Lm 1:8 - Chuj San Sebastian Bible

⁸ A eb' 'anma 'a chon̈b' Jerusalén, caw wal x'och smul eb', yuj cha, 'ix chacx 'el eb'. A eb' niwn yel'ch jun chon̈b' chi 'a sat 'a pecti', ax ticnec, caw tzyaj eb', yujto xyac' sq'uixwloc 'a sat eb'. Yuj cha, caw wal tz'oc' eb' 'aj Jerusalén, man̈xtzac sch'ox eb' sat yuj q'uixwelal.

Chuj San Mateo Bible

⁸ A eb' aj Jerusalén chi', yelxo nivan schucal eb' ix yac'ochi, yuj chi' smoj val syajjiel eb'. D'a peca' nivan yelc'och jun chon̈ab' chi' d'a yol sat eb' anima, axo ticnaic, syaj eb', yujto toxo ix ilji sq'uixveltaquil. Yuj chi' a eb' aj Jerusalén tz'oc' val eb', toxon̈ej sc'ub'ejel sat eb' yuj q'uixvelal.

Lm 1:8 Referans Kwoze

Lm 1:11

A smasnil eb' cajn 'a jun chon̈b' tic, caw wal ji'jmtac yoc' eb' yic tzlaj cob' sayn 'ec' eb' jac tas tzc'uxu. A smasnil sricoal eb', a 'ix yac' eb' sjelc tas tzc'an sc'ux cha, sec matz cham eb' yuj wejel, xchi winac. Mamin Jehová, 'ochn̈ wal q'ueln 'ayn̈ on̈, 'ilt wal tzon̈ 'aj qui lajw 'ejm on̈. Mamin Jehová, 'o'ch cab' a c'ojl eln 'och qui yailal on̈.

Jeremías 13:26

An̈jtona pax an tic, 'oj wi'l e pichul, caw 'oj wac' e q'uixwloc.

Jeremías 13:22

Toto tze c'anb'ej tas yuj tzjaw jun tic 'a eyib'an̈, nachj cab' 'el eyu'uj, to yuj niwquil e mul, yuj cha, jitn ex 'eli tzex 'eq'ui, caw tzex 'ixtxi.

Apoc 3:18

Yuj cha, tzwaln 'ayex, caw tze b'o e b'eyb'al. Toto 'ixta', 'icha to 'oj e man jun oro b'ob'il 'a scal c'ac' 'ayin, sec 'oj e cha wal jun e ricoal 'a yel. 'Icha to 'oj e man pax jun e pichl caw sac 'ayin, sec man̈xtzac ex q'uixwi yujto 'icha to jitn ex 'eli. An̈jtona', 'icha to 'oj e succh yan̈l yol e sat, sec 'oj stac' eyilni.

Os 2:10

Q'ueln 'och wal jun tzo'n̈ nacion̈ 'ix mont 'at 'a sdiosal, ax wa'n yac' sq'uixwloc. May xon junc comn dios chi 'oj stac' scoln 'a yol in c'ab'.

Os 2:3

Toto ma'oj sb'o 'icha tzwal tic, 'oj wi'l sq'uixwel, 'oj in jitcn 'eli, 'icha yajl jitan yic yalji. 'Icha pax lum tacn̈ lu'um, 'ixta 'oj wutc cani, ax scham yuj tacn̈ti'al.

Ez 23:46

Yuj cha, an Jehová Yajl in, an tzwal 'ixtic: Cot cab' somnjoc eb' chon̈b' yac' owl yet' eb' 'ix. 'Oj 'och eb' 'ix 'a xiwc'ojlal, ax yelc'x 'at tas 'ay 'a eb'.

Ez 23:29

'Oj ach schacl eb', ax yi'n 'ec' eb' smasnil tas tzej 'a a munljel, caw 'oj elcn jitn yuj eb'; c'uxn 'oj checljoc a niwnal xac' tzaljb'oc a c'ojl a b'on 'ajmulal chi yet'oc.

Lm 4:21

Ex 'aj Edom, ex to tzeyac' yajlil 'a smasnil yol yic chon̈b' Uz, caw tzaljan̈ec, tzewjan̈ec, ya' sb'a tzat stac'a. Yujto 'oj c'och pax jun yailal tic 'a eyib'an̈, 'icha xo 'u'm 'an̈ 'oj eyajcn yu'uj, q'uixweltac xoj 'oj eyutc e b'a.

Lm 2:10

A eb' yichm wincal chon̈b' Sión, sictac xoj yaj eb', wocn 'ejm eb' 'a sat lu'um. Tzlaj sjopn q'ue eb' pococ 'a sjolom, tzya'n 'och eb' jun tzo'n̈ pichl n̈achtac sat. Ax eb' 'ix cob'stac 'ix 'aj Jerusalén, c'uxn tzlaj 'em quiln sat eb' 'ix 'a sat lu'um.

Jeremías 34:17

Yuj cha, an Jehová in, an tzwala: Ax tic ma'ix eyiclj tas 'ix wala, yujto ma'ix eya'l eb' eyit chon̈b' 'a libre. Yuj cha, an tzwala to 'oj wa' cot owal, wejel, yet' yab'il 'a eyib'an̈. Caw 'oj xiw smasnil eb' nacion̈ yic 'oj yab'nc eb' tas 'oj ex wutoc.

Jeremías 24:9

Caw 'oj wa' cot junc niwquil yailal 'a yib'n̈ eb'. Caw 'oj xiw jun tzo'n̈ xo nacion̈ yuj eb'. 'Oj 'ijxoc wal 'ejm eb' si'mb'il. A eb' 'anma 'a jun tzo'n̈ nacion̈ 'aj 'oj wac' sactzic can 'at eb', caw 'oj b'uchxoc eb' yuj eb', 'oj b'ajxoc eb' yuj eb'. 'Oj jawc catb' 'a yib'n̈ eb' 'oj b'uchxoc cha.

Jeremías 15:4

'Oj jawc jun yailal tic yuj wal jun tzo'n̈ tas caw 'ay smay x'el sb'on win Manasés yunnal Ezequías 'a Jerusalén, yic 'aych win reyl 'a chon̈b' Judá. Smasnil eb' nacion̈ 'a yolyib'n̈q'uinl tic, caw 'oj xiw eb' yiln 'och jun tzo'n̈ yailal 'oj jawc 'a yib'n̈ eb' in chon̈b' tic.

Jeremías 6:28

Caw tenmtac eb' smasnil, may snab'en eb', alm peclal eb'. 'Ix pitb' 'el eb', lajn eb' 'icha wal stzatzl q'uen bronce mto q'uen hierro.

Jeremías 4:31

A eb' 'aj Sión tz'el yaw cha. Caw tzwab' yel yaw eb' 'icha wal yel yaw junc 'ix 'ix 'a yic tz'alj junc sb'ab'l 'une'. Caw tzc'acw eb', tzlaj sjilnc 'at eb' sc'ab', tzyaln eb' 'ixtic: ¡'Ay, 'oltacn̈ec wali! ¡Caw 'oj on̈ smilc cham eb' milm cham 'anma'! xchi eb'.

Is 47:3

'Ilx cab' a niwnal jitn 'el cha, checlj cab' a niwnal to q'uixweltac yilxi. A jun chi 'oj wac' spacc 'ayach, may junc mach 'oj stac' ach scolni, xchi Dios.

A Ch'an̈ B'ab'el Libro Yic Yab'ixal Eb' Rey 9:9

Ax yaln pax eb' 'ixtic: Yujto 'ix yactj can eb' Jehová sDiosal, jun x'i'n 'elt eb' smam yichm eb' 'a lum Egipto, ax 'a jun tzo'n̈ comn dios 'ix yac' eb' 'emmquilal, 'ix ya'n servil pax eb'. Yuj wal jun tzo'n̈ cha, 'ix ya'n cot Jehová jun niwquil yailal tic 'a yib'n̈ eb', 'oj schic eb', xchi Dios.

A Ch'an̈ B'ab'el Libro Samuel 2:30

Yuj cha, an Jehová e Diosal in ax israel ex tic, an waljnac 'ixtic: Ach tic yet' eb' en̈tl b'aq'uin̈, ax tzin eyac' servil, xin chi. Ax ticnec tzwaln can paxi, to man̈x 'ixta'oc 'oj 'ajoc. A eb' 'ay wel'ch 'a sat, 'ay pax yel'ch eb' 'a in sat. Ax eb' may wel'ch 'a sat, may pax yel'ch eb' 'a in sat. An Jehová in, an tzwala.

A Ch'an̈ B'ab'el Libro Yic Yab'ixal Eb' Rey 9:7

toto 'ixta', 'oj wi'l in chon̈b' Israel tic 'a sat lum lum wa'jnac can 'ayx tic. A jun n̈a 'ix in si'cn 'och wico'oc can tic, 'oj wi'cn 'el 'a wojltac, nachji ax ex sb'uchn smasnil eb' nacion̈.

Gn 3:7

Xlajw slon eb' te', 'ix nachj 'el yuj eb' to jitn 'el eb', yuj cha, syamn 'och eb' stz'isn syam sb'a xil te higo, xya'n 'och eb' yen̈loc yojltac.

Lm 1:17

An̈ 'aj Sión on̈c tic, 'ix cob' b'a'cht qui c'ab' yic tzcalnec qui b'a 'a junc mach, palta may xon junc mach x'a'n sniwnal qui c'ojlec. A Jehová 'ix aln 'a eb' cajn 'a qui tz'eyec, yic tzya'n eb' owl quet'ec. Caw wal spatquilj can 'el eb' chon̈b' Jerusalén tic, xchi winac.

A Ch'an̈ B'ab'el Libro Yic Yab'ixal Eb' Rey 9:6

Palta toto ax tic yet' eb' eyunnal, 'oj eyi'l e b'a 'a in tz'ey, toto ma'oj eyiclc in checnb'il yet' in ley 'ix wa'cn 'ayex, ax 'a jun tzo'n̈ comn dios 'oj eyac' 'emmquilal, ax eya'n servil eb',

Jeremías 32:23

Palta a yic x'och eb' scaj jun lum tic, yic 'ix schan eb' smacl lu'um, caw man̈x 'ic schaj eb' yab' tas 'ix ala, man̈x 'ic syiclj eb' a checnb'il, ma'ix sb'o eb' tas 'ix ac' sb'o'. Yuj cha, 'ix a'n cot jun niwquil yailal tic 'a quib'n̈ on̈.

Ez 39:23

Ax jun tzo'n̈ chuc nacion̈al cha, 'oj yojcoc 'el eb' to yuj stenmtacl eb' israel, 'ix 'ijx 'at eb' 'icha presoal 'a junc xo lugar. Yujto man̈ yiclumoc xyutj sb'a eb' 'ayin, yuj cha, xwi'n 'el in sat 'a eb', xwa'n 'ajxc ganar eb' yuj eb' 'ajc'ojl cha, til wal eb' xcham yuj owal.