Lc 5:21 - Chuj San Sebastian Bible

²¹ Ax ewin cuywjum 'a ley yic Moisés yet' ewin fariseo, 'ix snan ewin 'ixtic: ¿'Aj wal xyij cot sb'a winac, yuj chi tzb'uchwj win 'a Dios? Toc 'ay xon junc mach tztac' ya'n lajwc qui mul, cojxn Dios, xchi ewinac.

Chuj San Mateo Bible

²¹ Yuj chi', axo eb' c'ayb'um d'a ley Moisés yed' eb' fariseo, ix och ijan eb' snaub'tan̈ani: ¿Tas yaj jun vin̈ tic? Van sb'uchvaj vin̈ d'a Dios. Malaj junoc mach syal yac'an lajvoc mul, an̈ej Dios, xchi eb' d'a spensar.

Lc 5:21 Referans Kwoze

Is 43:25

Palta an tic, yuj swach'l in nab'en, yuj cha, tzin sucsat e maysch'olnilal, man̈x 'a b'a'n̈ 'oj in na cot e mul cha.

Jn 10:33

—Man̈ yujoc junc wach' xa b'o'o, tzach qui nib'n qui jul cham on̈, palta yujn̈ej to tzach b'uchwj 'a Dios. Ach tic, comn 'anma ach, palta 'in tzalch a b'a Diosal, xchi eb'.

Lc 7:49

Ax jun tzo'n̈ xo eb' wocn 'ejm yet' ta', xlaj yal-lanc eb' 'ixtic: —¿Mach laj wal jun winc tic? 'In tzte'wtzej sb'a ya'n lajwc smul 'ix, xchi eb'.

Mt 26:65

Yic 'ix yab'n win yajl chi jun tzo'n̈ cha, caw 'ix stziljat win spichl scot yowal, 'ix yaln win 'ixtc 'a ewin yit yajlil cha: —A jun winc tic, caw tzb'uchwj 'a Dios, man̈x 'a yopiso eb' testigo yujto tzcab'c sb'uchwj 'a Dios.

Salmos 32:5

Mamin Jehová, 'ix wojquej 'eli to x'och in mul 'ayach. 'Ix yaln in c'ojl waln q'uet in mul cha, may tas xin c'ub'j can 'eli. Ach xo, 'ix ac' lajwc in mul chi 'a wib'an̈.

Ro 8:33

An̈ec sic'b'iln̈ec 'el yuj Dios, may xon junc mach tztac' on̈ ya'nec queja 'a 'a. Atn Dios tzalni to wach'n̈ec 'a sat.

Dn 9:19

Mamin, ach Cajlil, 'ab' wal tas tzwal 'ayach. 'A'n̈ niwnc'ojlal yuj qui mul on̈, pactzej tas tzwal 'aych Mamin, colwjan̈ quet' on̈. Caw wal b'inab'ilch Mamin, man̈ e'c tiempo on̈ a colni, yujto caw 'ojcab'il to ec on̈ an̈ 'aj Jerusalén on̈ tic, xin chi 'a in lesal.

Dn 9:9

Palta ach tic, qui Diosal ach on̈, caw tz'o'ch a c'ojol, 'ay pax a niwnc'ojlal, wach'xam an̈ tic on̈, cojn tenmtacl tzqui b'o 'a ojltac on̈.

Is 44:22

An 'ix wac' satl e maysch'olnilal yet' e mul, 'icha tz'aj satchan̈ xob' lum lu'um. Meltzjan̈c pax cot 'ayin, yujto 'oj ex wa'l 'a libre, xchi Dios.

Is 1:18

Xlajw cha, xyaln pax Jehová 'ixtic: An Jehová in, an tzwala. Cotn̈ec, b'ocyaj e b'a. Wach'xam a 'e mul caw wal tu eyilx yu'uj, palta 'oj ex in b'icli, ax e sacb' can 'icha yilx q'uen sacb'acum. Toxn̈ej lajn eyilx yuj e mul chi 'icha junc te q'uic'mucnac nip matz 'el yan̈il, palta 'oj ex wac' b'icxc 'eli, ax e sacb' can 'icha yilx sac lana.

Salmos 130:4

Ocxo jun, caw wal 'ay a niwnc'ojlal 'ayn̈ on̈, yuj cha, smoj wal 'ay el'ch 'a qui sat on̈.

Salmos 103:3

Yujto tzyac' niwnc'ojlal smasnil in mul, tzya'n b'oxc in c'ojol yic 'ay in yailal.

Lc 5:17

Ax 'a jun c'u, 'ix cuywj Jesús 'a eb' 'anma'. Wocn 'ejm jun tzo'n̈ ewin fariseo ta', yet' jun tzo'n̈ ewin cuywjum 'a ley yic Moisés. Xcot ewin 'a junjn chon̈b' 'a yol yic Galilea, yet' 'a Judea. 'Ay pax ewin xcot 'a Jerusalén. Ax Jesús, caw xcheclj 'el spoder Dios 'a 'a, yic 'ix ya'n b'oxc sc'ojl eb' ya'ay.

Mt 9:3

Palta 'ay jaywn̈ ewin cuywjum 'a ley yic Moisés 'ayc' ta'. 'Ix snan ewin 'ixtic: A jun winc tic, ton̈j tzb'uchwj 'a Dios, xchi ewinac.

Miqueas 7:19

'Oj 'o'ch a c'ojl 'ayn̈ jun 'ejm xo. A qui mul on̈, 'icha to 'oj a muccn 'ejm 'a yol lu'um. A qui maysch'olnilal on̈, 'icha to 'oj a julcn 'at 'a xab'l yich a mar.

Salmos 35:5

Pechx cab' 'at eb' yuj jun a sat ángel. Lajn cab' tz'aj eb' 'icha solcal 'ixm trigo tz'ijx 'at yuj 'ic'.

Lc 3:8

Toto tze na e b'a yuj e mul, yowlal wach' tzeyutj e b'eyb'al, sec tzcheclj 'eli chajtlto caw yel. Man̈ laj eyal 'ixtic: May pena, an̈ tic yin̈tl on̈ can Abraham, man̈ xe chioc, yujto an tzwal 'ayex, toto tzyal sc'ojl Dios, tztac' tz'och jun tzo'n̈ q'uen q'uen tic yin̈tloc Abraham chi e jeloc.

Lc 5:22

Palta ax Jesús, yojtac tas wan snan ewinac, yuj cha, xyaln 'ixtic: —¿Tas yuj wan e nan jun tzo'n̈ tic 'ixtic?