Lc 5:5 - Chuj San Sebastian Bible

⁵ —Ach in Cuymal, jun 'ac'wl xcob' ca'lc qui yamn no q'uiq'ui, toxn may junc no xquij on̈. Palta yujn̈ej to ach tzala, 'oj 'at wac' 'ejm in yamlab' chay tic jun 'ejm xo, xchi Simón cha.

Chuj San Mateo Bible

⁵ —Ach co C'ayb'umal, jun ac'val ix cac'lej co yaman noc' q'uiq'ui, malaj val junoc noc' ix quic'a'. Palta yujn̈ej to a ach tzala', ol b'at caq'uem co chimpa tic junelxo, xchi vin̈aj Simón chi' d'ay.

Lc 5:5 Referans Kwoze

Jn 2:5

Palta 'ix yaln snun chi 'ixtc 'a eb' tz'a'w servil cha: —Jantcn̈ej tas 'oj yal Jesús 'ayex, tze b'on̈ej, xchi 'a eb'.

Jn 15:14

Ax tic, toto tzeyiclj jun tzo'n̈ in checnb'il, to 'ixta', in wach'c'ojl ex.

Jn 21:3

Ax Simón Pedro 'ix aln 'a eb' 'ixtic: —To 'oj in 'at yamj chay, xchi 'a eb'. —'At con̈ et' 'on̈, xchi eb' 'a 'a. Yuj cha, x'at eb'. 'Ix 'och eb' 'a yol jun barco. Palta a 'a jun 'ac'wl cha, toxn may junc no chay chi xyamchj yuj eb'.

Lc 8:24

Yuj cha, spitzn 'el eb' swayn̈ Jesús, 'ix yaln eb' 'ixtc 'a 'a: —¡Mamin, ach qui Cuymal on̈, 'ilto! ¡Wal qui 'atc 'a yich a tic! xchi eb'. 'Ix q'ue wan Jesús, stenn 'och wan jun 'ic' chi yet' a mar. 'Ix 'och wa'an, caw sictac x'aj smasnil.

Lc 17:13

Tonj x'awj 'at ewin 'ixtc 'a 'a: —Mamin, comnoc tz'o'ch a c'ojl 'ayn̈ on̈, xchi ewinac.

Lc 9:33

Ax yic wan 'ijn s'atx eb' chawn̈ cha, 'ix yaln Pedro 'ixtc 'a Jesús: —Ach in Cuymal, caw wal wach' yujto 'ayn̈ec 'ec' 'a tic. Tecn wach' tzqui b'o 'oxe'oc pat on̈, junc eco', junc yic Moisés, yet' junc yic Elías, xchi 'a 'a. Palta a Pedro man̈ yojcoc tas wan yalni.

Lc 9:49

Ax Juan 'ix aln 'a Jesús 'ixtic: —Ach in Cuymal, 'ay jun winc xquil on̈ wan yi'n 'el win ewin demonio 'a eb' 'anma'. Palta xqui tench wan win on̈, yujto man̈ junn̈joc tz'ec' win quet'ec, xchi 'a 'a.

Ez 47:10

Til wal eb' yamn chay 'oj jawc 'a sti a mar 'a En-gadi masnto 'oj c'och eb' 'a En-eglaim, ax laj ya'nc eb' tacjoc schim 'a sti a cha. Til wal 'oj 'aj no chay 'a yojl a', 'icha e no 'ay 'a yojl a Mar Mediterráneo.

Lc 8:45

Ax Jesús, 'ix sc'anb'n 'ixtc 'a eb' 'anma cha: —¿Mach jun stzaych sc'ab' 'ayin? xchi. Palta xyaln eb' smasnil, to may eb' stzaych sc'ab' 'a 'a. Ax Pedro yet' jun tzo'n̈ eb' yit cuywumal, 'ix yaln eb' 'ixtc 'a 'a: —Ach qui Cuymal, caw sin̈n̈i ajcn 'a scal eb' 'anma', yic tzon̈ b'eyi. Til wal eb' tzlaj stench sb'a 'ayach, tzlajw cha, tza c'anb'ni: ¿Mach stzaych sc'ab' 'ayin? xa chi, xchi eb' 'a 'a.