Lm 1:11 - Chuj San Sebastian Bible

¹¹ A smasnil eb' cajn 'a jun chon̈b' tic, caw wal ji'jmtac yoc' eb' yic tzlaj cob' sayn 'ec' eb' jac tas tzc'uxu. A smasnil sricoal eb', a 'ix yac' eb' sjelc tas tzc'an sc'ux cha, sec matz cham eb' yuj wejel, xchi winac. Mamin Jehová, 'ochn̈ wal q'ueln 'ayn̈ on̈, 'ilt wal tzon̈ 'aj qui lajw 'ejm on̈. Mamin Jehová, 'o'ch cab' a c'ojl eln 'och qui yailal on̈.

Chuj San Mateo Bible

¹¹ Masanil eb' cajan ta' tz'oc' eb', tz'ec' eb' sayan svael. Toxo ix yac'b'at sb'eyumal eb' sq'uexuloc svael yic max cham eb'. Ix yalan eb': Mamin Jehová, cotan̈ q'uelan d'ayon̈ yuj tas ix aj co telvi. Il val och a c'ol d'ayon̈ yuj co yaelal.

Lm 1:11 Referans Kwoze

Jeremías 52:6

Caw 'ix niwtj wal wejl 'a jun chon̈b' cha, man̈x 'a jac tas wach' sc'uxn eb' 'anma'. A 'a yic sb'aln̈il c'u yoch schan̈l 'uj yic jun ab'il cha,

Jeremías 38:9

—Mamin rey, caw wal tu tas 'ix sb'o jun tzo'n̈ winc tic 'a win Jeremías schecb' Dios. 'Ix yac' 'ejm ewin 'a yojl jun xab'. Ata 'oj cham yuj wejel, yic man̈x 'a tas tzc'uxx 'a yol chon̈b' tic, xchi winac.

Lm 2:12

'Ay eb' 'unn tzaln cob' 'ixtc 'a snun: 'Ac' jac tas tzqui c'ux on̈ mto tas tzcu'j on̈, xchi cob' eb'. 'Icha wal to lajwnac eb', tzlaj chamcn eb' 'a yol scayeal chon̈ab'. Toxn̈ej tzsi'si'n eb' scham 'a yol sc'ab' snun.

Lm 2:20

Mamin Jehová, na wal si'mb'il, ¿tom 'ayx mach 'ixtc tzotj 'icha wal tzon̈ otj tic on̈? ¿Tom wal smoj schin eb' nunb'il eb' yune tzat chuwi? ¿Tom smoj pax to tzmilx eb' ya'mal 'och qui ti 'ayach, yet' eb' a checb' 'a yol a cajnub'?

Lm 1:9

A smul eb' 'anma cha, caw wal checl yaji; palta may tas tzna eb' toto 'ay tas wan sjaw 'a yib'n̈ eb'. Caw wal satjub'tac x'aj slajw 'el schon̈b' eb'; may xon mach x'a'n sniwnal sc'ojl eb'. Yuj cha, tzyaln eb' 'ixtic: Mamin Jehová, 'ilt on̈ cot yet' wal qui yailal on̈, a eb' 'ajc'ojl yajch 'ayn̈ on̈, caw wal xyac' eb' sgana on̈ satn 'el on̈, xchi eb'.

Jeremías 19:9

'Oj wac' e chi 'ejm eb' eyunnal yet' eb' eyisil, ax wa'n e chi 'ejm e b'a junjn ex yuj wejel, yic 'oj 'och oyn eb' 'ajc'ojl 'a spatquil e chon̈ab', xchi Dios, xa chi 'a eb'.

Job 40:4

¿Tas wal 'oj wutc in ta'wi, toc 'ay jac xon wel'chi? Yel xo wach' to sictac tzin cani.

A Ch'an̈ Schab'il Libro Yic Yab'ixal Eb' Rey 6:25

Yuj cha, 'ix jaw wal jun niwquil wejl 'a Samaria. 'Ix q'ue stojl smasnil tas. A junc no sjolm b'uru 80 q'uen tumn plata x'aj stojol, ax junc 'echb'al stza no parama, o'e q'uen tumn plata x'aj stojol.

Jeremías 15:19

Yuj cha, 'ix ta'w Jehová 'ayn 'ixtic: Toto tzach meltzj pax 'ayin, 'oj ach in cha pax jun 'ejm xo, 'ixta to b'i'an, 'oj stac' in a'n servil. Toto tza tench wan a b'a aln jun tzon̈ comn paxti', toto cojxn tas caw niwn yel'ch tzala, to 'ixta', ach 'oj a paxtin 'el in jeloc. A eb' 'anma 'oj chanc 'ab'nc a paxtini, man̈oc ach 'oj a cha ab' spaxtin eb'.

Lm 1:8

A eb' 'anma 'a chon̈b' Jerusalén, caw wal x'och smul eb', yuj cha, 'ix chacx 'el eb'. A eb' niwn yel'ch jun chon̈b' chi 'a sat 'a pecti', ax ticnec, caw tzyaj eb', yujto xyac' sq'uixwloc 'a sat eb'. Yuj cha, caw wal tz'oc' eb' 'aj Jerusalén, man̈xtzac sch'ox eb' sat yuj q'uixwelal.

Salmos 79:4

Til wal qui b'uchx yuj eb' 'anma oyn 'och 'a qui la'nil on̈, tzetzjub'tac quilx 'a sat eb' on̈.

Lm 2:11

Caw wal tzmal yol in sat woq'ui, ax sn̈i in c'ojol, caw wal 'ijn tzn̈i'chj tzwab'i; caw man̈x 'a wip tzwab'i yic tzwiln 'och tas tz'aj slajw 'el eb' wit chon̈ab'. 'Intax eb' nene 'unn tzat chuwi, t'occtac tz'aj eb' schamcn 'a yol caye yuj wejel.

Lm 5:1

Mamin Jehová, na coti jantc wal tas x'ec' 'a quib'n̈ on̈, 'ilt wal tzon̈ 'aj quixtx on̈.