Lc 8:27 - Chuj San Sebastian Bible

²⁷ Yic 'ix 'el'ch Jesús 'a sti a', 'ix jaw jun win 'aj chon̈b' chi 'a 'a. Caw 'ayx tiempo 'ochnc jun tzo'n̈ demonio 'a winac, yuj cha, may xon jac spichl win tzya'chi. Toxn matz nib'j xon win tz'aj 'a yol junc n̈a, an̈j 'a 'aj mucn eb' chamnac, an̈jta 'ayc' winac.

Chuj San Mateo Bible

²⁷ Axo ix elta Jesús d'a yol te' barco chi' d'a sat luum, ix c'och jun vin̈ ay d'a chon̈ab' chi' d'ay. Ayxo scajvi yixtaj vin̈ yuj juntzan̈ eb' enemigo ayoch d'ay. Max yac'ochlaj spichul vin̈, max canlaj van vin̈ d'a yol junoc pat, axon̈ej b'aj mucan eb' chamnac ayec' vin̈.

Lc 8:27 Referans Kwoze

A Ch'an̈ B'ab'el Libro Samuel 19:24

An̈jtona yic xc'och cha, xyi'n 'el spichul, syamn 'och pax yaln 'el spaxti Dios 'a yojltac Samuel 'a smasnil c'u yet' 'a smasnil 'ac'wl cha. Ata tzcot jun paxti tzalx 'ixtic: ¿Tom alm 'el spaxti Dios yaj Saúl tic? xchi.

Nm 19:16

A mach tzyamn sniwnal junc chamnc 'anma yec' 'a sti 'el chon̈ab', junc tzmilx chamoc mto mun tzchami, mto junc sb'acl chamnc 'anma', mto pax junc yet'l junc chamnac, a jun tzyamn cha, man̈ wach'c tz'ajcn 'a uque c'ual.

Is 65:4

Ata tzlaj 'at 'em wocn eb' 'a scal eb' xi'lb'a 'a campusan, tzlaj sc'ub'n 'el sb'a eb' 'aj c'ultac yaji, ata tz'ec' 'ac'wl yuj eb' yic tzc'umn sb'a eb' yet' eb' chamnc chi snani. Tzchin eb' schib'jal no chitam, caw tzb'ut'j yuc'b' eb' yet' yalil no chib'j cha, atn jun tzo'n̈ tas man̈ wach'c 'a sat ley.

Mt 4:24

C'uxn 'ix puccn 'el yab'xil 'a scal smasnil eb' 'aj Siria. Yuj cha, smasnil eb' ya'ay yuj tzann̈j yab'ilal, 'ix 'ijx cot eb' 'a 'a. An̈jtona yet' eb' tz'ixtx yuj ewin demonio yet' eb' tzcot owya 'a sjolom, yet' eb' sicb'nac 'eli, 'ix ya'n can b'oxc sc'ojl eb' smasnil.

Mr 5:15

Yic xjaw eb' 'a 'aj 'ayc' Jesús cha, 'ix yiln eb' a win 'aj 'elnc ewin demonio cha, wocn 'ec' win ta'. 'Ayx 'och spichul, caw wach'x sc'ojol, yuj cha, caw 'ix xiw eb'.

Lc 8:26

Xlajw cha, xc'och eb' 'a sc'axpil 'ec' sti a', 'a yol yic Gerasa. A jun cha, a 'a stojlal Galilea 'a sc'axpil 'ec' a cha, ata 'ay.

Lc 8:28

Yic xyiln win Jesús, 'ix 'em cumn win 'a yojltac. Ax Jesús xaln 'a win demonio cha to tz'el 'a winac. Yuj cha, caw xq'ue yaw win yaln 'ixtc 'a 'a: —¡Ach Jesús, Yunnal ach Dios yel xo niwn yel'chi! ¿tas aln ec 'ayin? ¡Tzin tew 'ayach, man̈ in extoc! xchi win 'a 'a. Til wal 'ejm tzyamchj win 'anma chi yuj win demonio cha, yuj cha, tzcob' jalx can 'ejm win yet' q'uen cadena yuj eb' 'anma', tz'och 'a yoc yet' 'a sc'ab'. 'Ixta tzyutj eb' sec matz mil sb'a winac. Palta ton̈j n̈i'chj 'at jun tzo'n̈ cadena chi yuj winac, yuj win demonio cha tzoyb'x 'at win 'a cusltac lu'um.