Lc 8:25 - Chuj San Sebastian Bible

²⁵ Xlajw cha, xyaln 'a eb' scuywum chi 'ixtic: —¿Tas yuj matz eya'ch wal e c'ojl 'a Dios? xchi 'a eb'. Palta ton̈j 'ix caw sat sc'ojl eb' yuj si'mb'il, 'ix laj yal-lanc eb' 'ixtic: —¿Tas laj wal yaj jun winc tic? 'In tztac' ya'n mandar 'ic' yet' a mar, tzyiclni pax 'a 'a, xchi eb'.

Chuj San Mateo Bible

²⁵ Ichato chi' b'ian, ix yalan d'a eb' sc'ayb'um chi': —¿Tas yuj max eyac'och Dios d'a e c'ool? xchi d'a eb'. Toxon̈ej ix och q'uelan eb', ix sat sc'ool eb', ix yalan eb': —¿Tas yaj jun vin̈ tic? Scachji jun ic' tic yed' a a' tic yuj vin̈, ix c'anab'ajax vin̈ yuj juntzan̈ tic, xchi eb'.

Lc 8:25 Referans Kwoze

Mt 8:26

'Ix ta'w 'a eb' 'ixtic: —¿Tas yuj caw tzex xiwi? Caw jab' wal tzeya'ch e c'ojl 'a Dios, xchi 'a eb'. Xlajwn̈ej cha, xq'ue wa'an, 'ix stenn 'och wan jun 'ic' chi yet' a mar cha. Yuj cha, caw sictac x'aj smasnil.

Pr 30:4

¿Mach wal junc xit'q'ue 'a satcha'an̈, 'ix 'empaxta? ¿Mach junc tztac' syamn 'och wan 'ic' 'a yol sc'ab'? ¿Mach junc tztac' spichn 'och a mar 'a yol spotil? ¿Mach jun x'a'n can 'ejm smon̈jonal lum lum tic? Alc 'ayin toto eyojtac tas sb'i, tas pax sb'i yunnal.

Mt 14:31

Yajn̈j wal cha, xwul 'och yamnjoc Jesús 'a sc'ab', 'ix yaln 'ixtc 'a 'a: —Ach tic jab' wal tza'ch a c'ojl 'a Dios. ¿Tas yuj xa chab'c'ojlej a b'a? xchi 'a 'a.

Jn 11:40

—Tox xwal 'ayach, toto tzin a'ch wal 'a a c'ojol, 'oj el nab'n spoder Dios, xchi 'a 'ix.

Lc 12:28

A jun tzo'n̈ te cha, ton̈j 'ayc' ticnec, ax q'uic'an tz'a 'a yol jorna. Wach'xam 'ixta yec' te', palta a Dios tz'a'n swach'l yilx te'. Yuj cha, yel xo wal 'oj yac' e pichl ax tic, palta 'in jab' wal tzeya'ch e c'ojl 'a 'a.

Mt 17:20

—Ma'ix 'eli, yujto ma'ix eya'ch Dios 'a e c'ojol. Wal yel tzwal 'ayex, toto tzeya'ch e c'ojl 'a 'a, wach'xam caw jab' 'icha jun pilc sat te rechiwo, 'oj stac' eyaln 'ixtc 'a jun witz tic: Eln̈ 'a et'l tic, 'ixc 'a junc xo lugar, 'oj e chioc. To 'ixta', 'oj 'el eyu'uj. Smasnil tas 'oj stac' eyu'uj, toto yel tzeya'ch Dios 'a e c'ojol.

Pr 8:29

yic xyaln can 'a a mar cha, chajtlto matz 'el a 'a smon̈jonal, yic xya'n can 'och sb'achnub'al yaln̈ lum lum tic, 'ayc' xon jun jelnal cha.

Mt 6:30

A jun tzo'n̈ te c'ultc cha, ton̈j 'ayc' te ticnec, ax q'uic'an tz'a 'a yol jorna. Wach'xam 'ixta yec' te', palta a Dios a tz'a'n swach'l yilx te'. Yuj cha, yel xo wal 'oj yac' e pichl ax tic, palta 'in jab' wal tzeya'ch e c'ojl 'a 'a.

Mt 8:10

Ax yic xyab'n Jesús jun tzo'n̈ cha, caw sat sc'ojl yab'ni. Yuj cha, xyaln 'ixtc 'a eb' ajun yet'oc: —Wal yel tzwal 'ayex, mant 'a junc quit israelal xwil ya'n 'och sc'ojl 'a Dios 'icha jun win tic.

Mr 4:35

Ax yic wan sq'uic'b' 'ejm 'a jun c'u cha, 'ix yaln Jesús 'a eb' scuywum 'ixtic: —Coyc 'a junx sc'axpil 'ec' a', xchi.

Lc 8:24

Yuj cha, spitzn 'el eb' swayn̈ Jesús, 'ix yaln eb' 'ixtc 'a 'a: —¡Mamin, ach qui Cuymal on̈, 'ilto! ¡Wal qui 'atc 'a yich a tic! xchi eb'. 'Ix q'ue wan Jesús, stenn 'och wan jun 'ic' chi yet' a mar. 'Ix 'och wa'an, caw sictac x'aj smasnil.

Lc 8:26

Xlajw cha, xc'och eb' 'a sc'axpil 'ec' sti a', 'a yol yic Gerasa. A jun cha, a 'a stojlal Galilea 'a sc'axpil 'ec' a cha, ata 'ay.