Lm 2:11 - Chuj San Sebastian Bible

¹¹ Caw wal tzmal yol in sat woq'ui, ax sn̈i in c'ojol, caw wal 'ijn tzn̈i'chj tzwab'i; caw man̈x 'a wip tzwab'i yic tzwiln 'och tas tz'aj slajw 'el eb' wit chon̈ab'. 'Intax eb' nene 'unn tzat chuwi, t'occtac tz'aj eb' schamcn 'a yol caye yuj wejel.

Chuj San Mateo Bible

¹¹ Ste ixtaxel in sat yuj oq'uel, max techaj cusc'olal vuj svab'i. Man̈xalaj in tec'anil yic svilan satel eb' vetchon̈ab'. A eb' unin tzato chuni, scham eb' d'a yoltac calle yuj vejel.

Lm 2:11 Referans Kwoze

Lm 1:20

Mamin Jehová, 'ilt on̈ cot yet' qui yailal tic on̈, a wal tzcutj cab'n on̈, 'ijn wal tzn̈i'chj sn̈i qui c'ojl cab'n syail. Caw wal tzcab' syal yet' qui pixn on̈, yic tzqui nan cot qui mul xlaj 'ochi. A 'a spatc 'el chon̈ab', til wal eb' tzcham yuj owal, 'ixta 'a yol 'oxt chon̈b' tic, til pax mach tzchami.

Lm 1:16

Yuj wal jun tzo'n̈ tic tzon̈ 'oc' on̈. Caw wal jichlji yem yal qui sat. Toc 'ayt mach tz'a'n jac sniwnal qui c'ojol, man̈x 'a mach tz'a'n ste'nal qui nab'en on̈. Scal yailal xcan smasnil eb' cunnal on̈, yujto caw wal jeln eb' 'ajc'ojl chi 'a quib'n̈ on̈, xchi eb'.

Job 16:13

Tzanxn̈ej 'aj tzjaw sjul-lab' chi 'ayin, 'icha to tz'ec' sjul-lab' chi 'a yol in niwnal. Man̈x 'a jac sniwnc'ojlal 'ayin, sactzicnac tz'ajcn yol in c'ojl 'a sat lum tzwab'i.

Jeremías 4:19

Caw wal tzin cumcn 'ec' wab'n syail. Caw tz'ib'x in pixn yuj tas tzlaj uji. Man̈xtzac stac' sictac tzin 'aji. Tox 'ix wab' yoc' q'uen trompeta, yet' jun 'aw yic owal.

Is 22:4

Yuj cha, tzwaln 'ixtic: 'Eln̈ec 'a in tz'ey, yujto tzin nib'j caw tzin 'oc' si'mb'il, man̈x eyac' pural eya'n sniwnal in c'ojl yuj yailal 'oj jawc 'a yib'n̈ qui chon̈b'ec tic.

Salmos 22:14

'Icha wal tz'aj a a stob'i, 'ixta tzin 'aji. Caw 'ix 'el wip. 'Ix yactn sb'a in b'aquil, ax in pixan 'ix 'ulb'x can 'at 'a yol in c'ojl 'icha no chab'ic'.

Salmos 6:7

Smulyujoc eb' 'ajc'ojl yajch 'ayin, xmal yol in sat woq'ui, man̈xtzac stac' wilni.

Lc 23:29

Yujto 'ay wal jun tiempoal 'oj jawoc, ax eyaln 'ixtic: A wal eb' may xon yune', eb' toxn ma'ix ya'lj xon yunewi, caw wach' yic eb'. Yet' eb' may xon yune xyac' chuwoc, caw wach' yic eb', 'oj e chioc.

Jeremías 44:7

Yuj cha, an Jehová in, tztac' wuj smasnil, e Diosal in, an tzwala: ¿Tas yuj tzeyij cot jun niwquil yailal chi 'a eyib'n̈ ticnec? ¿Tas yuj tzcham smasnil 'anma 'a yol yic Judá eyuj ticnec? Tzcham eb' winac, eb' 'ix 'ix, eb' 'unin, an̈jtona yet' eb' tzat 'alji, tzyal 'el'chi, man̈x 'a junc mach 'oj can 'a spitznal.

Jeremías 14:17

Yuj cha, al jun tzo'n̈ a cusc'ojlal tic 'a eb' chon̈b' chi 'ixtic: Sc'ual, yac'wlil cab' yel yal in sat woq'ui, matz 'och wan xon cab' yeli, yuj wal jun yailal 'ay xo smay xjaw 'a yib'n̈ eb' wit chon̈ab', yuj jun yailal tz'a'n lajwc eb'.

Jeremías 8:19

Caw wal tz'ab'x yel yaw eb' wit chon̈b' 'a smasnil yol qui nacion̈ tic. ¿Tom man̈x 'ayc 'ec' Jehová 'a Sión? ¿Tom man̈x 'ayc 'ec' qui Reyl ta'? xchi eb'. 'Ix ta'w Jehová 'a eb' 'ixtic: ¿Tas yuj xe tzuntzj cot yowl in c'ojol, yic xeyaln e b'a 'a jun tzo'n̈ yechel, atn jun tzo'n̈ comn dios may jac yel'chi, chuc 'aj cotnac? xchi 'a eb'.

Salmos 69:3

Caw 'ix poj yol in jaj wawji, xq'ue syal yol in jaj. Caw 'ix c'unb' c'och yol in sat yuj in macn wil a jaw ach in Diosal.

Salmos 31:9

Mamin Jehová, 'o'ch cab' wal a c'ojl 'ayin, yujto 'ayn 'ec' 'a scal yailal. Caw tzc'unb' yol in sat woq'ui, tz'el yip in pixan, yet' pax in niwnal.

A Ch'an̈ B'ab'el Libro Samuel 30:4

Yuj cha, 'ix 'oc' David yet' eb' winc ajun yet' cha. 'Ix 'at sjaj eb' 'a najt yoq'ui, masnto 'ix 'el yip eb'.

Is 38:14

'Icha wal yel yaw no pechul tz'ec' no 'a satcha'an̈, 'ixta yel waw wab'n syail, tzin c'acw 'icha sc'acw no parama. Caw wal tzc'unb' yol in sat in q'ue q'ueln 'a satcha'an̈. Mamin Jehová, caw wal tzin 'ixtx tzwab'i, ta'wan̈ 'ayin.

Job 30:27

Caw wal tz'ib'x in pixn yuj xiwc'ojlal, toc 'ayt jac 'iljel yu'uj; caw wal tan̈b'iln yuj yailal.

Salmos 38:8

Caw choc' yaj in niwnal, man̈x 'a pax wip; tzin c'acw wab'n syail.

Salmos 119:82

Caw wal tzactzj yol in sat in tan̈wni wila', b'a'n̈ tz'el'ch tas tzyal a paxti tic, yuj cha, xwaln 'ixtic: ¿B'a'n̈ pax tzwul ac' sniwnal in c'ojl jun? xin chi.

Lm 5:17

Yuj cha, caw ya caj tzcab' on̈, caw wal tz'och pax 'a qui sat on̈.

Is 51:20

Tox x'el yip eb' eyunnal, 'ix can eb' 'a ch'an̈yal 'icha tzyac' no c'ultquil chej. Telctac tz'ajcn eb' scham 'a 'aj tzchaj sb'a caye, lajwnac eb' yuj yowl sc'ojl Jehová, yujto a tz'a'n cuenta eb'.

Lm 1:11

A smasnil eb' cajn 'a jun chon̈b' tic, caw wal ji'jmtac yoc' eb' yic tzlaj cob' sayn 'ec' eb' jac tas tzc'uxu. A smasnil sricoal eb', a 'ix yac' eb' sjelc tas tzc'an sc'ux cha, sec matz cham eb' yuj wejel, xchi winac. Mamin Jehová, 'ochn̈ wal q'ueln 'ayn̈ on̈, 'ilt wal tzon̈ 'aj qui lajw 'ejm on̈. Mamin Jehová, 'o'ch cab' a c'ojl eln 'och qui yailal on̈.