Lc 4:5 - Chuj San Sebastian Bible

⁵ Xlajw cha, x'ijx 'at Jesús yuj win 'a jun niwquil tzalan. Yajn̈j wal cha, 'ix sch'oxn win smasnil jun tzo'n̈ niwc chon̈b' 'ay 'a yolyib'n̈q'uinl tic 'a 'a.

Chuj San Mateo Bible

⁵ Ix lajvi chi', ix ic'jiq'ue Jesús d'a jun nivan tzalan yuj vin̈. Ix sch'oxan juntzan̈ nivac chon̈ab' vin̈ d'a masanil yolyib'an̈q'uinal tic d'a Jesús chi'.

Lc 4:5 Referans Kwoze

Ef 6:12

Yujto man̈oc yet' junc comn 'anma wan ca'nec owal. Palta a jun tzo'n̈ espíritu 'ay spoder sb'on maysch'olnil 'a scal 'ic', a yet' eb' wan ca'nec owal. Atn eb' chi 'ay yopiso ya'n mandar, 'aych eb' syajlilc maysch'olnil 'a yolyib'n̈q'uinl tic.

1 Co 15:52

A jun cha, caw ji'lti 'oj jawc tza'n̈joc. Jun mutz'satiln̈ej 'oj 'aj sjawi, yic 'oj 'oc' jun slajb' trompeta. A yic 'oj 'oc' jun trompeta cha, ax spitzw pax eb' creyente chamnc xo, man̈x b'a'n̈ 'oj cham eb'. An̈ xo pitzn on̈c to ta', 'oj jelmjoc pax qui niwnalec tic.

Mt 4:8

Ax win diablo cha, 'ix yi'n 'at win jun 'ejm xo. 'Ix c'och eb' 'a jun niwquil tzalan, 'ix sch'oxn win smasnil jun tzo'n̈ niwc chon̈b' 'ay 'a yolyib'n̈q'uinl tic 'a 'a, chajtlto caw niwn yel'ch eb'.

Salmos 73:19

Wal 'a yajn̈ej ax satl eb', scal xiwc'ojlal 'oj lajwc 'el eb'.

Job 20:5

a eb' maysch'olnil, jab' wal tiempo tzyac' stzaljc'ojlal eb', jun wal rato tzalj eb'.

Ef 2:2

yujto an̈j jun b'eyb'al yic yolyib'n̈q'uinl tic qui b'eylb'ejec. Qui b'ojnaquec 'icha tznib'j win 'ay yopiso ya'n mandar 'a scal 'ic'. A win cha, espíritu winac. An̈ja ya'n win sc'ojloc eb' man̈ yiclumoc 'a Dios.

2 Co 4:17

A jun tzo'n̈ tas tzjaw 'a quib'n̈ on̈, may jac yel'ch 'a qui sat on̈, 'e'lb'an̈j yeq'ui. Palta yu'uj, 'oj qui cha jun caw niwn yel'ch on̈. A jun cha, man̈ jantcoc swach'il, 'ayc'n̈ej 'a jun 'ejmn̈ej.

1 Co 7:31

An̈jtona', yet' eb' tzc'anlb'an jun tzo'n̈ tas 'a yolyib'n̈q'uinl tic, man̈ocn̈ej 'a jun tzo'n̈ chi tzya'ch eb' snab'en. Yujto a jun yolyib'n̈q'uinl tzquilc tic, to wan yeq'ui.

Mt 24:14

Ax jun wach' 'ab'ix, a tzalni chajtl tz'aj eb' 'anma yoch 'a yol sc'ab' Dios, yowlal 'oj alxc 'el 'a smasnil yolyib'n̈q'uinl tic, sec 'oj laj yab' eb' 'a junjn chon̈b'al. 'Ixta to b'i'an ax sjaw jun slajb' cha.