Lc 6:25 - Chuj San Sebastian Bible

²⁵ Ax xo b'utnn̈ej e c'ojl ticnec, caw 'oltac ex, yujto 'oj jawc jun tiempoal, caw 'oj 'och e wejel. Ax xo tzex tzewjn̈ej ticnec, caw 'oltac ex, yujto 'oj eyoc' yuj cusc'ojlal.

Chuj San Mateo Bible

²⁵ A ex b'ud'ann̈ej e c'ool ticnaic, te chuc eyico', yujto ol ja jun tiempoal ol te och e vejel. Ob'iltac ex, mach ex tzex tzevaji, ol ex oc' pax yuj cusc'olal.

Lc 6:25 Referans Kwoze

Is 65:13

Palta tzwal 'ayex, to a eb' in checab' 'ay tas 'oj sc'ux eb', ax xo tic, 'oj e cham yuj wejel. 'Ay tas 'oj yuc' eb', ax xo, 'oj e cham yuj tacn̈ti'al. 'Oj tzaljoc eb', ax xo, to 'oj e q'uixw can 'eli.

Santiago 4:9

'A'c 'och e b'a 'a cusc'ojlal. Ji'jmtac cab' eyoq'ui. 'O'n̈ec si'mb'il. 'Och cab' wan e tzewji, to tzex 'oq'ui. Meltzj cab' 'och e tzaljc'ojlal chi e cusc'ojlaloc.

Pr 14:13

Wach'xam 'ay tas ya tzcab'ec, palta tzon̈ tzewjec cab'i', yic matz qui ch'oxc 'eli. A 'a scal qui tzaljc'ojlalec, ata 'ay pax qui cusc'ojlalec.

Apoc 3:17

Yujto wan eyaln 'ixtic: An̈ec tic caw rico on̈c 'a sat Dios, caw wach'n̈ec. May jac qui paltailec, xcob' e chioc. Palta man̈ jac tznachj 'el eyu'uj, chajtlto may e ch'olnil, may jac eyel'chi. Yuj cha, 'icha junc mach caw may xon jac tas 'ay 'a 'a, matz uj yilni, jitn 'el paxi, 'ixta 'ex.

1 Ts 5:3

A 'a yic jun tiempoal cha, 'oj cob' yal eb' 'anma 'ixtic: An̈ec tic, caw wach' cajec, toc 'ay tas tzqui na'ec, 'oj schic cob' eb'. Palta yajn̈j wal cha, ax satx can 'ejm eb'. 'Icha tz'aj sjaw syailal junc 'ix tz'alj yune', 'ixta 'oj 'aj sjaw syailal eb' cha. Wal yel, may junc eb' 'oj colchjoc can 'el 'a jun syailal cha.

Ef 5:4

An̈jtona', matz tac' calnec jun tzo'n̈ q'uixweltac yalxi, yet' jun tzo'n̈ comn paxti'. Matz tac' ton̈j tzon̈ comn molamanec. Yujto a jun tzo'n̈ tic, caw man̈ smojc calnec. Yel xo wach' to tzca'c yuj diosal 'a Dios.

Lc 13:28

At wal ta 'oj eyoq'ui, caw 'oj juch'ch'oc eye eyab'n syail. Yujto 'oj eyila', ata 'ayc' Abraham, Isaac, Jacob, yet' smasnil eb' schecb' Dios, 'ayc' xo eb' 'a yol sc'ab'. Ax xo tic, 'oj e can 'a sti'.

Lc 12:20

Palta xyaln Dios 'ixtc 'a winac: Ach tic, caw may jac a nab'en. A 'a jun 'ac'wl tic ax a chami. Ax jantcn̈ej tas cob' molb'il o'oj, ¿machm 'oj 'ica'anoc? xchi 'a winac.

Lc 8:53

Palta ton̈j stzetzj eb', yujto yojc xon eb' to chamnc xo 'ix.

Nahúm 1:10

'Icha to caw 'u'm ex 'an̈. 'Oj e lajw 'ejm 'icha tz'aj stz'a 'ejm te q'uix caw jeltz'm yaji mto 'icha tzyac' yoc trigo.

Am 8:10

A e q'uin̈ tzlaj eya'chi, 'oj wac' meltzjoc 'och cusc'ojlal 'ayex. Ax e b'it tzlaj e b'itnoc, a 'oj 'ochcn 'oc'lal 'ayx yuj chamel. Axn̈ej pichl yic cusc'ojlal 'oj eya'chi, ax e joxn 'el xil e jolom, yuj e ch'oxn 'el e cusc'ojlal. 'Oj eyoc' 'icha junc mach tz'oc' yuj schamlil jun c'otc yunnal, caw man̈ wach'c 'oj 'aj slajw c'och smasnil.

Is 28:7

An̈jtona', 'ay jun tzo'n̈ xo eb' 'anma tztectn 'ec' yuj te 'an̈ cha, tzlaj sicb' 'el eb' yuj yowl te'; atn eb' ya'mal 'och sti eb' 'anma', yet' eb' tzyalch sb'a schecb'oc Dios. A yic 'u'm 'an̈ eb' cha, caw wal tzsomchj snab'en eb', yuj cha man̈xtzac tznachj 'el yuj eb' tas tzyal Dios, man̈ wach'c tzyutj eb' sb'on yaj eb' 'anma'.

Is 9:20

Teb'il xoj 'oj 'ilchjoc jac tas tzc'ux eb'. 'Ay eb' 'oj 'ilchjoc jac tas yu'uj, palta 'oj laj sto'lac 'ec' eb' 'a 'a. 'Oj sc'uxn̈j eb', palta ma'oj 'ec' swejl eb' yuj jac cha. 'Oj laj schi 'ejm eb' yunnal yuj wejel.

Is 8:21

'Oj tectnoc 'ec' jun tzo'n̈ 'anma chi yuj wejel. Yuj wejl cha, ax yowx 'och eb' 'a sreyal yet' 'a sDiosal. 'Ojt cob' q'ue q'ueln eb' 'a satcha'an̈,

Ec 7:6

A yic tzcab'nec sjaj eb' may snab'en stzewji, caw may jac yel'chi, lajn wal cab'nec 'icha yic tzpo'chj te q'uix stz'a yuj c'ac'.

Ec 7:3

Yel xo wach' to tzon̈ cusec, 'a yib'n̈ pax to tzon̈ tzewjec, yujto wach'xam cusltac yilx qui satec, palta tzb'o qui nab'enec yu'uj.

Ec 2:2

Ata xnachj 'el wu'uj, to a yic tzcob' qui saync 'ec' qui nib'b'en yic tzon̈ tzaljec calni, a jun cha man̈ nab'enal, caw may jac yel'chi.

Pr 30:9

Toto 'oj yac' sobra tas 'ayin, ax 'oj 'ajoc, 'oj a 'at am satc'ojlal wu'uj, ax walni to man̈ ach wojcoc. Toto may pax tas 'ay 'ayin, ax 'oj 'ajoc, 'elc'ln̈ej am 'oj weq'ui, ax yoch in mul 'aych ach in Diosal, xin chi 'a Dios.

Salmos 49:19

palta a yic 'oj c'och sc'ul scham eb', 'oj chamn̈j eb' 'icha 'ajn̈c scham eb' smam yichm eb'. Man̈x 'a b'a'n̈ 'oj yilx eb' sacq'uinl jun 'ejm xo.

A Ch'an̈ B'ab'el Libro Samuel 2:5

A eb' caw wal b'ut'n 'a yic yalan̈, ax ticnec tzchon̈ sb'a eb' majnil yic tz'ilchj jac tas tzc'uxu. A eb' 'ay swejel, ax ticnec, caw wal b'ut'n eb'. A 'ix 'ix man̈ 'unewumoc, ax ticnec 'ay ucwn̈ yune 'ix xyune'ej. A 'ix niwn xo yune', ax ticnec 'ix 'och wan 'ix yunewi.

Lc 6:24

Palta ax xo rico ex ticnec, caw 'oltac ex, yujto tox xeyil swach'l 'a tic.

Lc 6:26

A yic 'oj ex yal eb' 'anma wach'il, caw 'oltac ex, yujto 'ixta yutjnac eb' 'anma yaln wach'l eb' cob' yaljnac 'och sb'a schecb'oc Dios pecti'.