Lm 1:5 - Chuj San Sebastian Bible

⁵ A eb' 'ajc'ojl yajch 'a 'a, 'ix 'ajx ganar yuj eb', a eb' 'ajc'ojl cha, caw wal tzq'ue'ch eb'. A Jehová a 'ix 'a'n 'och syailal jun chon̈b' tic, yujto caw niwn maysch'olnil 'ix sb'o'o. A eb' 'anma cajn 'a 'a, tox 'ix 'ijx 'at eb' 'icha presoal yuj eb' 'ajc'ojl cha.

Chuj San Mateo Bible

⁵ Toxo ix ac'ji ganar eb' cajan d'a Sion. Ix ic'jib'at eb' d'a ch'oc chon̈ab'il yuj eb' yajc'ool. A Jehová ix ac'anoch yaelal d'a yib'an̈ eb', yujto te pit ix yutej sb'a eb'. A eb' yajc'ol eb' chi', van sq'uechaan̈ eb'.

Lm 1:5 Referans Kwoze

Ez 9:9

'Ix yaln 'ixtc 'ayin: A eb' israel yet' eb' 'aj Judá, yel xo wal niwn smul eb' 'a in sat, caw wal tzniwtj scham eb' 'anma 'a jun tzo'n̈ chon̈b' tic yuj jantcn̈ej maysch'olnil, yujto a snan eb' 'anma tic, to an Jehová in tic, matz wil tas tzb'o eb'.

Jeremías 39:9

Ax 'a slajub', a Nabuzaradán scomandanteil eb' stan̈mal win sreyl Babilonia, a 'ix 'i'n 'at smasnil eb' 'anma 'aj chon̈b' chi 'icha presoal, atn eb' xcant can 'a yol chon̈b' cha, yet' pax eb' xya'ch sb'a yet' eb' 'aj Babilonia.

Lm 3:46

Smasnil eb' 'ajc'ojl yajch 'ayn̈ on̈, 'ix sjac wal eb' sti on̈ sb'uchn on̈.

Lm 2:17

A Jehová, 'ix 'el'ch tas nab'il yu'uj, 'ix 'el'ch tas alb'il can yuj 'a yic pecti'. On̈ ya'c lajwoc, ma'ix yac' niwnc'ojlal 'a quib'n̈ec. 'Ix 'el wal 'a sc'ojl ya'n tzewjoc eb' 'ajc'ojl yajch 'ayn̈ec, 'ix yi'n q'ue'ch yopiso eb' 'ajc'ojl cha.

Lm 1:18

A Jehová sb'o wal 'icha tas smoj sb'oni, yujto caw wal tenmtac xcutjec qui b'a 'a schecnb'il. E masnil ex chon̈ab', 'ab'c wal tas 'oj cal on̈, 'iltec wal nab'n yilx qui yailal on̈. A eb' qui quelmtac on̈, yet' eb' 'ix qui cob'stac on̈, tox 'ix 'ijx 'at eb' 'icha presoal.

Jeremías 23:14

'Ix wiln pax eb' tzyalch sb'a in checb'oc 'a Jerusalén, tzb'o eb' 'anma tas caw tu'. Tzb'o eb' 'ajmulal, tzyixtn eb' yit 'anma'il, tz'iptzax eb' sb'on maysch'olnilal yuj eb'. Yuj wal cha, may junc eb' tzyij 'el sb'a 'a scal maysch'olnil. A wal 'a in sat, a jun tzo'n̈ 'anma tic, yet' eb' cajn 'a Jerusalén, caw lajn eb' 'icha eb' 'aj Sodoma yet' eb' 'aj Gomorra.

Jeremías 12:7

'Ix yaln Jehová 'ixtic: Tox 'ix can jun chon̈b' chamc'ojlb'il tic wu'uj. A eb' wic yaji, tox 'ix in patquilj can 'el eb', tox 'ix wa'ch eb' 'a yol sc'ab' eb' 'ajc'ojol.

Jeremías 5:29

¿Tom ma'oj wac' syailal eb' yuj jun tzo'n̈ tic? An Jehová in, an tzwala, to 'oj wac' spac yic eb' 'anma tzb'on 'icha jun tzo'n̈ tic.

Is 63:18

An̈ a chon̈b' on̈ tic on̈, jayen̈ej ab'il xquique'ej a cajnub', ax ticnec, a eb' 'ajc'ojl yajch 'ayn̈ on̈, a eb' xma'n 'ejm lan̈chjoc.

Salmos 89:42

'Ix ac' yi' chan̈ eb' 'ajc'ojl chi sc'ab' 'a cha'an̈, caw stzalj eb', yujto xyac' ganar eb' owl chi snani.

Salmos 80:6

On̈ ac' wal tzetzxoc yuj eb' 'anma 'ay 'a qui la'nil on̈, ax eb' 'ajc'ojl yajch 'ayn̈ on̈, caw wal tzon̈ sb'uch eb' on̈.

Dt 31:29

Yujto wojcxoni to a yic 'oj in chami, 'oj e juw 'eli, ax eyi'n 'el e b'a 'a jun b'e 'ix in ch'oxcn 'ayex. Wojc paxi, to 'oj jawc yailal 'a eyib'n̈ b'aq'uin̈, yujto 'oj e tzuntzc cot yowl sc'ojl Jehová yuj e maysch'olnilal yuj pax jun tzo'n̈ comn dios 'oj e b'o', xchi Moisés.

Is 22:5

Yujto a Jehová tztac' yuj smasnil, a 'ix alni, to 'oj jawc jun c'u yic 'ay niwquil xiwc'ojlal, somc'ojlal, yet' pax yailal 'a yib'n̈ lum pan̈n 'aj tzch'oxx 'ilxoc junc tas 'a 'icha waychil. 'Oj ma'xoc 'ejm lan̈chjoc smuroal chon̈ab', ax yab'x yel yaw eb' 'aj chon̈b' chi 'a lum jolmctac witz.

Jeremías 10:20

Tox 'ix lan̈chj 'ejm in mantiado, tox 'ix n̈i'chj smasnil sch'an̈il. Tox in yactj can eb' wunnal, man̈x 'a eb' 'ayc' wet'oc. Man̈x 'a mach tzb'on in mantiado jun 'ejm xo, man̈x 'a pax junc mach tzlich'n q'ue yen̈l wib'an̈.

Lm 1:8

A eb' 'anma 'a chon̈b' Jerusalén, caw wal x'och smul eb', yuj cha, 'ix chacx 'el eb'. A eb' niwn yel'ch jun chon̈b' chi 'a sat 'a pecti', ax ticnec, caw tzyaj eb', yujto xyac' sq'uixwloc 'a sat eb'. Yuj cha, caw wal tz'oc' eb' 'aj Jerusalén, man̈xtzac sch'ox eb' sat yuj q'uixwelal.

Ez 9:10

'Ixta wal 'oj wutc eb', man̈x 'a in niwnc'ojlal 'a yib'n̈ eb' 'anma tic yuj stu b'eyb'al. Yuj smul eb' cha, ax sjaw wal yailal 'a yib'n̈ eb', xchi.

A Ch'an̈ Schab'il Libro Yic Yab'ixal Eb' Rey 21:15

Yictax xwi'n 'elt eb' smam yichm eb' 'a Egipto, stzuntzj cotn̈ej eb' yowl in c'ojol, yuj tas maysch'olnil sb'o eb' 'a wojltac, xchi Dios.

Lm 1:16

Yuj wal jun tzo'n̈ tic tzon̈ 'oc' on̈. Caw wal jichlji yem yal qui sat. Toc 'ayt mach tz'a'n jac sniwnal qui c'ojol, man̈x 'a mach tz'a'n ste'nal qui nab'en on̈. Scal yailal xcan smasnil eb' cunnal on̈, yujto caw wal jeln eb' 'ajc'ojl chi 'a quib'n̈ on̈, xchi eb'.