Lc 7:37 - Chuj San Sebastian Bible

³⁷ Palta 'ay jun 'ix 'aj chon̈b' cha, caw maysch'olnil sb'eyb'al. 'Ix yab'n 'ix to xc'och Jesús chi wac 'a yatut win fariseo cha. Yuj cha, 'ix c'och 'ix 'a 'a. Yet' 'ix jun q'uen limita alabastro sb'i, b'ut'n q'uen yet' jun yal su'q'ui sjab'.

Chuj San Mateo Bible

³⁷ Ay jun ix ay d'a chon̈ab' chi', ay specal to ajmul ix ix. Ix yab'an ix to ix c'och Jesús vael d'a spat vin̈ fariseo chi'. Yuj chi' ix c'och ix b'aj ay yoc Jesús, yed'nac jun alabastro ix, b'ud'an yuj jun yal suc'uq'ui sjab'.

Lc 7:37 Referans Kwoze

Lc 5:32

'Ixta waj an tic, a eb' wach' sb'eyb'al snani, toc 'ay tzin 'och yuj eb', palta yuj wawtn eb' tznachj 'el yu'uj to maysch'olnil sb'eyb'al, yuj cha, in jawi, xchi Jesús.

Mt 21:31

A ticnec, tzin c'anb'j 'ayex, ¿mach junc eb' 'unnab'il chi tzyiclni 'icha tznib'j smam cha? xchi Jesús 'a ewinac. —Atn win b'ab'l 'unn chi tzyiclni 'icha tznib'j smam cha, xchi ewinac. Yuj cha, xyaln pax Jesús 'ixtc 'a ewinac: —Wal yel tzwal 'ayex, toto 'ayx 'oj eyoch 'a yol sc'ab' Dios, a wal eb' tecm 'el tumin, yet' eb' 'ix 'ajmul 'ix, 'oj b'ab'l 'och eb' 'ayex.

A Sb'ab'el Carta San Pedro 4:18

An̈ec tojl xo qui nab'en, teb'il 'oj qui colchjec. Toto 'ixta 'oj cajc an̈ec tic, ¿ocxom wal eb' may yel'ch Dios 'a sat, yet' eb' maysch'olnil sb'eyb'al?

1 Ti 1:9

Nachj cab' 'el o'oj, man̈ yujoc eb' wach' sb'eyb'al, x'ajx can jun ley cha. Palta yuj eb' 'oj wal tic, 'ix 'ajx cani. Atn eb' tenmtac tzyutj sb'a 'a Dios, eb' man̈ yiclumoc 'a tas tzyala, eb' matz b'eylb'an 'icha tznib'ej, eb' maysch'olnil sb'eyb'al, eb' may yel'ch Dios 'a sat, eb' tzcomn b'uchwj 'a junc tas wach', eb' tzma' cham smam snun, yet' eb' milm cham 'anma',

Lc 18:13

Ax win tecm 'el tumn cha, najttac xcan lin̈n winac. Caw 'ix xiw winac. Toxn ma'ix q'ue q'ueln xon win jac 'a satcha'an̈. Caw man̈x oc yaj yilx win yuj scusc'ojlal. Xyaln win 'ixtic: Ach in Diosal, comnoc tz'o'ch wal a c'ojl 'ayin, to caw yel 'ajmul in si'mb'il, xchi win 'a Dios.

Lc 5:30

Palta ax ewin fariseo yet' jun tzo'n̈ xo spartido ewinac, atn ewin cuywjum 'a ley yic Moisés, tu xyal ewin 'a eb' scuywum Jesús. 'Ix yaln ewin 'ixtic: —¿Tas yuj junn̈j tzex wa yet' eb' tecm 'el tumin, yet' jun tzo'n̈ xo eb' maysch'olnil sb'eyb'al tic? xchi ewin 'a eb'.

Ro 5:8

Palta sch'oxjnac Dios schamc'ojlal 'ayn̈ec, yujto a Cristo ya'jnac cham sb'a qui jeloc, yic caw 'ajmul on̈c to.

Jn 11:2

A 'ix María cha, a 'ix sucjnac 'och yal su'q'ui sjab' 'a yoc Jesús, sucn tacjoc 'ix yet' xil sjolom. Ax win Lázaro cha, caw ya'ay.

1 Ti 1:15

'Ay jun tas 'oj wala', caw yel. Smoj tzqui chaj cab'i'. Wulnc 'ec' Cristo Jesús 'a yolyib'n̈q'uinl tic, yic wul scolnc 'el eb' 'ajmul. An tic, yel xo wal 'ec'b'al 'ajmul in 'a yib'n̈ smasnil 'anma'.

Jn 9:31

Cojquec, caw matz yab' Dios slesl eb' maysch'olnil sb'eyb'al. Cojn eb' tzyal sb'a 'a 'a, eb' tzyiclni tas tzyala, cojn eb' tzyab' yico'.

Jn 9:24

Xlajw cha, 'ix yawtn paxt ewin win 'ix jacw sat cha, 'ix yaln ewin 'ixtc 'a 'a: —Caw yel tzach paxtin 'a sat Dios. Yujto cojc on̈, caw 'ajmul jun winc tzal jacnc a sat cha, xchi ewin 'a 'a.

Lc 19:7

Ax 'ix yiln eb' 'anma jun cha, til wal tas xlaj yal eb' 'a spatquil Jesús, yujto xc'och 'a yatut jun win maysch'olnil sb'eyb'al, 'ix 'och wan ta'.

Lc 7:34

Xlajw cha, in jaw an 'Ochnc in 'Anmal tic, an xo tic, tzin 'ochn̈j wac 'a 'aj 'ay jun tzo'n̈ q'uin̈. Palta 'ayx tzeyal pax wu'uj: A Jesús cha, cojn wal snib'n wa sb'a, 'u'm 'an̈ paxi, caw swach'c'ojl sb'a yet' eb' tecm 'el tumin, yet' jun tzo'n̈ xo eb' maysch'olnil sb'eyb'al, xe chi wu'uj.

Lc 7:36

A 'a jun 'el, 'ay jun win fariseo 'ix 'awtn 'at Jesús wac 'a yatut. Xlajw sc'ochi, 'ix 'em wocn swa yet' win 'a smexa.