Lm 1:10 - Chuj San Sebastian Bible

¹⁰ A eb' 'ajc'ojl yajch 'a Jerusalén, tox 'ix yij 'ec' eb' smasnil sricoal jun chon̈b' tic. 'Ix yiln pax eb' 'anma yoch eb' 'ajc'ojl chi 'a yol scajnub' Dios, atn jun tzo'n̈ 'anma yaljnac Dios to matz tac' yochi.

Chuj San Mateo Bible

¹⁰ A eb' ajc'ool chi', toxo ix yiquej masanil sb'eyumal eb' aj Jerusalén eb'. Ix yil val eb' aj chon̈ab' chi' yoch lemnaj eb' ch'oc chon̈ab'il d'a yol stemplo Dios, aton juntzan̈ anima yalnac Jehová to max yal yochi.

Lm 1:10 Referans Kwoze

Dt 23:3

A eb' amonita yet' eb' moabita yet' yin̈tl junjn c'aj eb', may b'a'n̈ xon 'ay yaln eb' yic 'a scal eb' schon̈b' Jehová,

Jeremías 51:51

Palta ax tic tzeyal 'ixtic: Caw tzon̈ q'uixwi, yic tzcab'n tas tzyal eb' 'ayn̈ on̈. Caw q'uixweltac caj tzcab'i, yujto a eb' chuc chon̈b'al, tox 'ix 'och eb' 'a yol yatut Dios, 'intax 'ix 'och pax eb' 'a yol jun tzo'n̈ cotc cuarto to cojn Dios 'ay yico', 'oj e chioc.

Lm 1:7

A eb' 'aj Jerusalén, a wal yic 'aych eb' 'a sc'ul yab'n syal yuj tas tz'aj yixtxi, a yic cha, tznan cot eb' smasnil sricoal 'ay 'a yaln̈taxi. A yic x'ejm eb' yuj eb' 'ajc'ojol, toc 'ay mach xcoln eb'. A wal yic tz'ilx 'och eb' yuj eb' 'ajc'ojl cha, tzlaj b'uchx eb' yuj eb', yujto 'ix 'ejm eb'.

Nehemías 13:1

A 'a yic jun tiempoal cha, 'ix 'awtx ch'an̈ libro yic Moisés yab' eb' chon̈ab'. X'ilchj 'a ch'an̈ chajtlto a eb' amonita yet' eb' moabita, may b'a'n̈ tztac' yoch eb' 'a scal eb' schon̈b' Dios

Mr 13:14

Palta 'ay jun winc yajb'il yuj Dios, a 'oj 'a'nc juwc 'el jun tzo'n̈ tas. [A win Daniel, win schecb' Dios pecti', a aljnac can yuj jun cha.] A mach tz'iln jun 'ab'x tic, nachj cab' 'el yu'uj. A yic 'oj eyilnc jun chi 'a 'aj man̈ smojc yochi, a eb' 'ayc' 'a Judea, 'at cab' eb' 'elc 'a tzalctac.

Ez 44:7

Man̈x 'a yel'ch xeyutj watut, comn xoj xe chaj 'och eb' chuc chon̈b'al 'a yojol, eb' may yel'ch in trato 'a 'a, may pax yechl in trato 'a sniwnal eb'. 'Ixta xeyutj eyixtn 'el watut cha, wach'xam cob' to xeyac' e xajmb'al chi 'ayin, atn xepual yet' schic'l no noc' cha, palta xjuw 'el in trato chi eyet'oc.

Ez 9:7

Xlajw cha, xyaln pax 'a eb' 'ixtic: 'At 'a'c juwc can 'el jun watut cha, ax 'a yamq'uil cha, ata tze tuscn 'och eb' chamnc 'anma chi ta', xchi. Xlajw cha, 'ix 'el paxt eb', syamn 'och eb' smiln eb' 'anma chi 'a yol chon̈b' cha.

Ez 7:22

'Oj wi'l in sat 'a jun nacion̈ tic, ax eb' 'elc'm cha, man̈x 'a yel'ch 'oj yutc can eb' jun lugar to wicn̈ej yaji.

Jeremías 52:13

A win xwul n̈usnc yatut Dios yet' sdespacho eb' rey, yet' yatut eb' niwc winc 'a Jerusalén cha.

Jeremías 20:5

Smasnil e ricoal 'a yol e chon̈ab', smasnil tas caw chan̈ stojl 'ay 'ayex, yet' pax smasnil sricoal eb' sreyl Judá, 'oj wac' 'a yol sc'ab' eb' 'ajc'ojl cha, ax yi'n 'at eb' 'a Babilonia.

Jeremías 15:13

Yuj smasnil e mul, yuj cha, ax wa'n e ricoal 'a eb' 'ajc'ojl yajch 'ayex. A smasnil tas 'ay 'a sat e lum tic, ton̈j 'oj yi'c eb' 'ayx 'a nab'an̈ej.

Is 63:18

An̈ a chon̈b' on̈ tic on̈, jayen̈ej ab'il xquique'ej a cajnub', ax ticnec, a eb' 'ajc'ojl yajch 'ayn̈ on̈, a eb' xma'n 'ejm lan̈chjoc.

Jeremías 50:28

('Ay eb' quit israelal tzyac' ganar yelt 'a Babilonia, ax 'a Sión tzjaw eb'. Tzyaln eb' yuj jantc wal tzyutj spacn sb'a Jehová qui Diosalec 'a eb' 'aj Babilonia cha, yuj tas sb'ojnac eb' 'a yatut Dios.)

Dt 23:4

yujto a yic on̈ 'e't 'a sat slum eb', yic on̈ 'eltec 'a lum Egipto, ma'ix yac' xon eb' cu'c jac ya'al, may xon pax jac tas xyac' eb' qui c'uxu'. A yic eb', to 'ix stoj eb' Balaam win yunnal Beor, win cotnc 'a lum Petor 'a yol yic Mesopotamia, yic tzon̈ wul scatb'tzanec.

2 Cr 36:18

An̈jtona', smasnil yamc'ab' yic yatut Dios, niwac yet' scotcal, yet' jantcn̈ej tas 'ay ta', yet' jantcn̈ej tas 'ay 'a yatut win rey, yet' eb' 'aych yajlil yet'oc, c'uxn 'ix yij 'at smasnil 'a Babilonia.

Jeremías 27:19

A yic x'ijx 'at Jeconías yunnal Joacim, sreyl Judá yuj Nabucodonosor sreyl Babilonia, 'ix 'ijx 'at yet' smasnil eb' niwc winc 'ay 'a Judá cha, yet' eb' 'ay 'a Jerusalén. A 'a yic jun tiempoal cha, ma'ix 'ijx 'at jun tzo'n̈ niwc 'oy yet' jun niwquil pila nab'a bronce, yet' sb'achnub'al yalan̈, yet' pax jun tzo'n̈ xo yamc'ab' yic yatut Dios.

Jeremías 27:21

Yuj cha, 'ix yaln Jehová 'ixtic: 'Ab'c tas tzwal an Jehová in tztac' wuj smasnil, sDiosal in Israel, an tzwal yuj jun tzo'n̈ yamc'ab' xcan to 'a watut cha, yet' pax jun tzo'n̈ xcan 'a sdespacho win sreyl Judá yet' 'a Jerusalén.