas 'ay 'a sat lum lum tic, tz'a smasnil yet' lu'um, caw wal tzxexni yilx sn̈ilchj c'ac' 'a yich lum niwc witz.

Jeremías 19:15

A Jehová tztac' yuj smasnil, atn jun qui Diosalec an̈ israel on̈c tic, a 'ix aln 'ixtic: 'Oj wa' cot yailal 'a yib'n̈ Jerusalén tic, yet' 'a yib'n̈ jun tzo'n̈ xo chon̈b' 'ay 'a stz'ey. A smasnil yailal 'ix walcn tic, 'oj jawc 'a eyib'an̈ yujto xeyac' pitb'oc 'el e b'a, man̈xtzac eyiclj tas tzwala, xchi Dios, xchi Jeremías.