Lm 1:22 - Chuj San Sebastian Bible

²² Na coti jantc smul eb' xya'ch 'a ojltac; 'icha cab' tzon̈ otj tic on̈, 'ixta cab' pax tzotj eb' jun xo. An̈ tic on̈, caw wal niwn xo tzon̈ 'oc' yuj cab'n syail, caw wal tz'el quip tzcab'i, xchi eb' 'aj Jerusalén 'a Dios.

Chuj San Mateo Bible

²² Nacot jantac schucal eb'. Utejpax eb' yuj schucal, icha val tzon̈ utej yuj quic tic. Te nivanxo tzon̈ oq'ui, tz'el yip co pixan scab'i, xchi eb' aj Jerusalén chi' d'a Jehová.

Lm 1:22 Referans Kwoze

Jeremías 8:18

A 'in cusc'ojlal an Jeremías in tic, man̈x 'a yan̈il, caw tzlajw 'ejm in pixn yuj tzwab'i.

Apoc 6:10

A eb' cha, caw 'ip xyal eb' 'ixtic: —Ach Cajlil, caw wach'n̈j ach. Caw tz'el'chn̈ej tas tzala. ¿B'a'n̈ wal 'oj a b'eyc'ojloc eb' 'anma 'a yolyib'n̈q'uinl yuj qui chaml on̈, ax a'n spac 'a eb'? xchi eb'.

Ef 3:13

Yuj cha, tzin tew 'at 'ayex, man̈ eyac' somchjoc e nab'en yuj jun yailal 'aych 'a wib'n̈ e mul eyujoc tic. A jun tzo'n̈ yailal tzwab' syal eyuj tic, a tzch'oxni, to caw niwn eyel'ch 'a sat Dios.

Lc 23:31

An tic, lajn in 'icha junc te te ya'ax, palta 'iltec wal tas tzya'ch eb' 'a wib'an̈. Ocxom wal ax tic, yel xo wal niwn tas 'oj ya'ch eb' 'a eyib'an̈, yujto lajn ex 'icha junc te te tacn̈ xo, xchi Jesús 'a eb'.

Lm 5:17

Yuj cha, caw ya caj tzcab' on̈, caw wal tz'och pax 'a qui sat on̈.

Lm 1:13

'Icha wal junc c'ac', 'ixta xyutj Jehová ya'n cot qui yailal 'a satcha'an̈, caw wal tzc'ux lajwc qui b'acl tzcab'i. 'Icha pax junc ch'an̈ yal tz'ejm 'a cojltac 'ixta 'on̈ yutj yet' qui yailal on̈, yuj cha, on̈ meltzj 'a qui patic. On̈ yactj can qui ch'ocoj, 'a junjn rato tzcab'n syal on̈.

Jeremías 18:23

Palta ach xo tic Mamin Jehová, ojtac tas wan smol aln eb' 'a wib'an̈ yic tzin smiln cham eb' snani. Man̈ ac' niwnc'ojlal 'a yib'n̈ eb', man̈ ac' sat a c'ojl 'a smaysch'olnilal eb'. Sat cab' 'el eb' 'a ojltac, tza'n 'och syailal eb' yet' yowl a c'ojol, xin chi 'a in lesal.

Jeremías 10:25

Sec 'emt yowl a c'ojl 'a yib'n̈ jun tzo'n̈ chuc chon̈b'al cha, atn 'a yib'n̈ jun tzo'n̈ chon̈b' to matz ach 'ojcan 'eli. Atn jun tzo'n̈ chon̈b' to matz yal sb'a 'ayach, yujto caw 'ix satx 'el jun qui chon̈b' an̈ yin̈tl on̈ Jacob tic yuj eb' on̈. Jun 'ejmn̈ej on̈ satx 'el yuj eb', caw 'ix lan̈chj 'ejm qui nacion̈ 'a jun 'ejmn̈ej on̈, xin chi.

Is 13:7

Yuj cha, ax smasnil 'anma', 'oj sicb'oc 'ejm eb' yuj xiwc'ojlal.

Salmos 143:7

Mamin Jehová ta'wj in muc'uc, yujto wan yel wip tzwab'i. Man̈ e'l a sat 'ayin, colwjan̈ wet'oc, sec man̈ lajnoc tzin 'ajcn 'icha eb' chamnac.

Salmos 79:10

Toto ma'ay, 'oj yal eb' chuc chon̈b'al chi 'ixtic: ¿'Ajtil 'ay e Diosal cha? 'oj schic eb'. Comnoc wal tzac' quil on̈ tas wal tzotj a'n spac schamlil eb' a checab'. Ax eb' chuc chon̈b'al cha, 'oj yab' eb' yab'xil jun cha.

Jeremías 30:16

A wal smasnil eb' ex nib'n satnc 'eli, caw 'oj satxoc 'el eb'. Smasnil eb' 'ajc'ojl yajch 'ayex, 'oj 'ijxoc 'at eb' 'icha presoal. A eb' ex 'ixtni, 'oj 'ixtxoc pax eb', a eb' 'el'jnac 'at tas 'ayex, 'oj 'el'xoc 'at tas 'ay 'a eb'.