Lc 5:19 - Chuj San Sebastian Bible

¹⁹ Palta matz tac' yoch eb' yet' winac, yujto caw sin̈n̈i yajch eb' 'ama 'a yol jun n̈a cha. Yuj cha, xq'ue eb' 'a span̈nil yib'n̈ n̈a, 'ix yoln eb'. Xlajw cha, xya'n 'ejm t'un̈noc eb' win yet' swaynub' 'a scal eb' 'anma cha, 'ix 'ejm win 'a yojltac Jesús.

Chuj San Mateo Bible

¹⁹ Palta maj ilchajlaj yuj eb' vin̈ b'aj tz'ochi yujto te vitz'an yuj eb' anima. Yuj chi' ix q'ue eb' vin̈ d'a span̈anil yib'an̈ jun pat chi', ix yolan yib'an̈ pat chi' eb' vin̈, ix yac'anemta vin̈ penaay chi' eb' vin̈ yed' svaynub' d'a scal eb' anima d'a yichan̈ Jesús chi'.

Lc 5:19 Referans Kwoze

Mr 2:4

Palta matz tac' yochch eb' 'a 'aj 'ayq'ui, yujto til wal 'anma'. Yuj cha, xq'ue eb' 'a span̈nil yib'n̈ jun n̈a cha, axta xyol eb' jun oln 'a stojlal 'aj 'ayc' Jesús. Xlajw cha, xya'n 'emt t'un̈n̈oc eb' win sicb'nac 'el chi yet' swaynub', 'ix 'eml 'a sat lu'um.

Mt 10:27

A jun tzo'n̈ tas tzwal 'ayx 'a c'ultaquil, c'uxn tzeyal-l 'a eb' 'anma'. Yet' jun tzo'n̈ xo tas tzlaj in c'ultac alc 'a e chiquin, c'uxn tzlaj eyal-l 'a yoltc caye.

Dt 22:8

Toto 'ayx tze b'o junc eyatut pan̈n tz'aj yib'an̈, yowlal tzeya'ch smuroal sti 'eli, sec may junc eb' tz'ajx 'och 'a eyib'an̈, toq'ue 'ay junc 'anma tztelwi, mto tzchami.

Mt 24:17

A eb' 'ay q'ue 'a span̈nil yib'n̈ yatut, yic tz'em paxt eb', man̈x cab' 'och eb' yic' 'elt junc tas 'a yol yatut cha, yic tz'at eb' 'eloc.

Jeremías 19:13

Smasnil n̈a 'a Jerusalén tic, yet' sdespacho eb' sreyl Judá, yet' pax span̈nil yib'n̈ n̈a 'a 'aj tz'ajx tz'a incienso 'a smasnil jun tzo'n̈ c'anal 'ay 'a satcha'an̈, yet' 'a 'aj tzeyac' 'ejm yal uva tzeyac' ofrendail 'a jun tzo'n̈ chuc diosal. Smasnil jun tzo'n̈ cha, yajb'entac 'oj 'ajcni, lajn 'oj 'ajcn 'icha Tofet, xchi Dios.

A Ch'an̈ Schab'l Libro Samuel 11:2

Ax x'aji 'ay jun yemc'ual, 'ix q'ue wan David chi 'a sat sch'at, 'ix q'ue 'a span̈nil yib'n̈ sdespacho b'eyc'oc. Axta 'ix yil sb'a 'a jun 'ix 'ix wan yachni yic tzsacb'tzan sb'a 'ix. Caw wal wach' yilx 'ix. Yajn̈j cha, 'ix ya'n David c'anb'xoc mach jun 'ix cha. 'Ix alx 'a 'a, to a 'ix Betsabé yisl win Eliam, 'ix yistzil win Urías hitita. 'Ix ya'n 'at David chi schecb' 'a 'ix yic tzcot 'ix ta'wc 'a winac. Ax yic xjaw 'ix, xway win yet' 'ix. 'Ix paxx 'ix 'a yatut.

A Ch'an̈ B'ab'el Libro Samuel 9:25

Ax yic x'emx wul eb' 'a lum tzaln cha, 'ix 'och eb' 'a yol chon̈b' cha. 'Ix paxtin Samuel yet' Saúl 'a span̈nil yib'n̈ yatut.