Lc 4:20 - Chuj San Sebastian Bible

²⁰ Xlajw cha, smacn pax Ch'an̈, 'ix ya'n pax 'a jun win 'ay yopiso 'a jun capiya cha. Xlajw cha, x'em wocan yic tzcuywj 'a eb'; ax eb' 'ayc' 'a yol jun n̈a, cha, c'uxn x'at q'ueln eb' 'a 'a.

Chuj San Mateo Bible

²⁰ Ix chulanxican jun b'aj tz'ib'ab'ilcan chi', ix yac'anxi d'a vin̈ sic'umal. Ichato chi' ix em c'ojan sc'ayb'ej eb'. Axo masanil eb' ayoch d'a yol chi', ix te och q'uelan eb' d'ay.

Lc 4:20 Referans Kwoze

Lc 4:17

Yuj cha, xya'n eb' jun Ch'an̈ Un̈ 'a 'a, atn jun tz'ib'b'il can yuj jun schecb' Dios Isaías sb'i. 'Ix sjacni, sayn 'ajtil tzyal 'ixtic:

Jn 8:2

Ax yic sacb'i, 'ix 'atx 'a yatut Dios jun 'ejm xo. Yic 'ix c'och ta', c'uxn xlaj c'och eb' 'anma 'a stz'ey. Ax Jesús, 'ix 'em wocan, syamn 'och scuywj 'a eb'.

Lc 19:48

Palta ma'ix nachj yuj ewinac, tas tzyutj eb', yujto 'aych sc'ojl smasnil 'anma yab'xni 'a 'a.

Lc 5:3

Yuj cha, x'och Jesús 'a yol jun te barco cha, atn te yic win Simón. Xlajw cha, xyalni to tznitzb't sb'a eb' jac 'a yib'n̈ a cha. Xlajwn̈ej cha, x'em wocn Jesús, syamn 'och scuywj 'a eb' 'anma ta'.

Mt 26:55

Xlajw cha, xyaln pax 'ixtc 'a ewin xc'och cha: —¿Tom 'elc'm in tzeyila, yuj cha, eyet' e machit, eyet' e te', tzex jaw wul in eyama'? Junjn c'u tzin 'em wocn cuywjoc 'ayx 'a yamq'uil yatut Dios, palta ma'in eyam ta'.

A Tas Sc'ulejnac Eb' Schecab' Jesús Hechos 16:13

Ax 'a jun sc'ul 'iljelal, on̈ 'at 'a jun a niwn a 'a sti 'el chon̈ab'. Ata tz'at leslwoc xon eb' 'anma ta'. Yic on̈ c'och ta on̈, on̈ 'em wocan. 'Ix caln 'el wach' 'ab'x 'a jun tzo'n̈ eb' 'ix 'ix yamn xon ta'.

A Tas Sc'ulejnac Eb' Schecab' Jesús Hechos 3:12

Yic xyiln Pedro jun cha, 'ix yaln 'a eb' 'ixtic: —Ex wit israelal, ¿tas yuj tzcaw sat e c'ojl eyilni? ¿Tas yuj tzex 'och q'ueln 'ayn̈ on̈? Man̈ e na', to yuj qui jelnal, mto yuj qui wach'l on̈, xca'n b'ey jun winc tic on̈.

Mt 27:60

'Ay jun q'uen q'uen olb'il xo, yic xon José cha, mant 'a junc chamnc 'ac'b'il 'och 'a yojl q'ue'en. Ata xya'cn 'och sniwnal Jesús cha. 'Ix ya'n can 'och jun niwquil q'uen smacloc. Xlajw cha, 'ix paxi.

Lc 4:21

'Ix syamn 'och yaln 'el 'a eb' 'ixtic: —A 'a jun c'u tic wan eyilni to wan yel'ch tas tzyal Ch'an̈ Un̈ tic, xchi 'a eb'.