Lc 5:14 - Chuj San Sebastian Bible

¹⁴ Xlajw cha, xyaln Jesús 'a win 'ixtic: —'Ayt 'aj xal-l jun tic, palta 'ixic, 'at ch'ox a b'a 'a win ya'mal 'och qui ti 'a Dios. 'At 'ac' junc a ofrenda 'a Dios, 'icha yaj yaln can Moisés, sec man̈x a paltail 'a sat ley, 'ixta 'oj 'aj scheclj 'eli, chajtlto ach b'ox cani, xchi Jesús 'a winac.

Chuj San Mateo Bible

¹⁴ Ix lajvi chi', ix cham val yalan d'a vin̈: —Ayta b'aj tzal jun tic. Palta ixic, b'at ch'ox a b'a d'a vin̈ sacerdote. B'at ac'an jun silab' d'a Dios, icha yalnaccan vin̈aj Moisés, yic tz'ilji to ach b'oxi, xchi Jesús chi' d'a vin̈.

Lc 5:14 Referans Kwoze

Lc 17:14

Yic xyiln Jesús ewinac, xyaln 'ixtic: —'Ixquec, 'at ch'oxc e b'a 'a eb' ya'mal 'och qui ti 'a Dios, xchi 'a ewinac. Axn wan sb'ey ewinac, xb'ox sc'ojl ewin smasnil.

Mt 8:4

Xlajw cha, xyaln pax 'a winac: —'Ab'i, 'ayt 'aj xal-l jun tic. Palta 'ixic, 'at ch'ox a b'a 'a win ya'mal 'och qui ti 'a Dios. 'At 'ac' junc a ofrenda 'a Dios, 'icha yaj yaln can Moisés. 'Ixta 'oj 'aj scheclj 'eli, chajtlto ach b'ox cani, xchi Jesús 'a winac.

Mr 1:44

—'Ab'i, 'ayt 'aj xal-l jun tic, 'ixic, 'at ch'ox a b'a 'a win ya'mal 'och qui ti 'a Dios, 'at 'ac' junc a ofrenda 'a Dios, 'icha yaj yaln can Moisés, sec man̈x 'a a paltail 'a sat ley. 'Ixta 'oj 'aj scheclj 'eli, chajtlto ach b'ox cani, xchi 'a winac:

Mt 12:16

'Ix yaln 'ixtc 'a eb': —May junc mach 'aj tzeyala mach in, xchi.

Mt 9:30

'Ixta to b'i'an, xjacw sat eb'. Tztac' xo yiln eb'. Yuj cha, xcham wal yaln 'ixtc 'a eb': —'Ab'ec, may junc mach 'aj tztac' eyaln jun tic, xchi.

Lv 13:2

Toto 'ay junc 'anma tzmal chan̈ sniwnal, mto tzq'ue pochn̈joc yalil, mto c'on yab'il tzq'ue 'a 'a, mto tzchacb' chan̈ yu'uj, toq'ue lepra jun yab'il cha. Yowlal tz'ijx cot 'a Aarón, mto 'a jun tzo'n̈ xo eb' ya'mal 'och sti eb' 'anma', atn eb' yin̈tl Aarón.

Lc 9:5

Toto 'ay eb' matz ex chani, tzex 'elx 'a jun schon̈b' eb' cha. Tze ma'cn 'el spoccal eyoc, tzex 'atxi, yic tze tzch'oxn 'eli, to man̈x 'a eyaln eyic 'a eb', xchi Jesús 'a eb'.

Mr 6:11

Toto 'ay 'aj matz ex schaj eb' 'anma cha, toto matz nib'j eb' tzyab'i, tzex 'el 'a jun lugar cha. Tze ma'cn 'el spoccal eyoc, yic tze ch'oxn 'eli, to man̈x 'a eyaln eyic 'a eb'. [Wal yel tzwal 'ayex, a yic 'oj jawc jun c'ul yic sb'eyc'ojlal Dios, yel xo wal niwn yailal 'oj 'ajxc 'a eb' matz ex chan chi 'a yib'n̈ eb' 'aj Sodoma yet' eb' 'aj Gomorra,] xchi Jesús 'a eb'.

Mt 10:18

'Oj ex yi't pax eb' 'a yojltac eb' niwc yajal wu'uj. 'Ixta 'oj eyaji, sec 'oj stac' eyaln 'el wab'xil 'a eb' yajl cha, yet' 'a eb' man̈ israeloc.

Lv 13:49

toto yax yilxi, mto chac yilx jun tzo'n̈ sc'uxmtacl cha, yowlal tzch'oxx 'a win ya'mal 'och sti eb' 'anma cha.

Lc 5:13

Yuj cha, 'ix stzayn 'och Jesús sc'ab' 'a winac, 'ix yaln 'ixtic: —Tzyal in c'ojol. Tic tzach wac' b'oxoc, xchi 'a winac. Xlajwn̈ej yaln jun cha, 'ix tacj can jun yab'il chi 'a winac.