Lc 8:15 - Chuj San Sebastian Bible

¹⁵ Palta ax jun tzo'n̈ 'in̈t x'emcn 'a 'aj 'ay syaxil lu'um, tzyal 'el'chi, 'ay eb' 'anma caw wach' tzyutj yab'n spaxti Dios 'a smasnil sc'ojol. Caw tzya'ch eb' 'a sc'ojl si'mb'il. Te'n tzyutj eb' snab'en, yuj cha, lajn eb' 'icha 'ixm trigo may xon tz'aj sjuwi, wach' tz'aj sc'anb' sjolom.

Chuj San Mateo Bible

¹⁵ Axo juntzan̈xo ixim ix emcan b'aj ay syaxil sat luum chi' sch'oxanel eb' tz'ac'anoch jun lolonel chi' d'a sc'ool, sc'anab'ajan eb', tec'an syutej sb'a eb'. Aton eb' tic lajan yed' ixim trigo vach' sjolom syac'a'.

Lc 8:15 Referans Kwoze

A Ch'an̈ Carta D'a Eb' Hebreo 10:36

Yowlal niwn tzeyutj e c'ojol, sec 'oj stac' e b'on jantcn̈ej tas tznib'j Dios, ax e chan tas 'aj ya'jnac can sti'.

Lc 6:45

A eb' wach' snab'en, wach' tzyutj eb' sb'eyb'al, yujto cojn tas wach' 'ay 'a snab'en eb'. Ax eb' maysch'olnil snab'en, maysch'olnil tzyutj eb' sb'eyb'al, yujto an̈j maysch'olnil 'ay 'a snab'en eb'. Yujto a tas 'ay 'a qui nab'en junjn on̈, a tzcala.

1 Jn 2:3

Toto tzqui yicljec jun tzo'n̈ schecnb'il Dios, to 'ixta', caw cojquec xo Dios cha.

A Scarta San Pablo D'a Eb' Aj Colosas 1:10

Toto 'ixta tzex 'aji, wach' 'oj eyutc e b'eyb'al, sec 'oj wach' tzaljoc Cajlilec eyet'oc, yujto smoj 'ixta tzeyutj e b'a. Caw wach' tzeyutj e b'eyb'al, 'icha junc te caw wach' satni. Ax e wach' 'ojcan 'el Dios.

A Scarta San Pablo D'a Eb' Aj Colosas 1:6

A jun 'ab'x yic colnb'il alb'ilx 'ayex, wan yalx 'a junjn lugar 'a yolyib'n̈q'uinl tic. 'Icha junc te tzq'uib'i, tzya'n sat, 'ixta tz'aj jun 'ab'x tic 'a eb' tz'ab'ni. An̈jtona', 'ixta x'aj 'ayex, yictax e b'ab'l 'ab'ni, chajtlto niwn swach'c'ojlal Dios. Yujto nachjnac 'el eyu'uj, to caw yel 'ay swach'c'ojlal cha.

Jn 14:15

Toto tzin e chamc'ojlej, yicljec jun tzo'n̈ in checnb'il.

Lc 11:28

Palta xyaln pax Jesús 'ixtic: —Yel xo wal 'ec'b'al swach'l yic eb' tz'ab'n tas tzyal Dios, tzyiclni pax eb', xchi.

A Scarta San Pablo D'a Eb' Aj Filipos 1:11

'Oj wach' 'och wal Jesucristo eyet'oc, sec wach' tojln̈ej 'oj eyutc e b'eyb'al. Toto 'ixta', eyu'uj 'oj checljoc 'eli, chajtlto caw niwn swach'l Dios, ax yalx wach' paxti 'a 'a.

Ro 7:4

Ex wu'tac, ex wanab', a ticnec, junn̈j on̈ 'ajc yet' sniwnal Cristo yic schami. Yuj cha, a 'a sat Dios, chamnc on̈c xo 'elt 'a yol sc'ab' ley yic Moisés. Palta 'ay junx 'icha to 'ichmilab'il yaj 'ayn̈ec, atn jun pitzwnac pax 'a scal eb' chamnac. 'Ixta cajc yet'oc, sec wach' 'ay copisoec 'a Dios.

Ro 6:22

Ax ticnec, colchjnacn̈ec can 'elt 'a yol sc'ab' jun tzo'n̈ maysch'olnil cha. Man̈x 'a yaln yic 'ayn̈ec. On̈ 'ochc ya'malc servil Dios. Yuj cha, caw 'ay qui ganar ticnec, yujto a tz'a'n ca'c 'och qui nab'en 'a 'a. Ax qui chanec pax qui q'uinl 'a jun 'ejmn̈ej.

Jn 15:10

Toto tzeyiclj jun tzo'n̈ in checnb'il, 'oj e cann̈j 'a in chamc'ojlal tic. Yujto 'ixta waj yet' in Mam, tzin yiclj jun tzo'n̈ schecnb'il. Yuj cha, tzin cann̈j 'a schamc'ojlal.

Mt 24:13

Palta a mach caw te'n tzyutj sb'a masnto 'a slajub', atn eb' chi 'oj colchjoc.

Dt 30:6

'Oj ya'ch Jehová qui Diosalec yechl strato 'a e nab'en yet' 'a snab'en eb' eyin̈til, sec 'oj e chamc'ojloc Jehová yet' smasnil e c'ojol yet' smasnil e nab'en. Toto 'ixta', 'oj najtxb'oc e q'uinal.

A Ch'an̈ Carta D'a Eb' Hebreo 2:1

Yuj cha, yowlal caw tzca'c 'och qui nab'en 'a jun tzo'n̈ cuynb'il xlaj cab'ec. Toto ma'ay, 'ay smay jab'jnal 'oj qui wach' juwc 'eli.

Ef 2:8

Yuj wal swach'c'ojlal Dios on̈ colchjec, yujto xca'c 'och qui c'ojl 'a 'a. A jun tic, man̈oc on̈c xqui b'o'ec, yujto an̈j Dios tz'a'n 'ayn̈ec.

1 Co 7:19

Toxn̈ej chab'il jun yechl circuncisión chi cujec, toxn̈ej ma'ay, mayn̈ej yel'chi. Palta 'ay junx caw niwn yel'chi, to tzqui b'eylb'ejec 'icha tznib'j Dios.

Ro 7:18

Wojtac, yuj jun in tu nab'enal tic, may jac tas wach', tzcheclj 'el 'ayin. Yujto caw tzin nib'j tzin b'o jun tzo'n̈ tas wach', palta matz tac' in b'oni.

Ro 2:7

'Ay eb' 'oj yac' sq'uinl 'a jun 'ejmn̈ej. Atn eb' te'n tzyutj sb'a sb'on jun tzo'n̈ wach'il, yujto tznib'j eb' tza'wni swach'l 'icha swach'l Dios. Tznib'j eb' to 'ay yel'ch eb' 'a sat, tznib'j pax eb' tzchaj sq'uinl 'a jun 'ejmn̈ej.

Jeremías 31:33

Atn junx in trato tic 'oj in b'o yet' eb' 'a yic 'oj jawc jun tiempoal cha: An Jehová in, an tzwala, to 'oj wa'cn 'och jun tzo'n̈ in checnb'il chi 'a snab'en eb', 'icha to 'oj in tz'ib'c can 'och 'a spixn eb'. An 'oj woch sDiosalc eb', ax yoch pax eb' in chon̈b'oc.

Santiago 1:4

Yuj cha, caw te'n tzeyutj e b'a eya'n 'och e c'ojl 'a Dios, sec 'oj swach' b'oc e nab'en. Toto 'ixta', caw tz'acn ex, caw wach'x 'a sat, may jac tas tzeyac' palta 'a sat.

Jeremías 32:29

A eb' caldeo wan ya'n owl 'a jun chon̈b' tic, 'oj 'oxtoc eb' 'a yol chon̈b' tic, ax sn̈usn can eb', ax stz'a smasnil jun tzo'n̈ n̈a 'aj xlaj ya'ch eb' 'anma smul 'ayin, a 'a span̈nil yib'n̈ jun tzo'n̈ n̈a cha, ata xyac' tz'a eb' incienso 'a Baal, 'ix ya'n pax eb' yal uva 'a jun tzo'n̈ chuc diosal.

Jeremías 15:16

A yic tzaln a paxti 'ayin, caw xin chajn̈ej wab'i', an̈j 'aych in tzaljc'ojlaloc, yujto ec in. Mamin Jehová, ach in Diosal, tztac' 'oj smasnil.

Pr 3:1

Ach wunnal, man̈ ac' sat a c'ojl 'a jun tzo'n̈ in cuynb'il tic, molcn jun tzo'n̈ in checnb'il tic 'a a nab'en,

Salmos 119:11

Tzin mol a paxti 'a in nab'en, sec matz 'och in mul 'ayach.

Salmos 51:10

Ach in Diosal, a wal junc nab'en caw wach' a tzac' 'ayin. Tza'n 'a'tb'oc wespíritu sec yiclum in 'ayach.

Lc 8:14

Ax jun tzo'n̈ xo 'in̈t xc'ochcn 'a scal c'ultac, tzyal 'el'chi 'ay eb' 'anma tz'ab'n spaxti Dios. Palta ax yic tzb'ey tiempo, til wal tas tzna eb': tzna eb' ricoal, tznan pax eb' yuj yic sniwnal. Yuj wal jun tzo'n̈ cha, tzjuw 'el eb'. Lajn tz'aj eb' 'icha 'ixm trigo may xon jac sjolm tzyac'a.

Lc 8:16

A yic tzca'nec 'och qui cantil, matz qui n̈ojc q'ue junc chen 'a yib'an̈, matz ca'c pax 'och 'a yaln̈ ch'at. Palta a 'a yib'n̈ junc tas cha'an̈, ata tzcac' q'ue'i, sec wach' sacq'uinl tz'aj 'ejm yoc 'a eb' tz'och quet'ec 'a yol n̈a cha.

Ro 8:25

Palta a jun tzca'c 'och yipc qui c'ojol, mantzac quilc yet' qui sat. Yuj cha, yowlal te'n tzcutjec qui b'a qui tan̈wniec sjawi.