Lc 6:23 - Chuj San Sebastian Bible

²³ Tzaljan̈ec, 'ay cab' e tzaljc'ojlal si'mb'il, yujto caw niwn spac 'oj e cha 'a satcha'an̈. 'Icha tz'ajx 'och 'a eyib'n̈ ticnec, 'ixta 'ajxnac 'och 'a yib'n̈ eb' schecb' Dios pecti'.

Chuj San Mateo Bible

²³ Tzex te q'uechaan̈, tzex te tzalaji, yujto te nivan spac ol e cha d'a satchaan̈, yujto icha chi' utab'il eb' schecab' Dios d'a peca' yuj smam yicham eb' anima tic.

Lc 6:23 Referans Kwoze

Apoc 21:7

A eb' tz'a'n ganar ya'n techjoc, 'oj scha eb' smasnil jun tzo'n̈ tic smacloc 'ayin. Yujto an tic, sDiosal in eb', ax eb' wunnal eb', wisl eb'.

Apoc 3:12

A eb' 'oj 'a'nc ganar ya'n techjoc, 'icha jun tzo'n̈ yoyl yatut in Diosal 'a yojol, 'ixta 'oj 'aj eb' wu'uj, yujto man̈x 'a b'a'n̈ 'oj 'eltc eb' ta'. 'Oj in tz'ib'c 'och sb'i in Diosal 'a eb', yet' sb'i schon̈ab', atn jun 'ac' Jerusalén 'oj 'emtc 'a satcha'an̈, 'a 'aj 'ayc' in Diosal cha. An̈jtona', 'oj in tz'ib'c pax 'och jun b'i 'a't 'a eb'.

Apoc 3:5

A eb' 'oj 'a'nc ganar ya'n techjoc, 'oj 'ajxc 'och junjn spichl eb' caw sac. Ma'oj in suc sat sb'i eb' 'a ch'an̈ libro yic q'uinl 'a jun 'ejmn̈ej. 'Oj wal yuj eb' 'a sat in Mam, yet' 'a sat eb' yángel, chajtlto wic eb'.

A Tas Sc'ulejnac Eb' Schecab' Jesús Hechos 5:41

Yuj cha, 'ix 'elt eb' schecb' Jesús chi 'a yojltac ewin sat yajl cha. Caw 'ix tzalj eb', yujto yujn̈ej Jesús, 'ix yab' eb' syal 'icha tznib'j Dios.

Mt 5:12

Tzaljan̈c si'mb'il, yujto caw niwn spac 'oj e cha 'a satcha'an̈. 'Icha tz'ajx 'och 'a eyib'n̈ ticnec, 'ixta 'ajxnac 'och 'a yib'n̈ eb' schecb' Dios 'a pecti'.

Apoc 2:26

A eb' 'oj 'a'nc ganar ya'n techjoc, eb' an̈ja tzb'on 'icha tzin nib'ej masnto chamel, atn eb' 'oj wa'ch yopiso yajlilal 'a jun tzo'n̈ nacion̈.

Apoc 2:17

Jantcn̈ej eb' tz'ab'ni, ya' cab' 'och eb' schicn 'a tas tzyal Espíritu 'a junjn iglesia. A eb' 'oj 'a'nc ganar ya'n techjoc, 'oj wac' swa eb' jun maná c'ub'b'il 'eli. 'Oj wac' pax junjn q'uen caw sac 'a eb'. Ax 'a junjn q'uen cha, tz'ib'b'il 'och jun 'ac' b'i may mach 'ojtnac. Cojn eb' 'oj chanc yico', a eb' 'oj 'ojcanc 'el jun cha, xchi.

Apoc 2:7

Jantcn̈ej eb' tz'ab'ni, ya' cab' 'och eb' schicn 'a tas tzyal Espíritu 'a junjn iglesia. A eb' 'oj 'a'nc ganar ya'n techjoc, 'oj wac' slo eb' sat jun te te yic q'uinl 'a jun 'ejmn̈ej. A jun te cha, 'ayc' 'a jun paraíso yic Dios, xchi 'ayin.

A Sb'ab'el Carta San Pedro 4:13

Palta caw tzalj coyec, yujto junxn̈ej tzon̈ 'ajc cab'n syal yet' Cristo. Toto 'ixta tzcutjec qui b'a, a yic 'oj quilnec sjaw Cristo 'a scal stzictznial, caw 'oj wach' 'ajxc qui tzaljc'ojlalec.

Santiago 1:2

Ex wu'tac, ex wanab', a yic tzjaw jun tzo'n̈ tzann̈j prowalil 'ayex, caw tzaljan̈c si'mb'il.

A Tas Sc'ulejnac Eb' Schecab' Jesús Hechos 3:8

'Ix q'ue lin̈njoc, 'ix syamn 'och win sb'eyi. 'Ix 'och win 'a yamq'uil yatut Dios yet' eb'. Xq'ue b'atnjoc win sb'eyi, xyaln win swach' paxti 'a Dios.

2 Cr 36:16

Palta ton̈j 'ix tzetzx eb' schecb' Dios chi yuj eb', may yel'ch tas 'ix yal eb' chi 'a sat eb', tzb'uchwj pax eb' 'a eb' schecb' Dios cha, masnto xjaw yowl sc'ojl Jehová 'a yib'n̈ schon̈ab', man̈xtzac stac' yoch wa'an.

A Ch'an̈ Schab'l Libro Samuel 6:16

A yic xjaw te scaxail strato Jehová chi 'a yol schon̈b' David, c'uxn wal q'ueln 'elt 'ix Mical 'ix yisl win Saúl 'a swentnual yatut, ax xyilni to a win rey David, caw wal tzb'atj chan̈ yuj tzaljc'ojlal 'a yojltac Jehová; yuj cha, schab'c'ojlan 'el 'ix win 'a spixan.

A Ch'an̈ Carta D'a Eb' Hebreo 11:26

'Ix snan paxi, to wach' tzyab' syal sb'uchx yuj Cristo, atn jun 'oj jawoc, palta caw wach' yico'. Jantcn̈ej jun tzo'n̈ ricoal yic Egipto cha, may yel'ch 'a sat, yujto ya'jnac 'at snab'en 'a jun spac 'oj yac' Dios 'a 'a.

A Ch'an̈ Carta D'a Eb' Hebreo 11:6

Toto matz ca'c 'och Dios 'a qui c'ojol, toxn matz tac' stzalj quet'ec. Yujto a eb' tzjaw 'a Dios, yowlal tzya'ch eb' 'a sc'ojol, to 'ay Dios cha. Tzya'n pax 'och eb' 'a sc'ojol, chajtlto a tz'a'n spac 'a eb' tznib'j c'och sb'a 'a 'a.

2 Ti 2:12

Toto tzca' techjoc syal yet'oc, 'oj coch yajlil yet'oc. Toto 'ayn̈ tzcala, to man̈ on̈ yico'oc, ax yaln paxi, to man̈ on̈ yico'oc jun xo.

A Scarta San Pablo D'a Eb' Aj Colosas 1:24

A ticnec, 'ayn 'och 'a yailal e mul eyujoc. Palta tzin tzaljn̈ej paxi. Yujto a yic tzwab'n syal yet' in niwnal tic, 'icha to tzin tz'acb'tzej syailal Cristo jac xo. A 'ix 'ab'n syal cuj an̈ yiglesia on̈c tic, yujto 'icha to sniwnal cajec.

2 Co 12:10

Yuj cha, tzin tzalj ticnec, yujto may wel'chi. Wach'xam tzin b'uchxi, mto caw 'ay tas 'ay tz'och wu'uj. Toxn̈ej tz'ajx 'och yailal 'a wib'an̈, wach' cab' tzwab' syal yuj Cristo, palta caw tzin tzaljn̈ej. Yujto a yic may jac wel'chi, at wal ta caw tz'ajx in poder.

Ro 5:3

Man̈ yujocn̈ej cha, tzon̈ tzaljec, tzon̈ tzaljec paxi, yic tzcab'nec syal yu'uj. Yujto cojquec to a jun tzo'n̈ yailal cha, a tzwach' 'a'n qui te'nalec.

A Tas Sc'ulejnac Eb' Schecab' Jesús Hechos 14:10

Yuj cha, caw 'ip xyutj yaln 'a win 'ixtic: —Q'uen̈ wa'an, tojl tzach 'aj chan̈ lin̈an, xchi. Yajn̈j wal cha, 'ix q'ue wan lin̈njoc winac. 'Ix syamn 'och win sb'eyq'ui.

Lc 6:35

Palta ax xo tic, chamc'ojlejc eb' 'ajc'ojl yajch 'ayex. Wach'n̈j cab' tzeyutj e b'a. A yic tzeya'n junc tas majnil, man̈ e na', toto 'oj e chaxi. Toto 'ixta tzeyutj e b'a, caw niwn spac 'oj e cha'. Ax scheclj 'eli, to yunnal ex xo Dios, atn jun yel xo niwn yel'chi. 'In tzch'ox swach'c'ojlal pax 'a eb' maysch'olnil.

Lc 1:44

Yicn̈ej xwab'n a paxtin a jaw 'ayin, 'ix 'ib'x chan̈ jun 'unn tic 'a yol in c'ojol. Coyn to caw stzalj xwab'i.

Lc 1:41

Ax 'ix Elisabet cha, caw x'ib'x jun 'unn chi 'a yol sc'ojol, yic xyab'n 'ix spaxtin María cha. Caw 'ix wach' 'och Yespíritu Dios 'a 'ix.

Jeremías 2:30

Nab'axoj tzwa'ch yailal 'a eyib'an̈, 'in matz yal e c'ojl tze chaj eyab' jun cuynb'il waljnac 'ayex. Lajn ex wal 'icha junc no león caw ow, e tzu'jnac cham eb' in checab'.

Is 35:6

A eb' tz'em sb'eyi, 'oj b'atjoc chan̈ eb' sb'ey 'icha no c'ultquil chej, yet' eb' matz uj xon spaxtini, 'oj b'itnc chan̈ eb' yuj tzaljc'ojlal. Ax 'a lum cusltac lu'um, yet' 'a lum caw tacn̈ sat, til wal a a 'oj q'uelc pulnjoc spac' 'a eb' lu'um.

Nehemías 9:26

Palta caw stzuntzj cot eb' yowl a c'ojol, caw pit 'ix yutj sb'a eb' 'ayach, 'ix spatquilj can 'el eb' a ley. Caw 'ix tenx 'och wan eb' yuj eb' a checab', sec tzjel eb' sb'eyb'al 'ayach; yuj cha, 'ix milx cham eb' a checb' yuj eb', caw niwquil smul eb' xya'chi, yajb'entac xyutj sb'a eb'.

A Ch'an̈ Schab'il Libro Yic Yab'ixal Eb' Rey 6:31

Xlajw cha, 'ix yaln win 'ixtic: ¡Cotcn cab' yowl sc'ojl Dios 'a wib'an̈, toto matz wac' 'ijxoc 'el sjolm Eliseo, yunnal Safat 'a jun c'u tic! xchi win rey cha.

A Ch'an̈ B'ab'el Libro Yic Yab'ixal Eb' Rey 22:27

Tzeyaln 'ixtc 'a winac: A win rey 'ix alni to tz'och jun winc tic 'a preso, man̈ niwnoc tas tz'ajx sc'uxu', jab' wal jac wal tz'ajx 'a 'a. 'Ixta pax tas tzyuq'uej, masnto tzin meltzj pax 'a tzaljc'ojlal 'a owl cha, xchi win rey, xe chi, xchi win rey chi 'a eb' schecb' cha.

A Ch'an̈ B'ab'el Libro Yic Yab'ixal Eb' Rey 22:8

Ax win sreyl Israel cha, 'ix yaln 'ixtc 'a win Josafat: —'Ay jun win 'aj wach' qui c'anb'ni, tas xchi Jehová 'a quib'an̈. Atn win Micaías, win yunnal Imla. Palta an tic, matz in nib'j tzwil winac, yujto may xon 'aj tzyal win wab' jac tas wach', cojn tas tu tzyal win 'a wib'an̈, xchi winac. 'Ix ta'w win Josafat 'ixtc 'a winac: —Ach rey, man̈ al 'ixta', xchi.

A Ch'an̈ B'ab'el Libro Yic Yab'ixal Eb' Rey 21:20

'Ix yaln win Acab 'ixtc 'a Elías cha: —Ach 'ajc'ojol, a ticnec in 'ilchj pax o'oj, xchi Acab. —Xyaln Elías chi 'ixtc 'a winac: Ach 'ilchj ton b'i'an, yujto yel xo wal xa te'wtzej a b'a a tas tu 'ix a b'o 'a sat Jehová.

A Ch'an̈ B'ab'el Libro Yic Yab'ixal Eb' Rey 19:14

Xta'w Elías chi 'ixtc 'a 'a: Mamin Jehová, yajl ach 'a yib'n̈ smasnil, caw wal xcot yowl in c'ojl yuj tas tzach yutj eb' wit israelal. 'Ix spatquilj can 'el eb' a trato, 'ix laj sma'nc lan̈chjoc eb' yet'l xajmb'al to ec yaji, 'ix laj stzu'nc cham ewin eb' a checab'. Cojxn in cannc in 'a scal eb', ax ticnec, to tzin sayx 'eq'ui, yic tzin smiln cham eb', xchi.

A Ch'an̈ B'ab'el Libro Yic Yab'ixal Eb' Rey 19:10

'Ix ta'w Elías chi 'ixtc 'a 'a: Mamin Jehová, yajl ach 'a yib'n̈ smasnil, caw wal xcot yowl in c'ojl yuj tas tzach yutj eb' wit israelal. 'Ix spatquilj can 'el eb' a trato, 'ix laj sma'n lan̈chjoc eb' yet'l xajmb'al to ec yaji, 'ix laj stzu'nc cham eb' ewin a checab'. Cojxn in cannc in 'a scal eb', ax ticnec, to tzin sayx 'ec' yuj eb', yic tzin smiln cham eb', xchi.

A Ch'an̈ B'ab'el Libro Yic Yab'ixal Eb' Rey 19:2

Yuj cha, 'ix schecn 'at 'ix Jezabel jun schecb' 'a Elías yic tz'at ya'nc 'ix alxc 'a 'ixtic: A cab' eb' in diosal tz'a'n cot yailal 'a wib'an̈, toto mantzac ach cham wuj yab'n 'icha hora tic q'uic'an, 'icha 'ix otj a miln ewin schecb' in diosal cha, xchi 'ix.

Salmos 58:11

'Ixta to b'i'an ax yalx 'ixtic: Caw wal wach' yic eb' te'n xyutj sb'a sb'on tojlal. Caw yel 'ay jun Dios tzb'eyc'ojlan yolyib'n̈q'uinl tic, 'oj schioc.

Malaquías 4:1

A Jehová tztac' yuj smasnil, a tzaln 'ixtic: Wan sjaw jun c'u yic 'oj wa'nc yowl in c'ojol, yic 'oj wa'nc satxoc 'el smasnil eb' b'uchwjum, yet' eb' tzb'on maysch'olnil, man̈x 'a junc eb' 'oj canoc. 'Icha wal tz'aj stz'a 'ejm te 'ac 'a yol junc jorna, 'ixta wal 'oj 'aj eb'.