Lc 7:47 - Chuj San Sebastian Bible

⁴⁷ Yuj cha, tzwal 'ayach, caw niwn schamc'ojlal jun 'ix tic, yujto caw niwn smul tz'ajx lajwoc. Palta a mach jab' wal smul tz'ajx lajwoc, jab' wal schamc'ojlal tzch'oxo, xchi 'a winac.

Chuj San Mateo Bible

⁴⁷ Yuj chi' sval d'ayach to nivan smul ix ix ac'ji lajvoc, yuj chi' tzin ste sxajanej ix. Xal junoc anima jab'n̈ej smul tz'ac'ji lajvoc, jab'n̈ej tzin sxajanej, xchi d'a vin̈.

Lc 7:47 Referans Kwoze

1 Jn 4:19

'Ay qui chamc'ojlalec 'a Dios ticnec, yujto a on̈ b'ab'l chamc'ojlanec.

1 Jn 3:18

Ex chamc'ojlb'il wu'uj, matz tac' ton̈j tzcalc yet' qui ti', to 'ay qui chamc'ojlalec. Palta yowlal tzon̈ colwjec 'a eb' quit creyenteal. 'Ixta tzcutjec qui ch'oxni, to 'ay qui chamc'ojlalec 'a yel.

Is 1:18

Xlajw cha, xyaln pax Jehová 'ixtic: An Jehová in, an tzwala. Cotn̈ec, b'ocyaj e b'a. Wach'xam a 'e mul caw wal tu eyilx yu'uj, palta 'oj ex in b'icli, ax e sacb' can 'icha yilx q'uen sacb'acum. Toxn̈ej lajn eyilx yuj e mul chi 'icha junc te q'uic'mucnac nip matz 'el yan̈il, palta 'oj ex wac' b'icxc 'eli, ax e sacb' can 'icha yilx sac lana.

Gl 5:6

Toto junxn̈ej tzon̈ 'aj yet' Cristo Jesús, man̈x 'a yel'chi, toto 'ac'b'iln̈ec circuncidar, mto ma'ay. Cojxn wal jun tic 'ay yel'chi, to caw tzca'c 'och qui c'ojl si'mb'il 'a Cristo. Toto 'ixta', 'oj qui ch'oxc 'el qui chamc'ojlal.

Ro 5:20

'Ac'b'il can ley yic Moisés, yic tzwach' checlj 'el tas maysch'olnil. Wach'xam caw 'ix niwtj maysch'olnilal cha, palta ax swach'c'ojlal Dios, yel xo wal caw niwn yel'ch 'a yib'an̈.

Ef 6:24

Jantcn̈ej eb' tzchamc'ojlan Cajlil Jesucristo 'a smasnil tiempo, 'ay cab' swach'c'ojlal Dios 'a eb'. [Ya' cab'i'.]

Is 55:7

Ex maysch'olnil e b'eyb'al yet' ex tu 'e nab'en, nac e b'a, meltzjan̈c 'a Jehová, 'oj 'o'ch sc'ojl 'ayex; 'oj ex yac' niwnc'ojlal qui Diosal.

1 Jn 5:3

Toto yel tzqui chamc'ojlejec Dios, 'oj qui yiclquec tas tzyal jun tzo'n̈ schecnb'il. A jun tzo'n̈ schecnb'il tic, man̈ yac qui yiclni.

1 Ti 1:14

Caw niwn swach'c'ojlal Cajlil sch'ox 'ayin. Ya'jnac wa'ch in c'ojl 'a 'a, ya'jnac pax in chamc'ojlal, 'icha tzyutj ya'n 'ayn̈ junjn on̈, yujto junxn̈ej caj yet' Cristo Jesús.

A Scarta San Pablo D'a Eb' Aj Filipos 1:9

Tzin c'an 'a Dios eyu'uj, sec 'oj wach' tz'acwoc e chamc'ojlal, yet' sjelnal Dios tzyac' 'ayex. Tzin c'an pax 'a 'a, sec 'oj wach' nachjoc 'el smasnil yic eyu'uj.

A Tas Sc'ulejnac Eb' Schecab' Jesús Hechos 5:31

A x'a'n yopiso, xyi'n 'at 'a swach' c'ab'. 'Ix ya'n 'och Cajliloc, qui Colmaloquec. Yuj cha, a Jesús, a tz'a'n qui nac qui b'a an̈ israel on̈c tic, sec tzlajw can qui mulc yu'uj.

1 Jn 1:7

A Dios sacq'uinl yaji. Toto tzqui b'eylb'ejc 'icha sacq'uinlal cha, caw junxn̈ej yaj qui nab'enec qui masnil. Ax schic'l Jesucristo Yunnal, a tz'i'n 'el smasnil qui mul 'aych 'ayn̈ec.

Lc 7:39

Ax yic xyiln win fariseo chi jun cha, snan win 'ixtic: Toto yel schecb' Dios jun winc tic, to 'ixta', xnachj 'el yuj winac, mach jun 'ix tic tzyamn yoc. Xnachj pax 'el am yuj winac, tas yaj 'ix, yujto caw tu sb'eyb'al 'ix, xchi win yet' snab'en.

Mt 10:37

A mach yel xo niwn tzchamc'ojlej smam snun 'a wib'an̈, man̈ smojc eb' yoch wico'oc. An̈jtona', a mach yel xo wal niwn tzchamc'ojlej yunnal 'a wib'an̈, man̈ smojc yoch eb' wico'oc.

2 Co 5:14

A schamc'ojlal Cristo tz'a'n yajlil 'ayn̈ on̈. Yujto cojc on̈, 'ay jun xcham qui jelc qui masnil. Yuj cha, qui masnil 'icha to chamnc on̈c yet'oc.

Miqueas 7:19

'Oj 'o'ch a c'ojl 'ayn̈ jun 'ejm xo. A qui mul on̈, 'icha to 'oj a muccn 'ejm 'a yol lu'um. A qui maysch'olnilal on̈, 'icha to 'oj a julcn 'at 'a xab'l yich a mar.

Ez 16:63

'Oj wac' niwnc'ojlal 'a yuj tas sb'o cha, palta 'oj sna coti, man̈x 'a wal b'a'n̈ 'oj sb'an̈ sb'a, to an tzwala, xchi Dios, xa chi 'a yib'n̈ Jerusalén, xchi 'ayin.

Lc 7:46

May jac yan̈l in jolm xac' q'ue'i. Ax jun 'ix tic, 'ix stob'ch 'ix jun yal su'q'ui sjab' 'a woc tic.

Lc 7:48

Xlajw cha, xyaln 'ixtc 'a jun 'ix cha: —Tic xlajw can a mul, xchi 'a 'ix.