Lc 5:7 - Chuj San Sebastian Bible

⁷ Yuj cha, 'ix ya'n eb' sc'ab' 'a jun tzo'n̈ ewin yitb'eym 'a junx te barco cha, sec tzcot eb' colwjoc yet' eb'. Ax yic xjaw eb', til wal no chay chi xq'ueta, caw xb'ut'j te barco chi schab'l yuj no'. 'Ijn wal tz'ejm te 'a yojl a yuj yal-l no'.

Chuj San Mateo Bible

⁷ Ix sb'echc'ab'ancot juntzan̈xo eb' yetb'eyum eb' d'a junxo barco yic tz'och eb' yed' eb'. Ix javi eb', ix b'ud'ji chab' te' barco chi'. Ijan ix b'at te' d'a yol a' yuj yalil noc'.

Lc 5:7 Referans Kwoze

A Scarta San Pablo D'a Eb' Aj Filipos 4:3

Ach xo wu'tac, yel quit munljumal qui b'a. Yuj cha, tzin tew 'at 'ayach, caw tzach colwj a b'onyaj jac eb' canb' chi ta', yujto a eb' cha, caw te'n yutjnac sb'a eb' smunlj wet'oc, yic 'ec' walnc 'el wach' 'ab'x yic colnb'il. An̈jtona', 'ix munlj pax Clemente wet'oc, yet' jun tzo'n̈ xo eb'. A eb' cha, tz'ib'b'ilx sb'i eb' 'a jun ch'an̈ libro 'aj 'ay qui b'i an̈ec 'ay qui q'uinl 'a jun 'ejmn̈ej.

Gl 6:2

Caw tzlaj e coltc e b'a, sec 'oj laj techjoc syal eyuj e masnil. Toto 'ixta', wan eyiclni sley Cristo smasnil.

A Tas Sc'ulejnac Eb' Schecab' Jesús Hechos 11:25

Xlajw cha, 'ix 'at Bernabé 'a chon̈b' Tarso, xit' saync 'ec' Saulo ta'. Yic 'ix 'ilchj yu'uj, 'ix yi'n cot 'a chon̈b' Antioquía cha.

Pr 18:24

'Ay eb' caw niwn eb' swach'c'ojl yalni, ax yic tzjaw yailal 'a yib'n̈ eb', toc 'ay mach tzcoln eb'; palta 'ay pax eb' 'ay swach'c'ojol, yel xo wach' eb' 'a yib'n̈ eb' to yu'tac sb'a yet' eb'.

Ex 23:5

Yowlal tzex colwj 'a eb' tzchichn 'och 'ayex. Q'uinloc tzeyil stelw sb'uru junc eb' 'a yaln̈ yicatz, yowlal tzex colwj eyi'n chan̈ no yet'oc.

Mr 4:36

Yuj cha, 'ix yactn can eb' jun tzo'n̈ eb' 'anma 'ayc' 'a sti a cha. 'ix 'och eb' 'a yol te barco 'aj 'aych xon Jesús, 'ix 'at eb'. 'Ix 'at pax jun tzo'n̈ xo barco yet' eb'.

Lc 5:6

Ax yic xya'n 'ejm eb' schim cha, man̈x jantcoc no chay 'ix yamchji. Ax schim eb' cha, xlaj n̈i'chj yol sat.

Lc 5:8

Yic 'ix yiln Simón Pedro jun cha, 'ix 'em cumn 'a yojltac Jesús, 'ix yaln 'ixtic: —Mamin, mamtzac ej 'el a b'a 'a in tz'ey, yujto an tic caw 'ajmul in, xchi.