Lc 8:22 - Chuj San Sebastian Bible

²² A 'a jun 'el, 'ix 'och Jesús 'a yol barco yet' eb' scuywum, 'ix yaln 'a eb' 'ixtic: —Coyc 'a sc'axpil 'ec' a', xchi 'a eb'. Yuj cha, x'at eb'.

Chuj San Mateo Bible

²² D'a junel ix och Jesús d'a yol jun barco yed' eb' sc'ayb'um, ix yalan d'a eb': —Coyec d'a sc'axepal a' n̈ajab' tic, xchi. Ix b'at eb' b'ian.

Lc 8:22 Referans Kwoze

Mr 6:45

Xlajw cha, xyaln Jesús 'a eb' scuywum to tz'ochx eb' 'a yojl te barco, sec tzb'ab'l c'axw can pax 'ec' eb' 'a junx sc'axpil 'ec' a a cha, 'ix c'och eb' 'a chon̈b' Betsaida. Ax Jesús 'ix cani, yic tzyaln can sb'a eb' 'anma cha.

Lc 8:23

Ax yic wan sb'ey eb' 'ix way Jesús. Palta jun 'ipn̈ej wal cha, 'ix jaw jun 'ic' caw ow. 'Ix yutz'n chan̈ a', x'och chel-loc a 'a yojl te', 'ijn wal xcaw 'at te 'a yich a'.

Lc 5:1

A 'a jun 'el, xc'och Jesús 'a sti a mar yic Genesaret. Til wal 'anma 'ix syam sb'a. Caw witz'n x'ajch eb' 'a 'a, yujto tznib'j eb' tzyab' spaxti Dios.

Mr 8:13

Xlajw cha, xyactn can Jesús ewin fariseo cha, 'ix 'ochx 'a yojl te barco jun 'ejm xo yet' eb' scuywum, 'ix c'axw 'ec' eb' 'a junx sc'axpil 'ec' a'.

Mt 14:22

Xlajw xoj cha, xyaln Jesús 'a eb' scuywum, to tz'ochx eb' 'a yojl te barco cha, sec tzb'ab'l c'axw can pax 'ec' eb' 'a a a cha. Ax Jesús 'ix can to yic tzyaln can sb'a 'a eb' 'anma cha.

Jn 6:1

Xlajw cha, 'ix 'at Jesús, 'ix c'ochx 'a junx sc'axpil 'ec' sti a mar yic Galilea. A jun a cha, Tiberias pax sb'i.

Mr 5:21

Xlajw cha, 'ix paxx 'ec' Jesús 'a junx sc'axpil 'ec' a a 'aj 'ix coti. Ax yic 'ix c'ochx 'a sti a cha, til wal 'anma 'ix syam sb'a ta'.

Mt 8:18

Ax 'a jun 'el, xyiln Jesús, til wal 'anma xlaj c'och oyn 'a 'a, yuj cha, xyaln 'ixtc 'a eb' scuywum: —Coyc 'a junx sc'axpil 'ec' a', xchi 'a eb'.

Lc 8:33

Yuj cha, x'el ewin demonio chi 'a win b'i'an, ax 'a e no chitm chi x'at 'ochx can ewinac. Yuj cha, x'at e no 'a sat pac'an, 'ix c'och e no 'a yojl a mar. Axta xjic'w cham e no smasnil.

A Tas Sc'ulejnac Eb' Schecab' Jesús Hechos 27:2

An Lucas in tic, 'atnc in yet' Pablo. On̈ 'och 'a yol jun barco yic chon̈b' Adramitio. A te barco cha, 'e'nc te 'a junjn lugar 'a stitc yic Asia. S'at pax Aristarco quet' on̈. A jun winc cha, 'aj chon̈b' Tesalónica 'a yol yic Macedonia.