Lc 24:6 - Chuj San Sebastian Bible

⁶ Man̈x 'ayc 'ec' 'a tic, tox 'ix pitzw paxi. Nac coti tas alb'il can yuj 'ayex, yic 'ayc' 'a Galilea:

Chuj San Mateo Bible

⁶ Man̈xo ayoquec'laj d'a tic. Toxo ix pitzvixi. Naeccot tas yalnac d'ayex, ayic aytoec' eyed'oc d'a Galilea.

Lc 24:6 Referans Kwoze

Lc 9:22

'Ix yaln pax 'ixtc 'a eb': —An tic 'Ochnc in 'Anma'il, palta yowlal 'oj wab' syail. 'Oj in patquilx can 'el yuj eb' 'ichmtac winc 'ay yopiso, yet' eb' sat ya'mal 'och qui ti 'a Dios, yet' pax eb' cuywjum 'a ley yic Moisés. 'Oj in smil eb', palta ax 'a schab'jial, ax in pitzw paxi, xchi 'a eb'.

Mr 8:31

Ax 'a jun tiempoal cha, 'ix syamn 'och scuywj 'a eb' scuywum, yuj tastc 'oj jawc 'a yib'an̈, 'ix yaln 'ixtic: An tic wach'xam 'Ochnc in 'Anma'il, palta yowlal caw 'oj wab' syail. A wal ewin 'ichmtac winc 'ay yopiso, yet' ewin sat ya'mal 'och qui ti 'a Dios, yet' pax ewin cuywjum 'a ley yic Moisés, 'oj in patquilx can 'el yuj ewinac, 'oj in smil cham ewinac, palta ax 'a schab'jial ax in pitzw paxi, xchi 'a eb'.

Mt 28:6

Man̈x 'ayc' 'och 'a tic, tox 'ix pitzw pax 'icha yaj yaln can 'ayex. Cotn̈ec nab'an, wul 'iltec yet'l 'aj xwul ya'ch eb'.

Lc 9:44

—Cham wal eyab'n si'mb'il tas 'oj wal 'ayex: Man̈ eyac' sat 'a e c'ojol, yujto wach'xam 'Ochnc in 'Anma'il, palta 'oj wajx 'och 'a yol sc'ab' eb' 'ajc'ojol, xchi 'a eb'.

Mt 27:63

'ix yaln ewin 'ixtic: —Ach cajlil on̈, cojc on̈ yic pitznto win 'a'm 'es cha, yaln can 'ixtic: Schab'jil in chami ax in pitzw paxi, xchi cob' winac.

Mt 16:21

Ax 'a jun tiempoal cha, 'ix syamn 'och Jesús yaln 'a eb' scuywum, tas 'oj jawc 'a yib'an̈. 'Ix yaln 'ixtic: —Yowlal 'oj in 'at 'a Jerusalén, atta 'oj 'ajxc 'och 'a wib'n̈ yuj eb' 'ichmtac winc 'ay yopiso, yet' eb' sat ya'mal 'och qui ti 'a Dios, yet' pax eb' cuywjum 'a ley yic Moisés. 'Oj in smil eb', palta ax 'a schab'jial, ax in pitzw paxi, xchi 'a eb'.

Mt 12:40

A Jonás cha, 'oxe c'u, 'oxe 'ac'wl 'e'nc 'a yol sc'ojl jun niwquil chay. 'Icha 'ajnc Jonás cha, 'ixta 'oj waj pax an 'Ochnc in 'Anmal tic. 'Oxe c'u, 'oxe 'ac'wl 'oj wec' 'a yol lu'um.

Mr 16:6

Palta xyaln 'ixtc 'a eb': —Man̈ ex xiwoc, ax tic wan e sayn 'ec' Jesús 'aj Nazaret, atn jun x'ajx 'och 'a spenc culus. Palta tox 'ix pitzw paxi, man̈x 'ayc 'och 'a yojl q'uen q'uen tic. 'Iltec nab'n 'aj xwul yac' 'oxt eb' 'a tic.

Lc 24:5

Yuj cha, xcaw 'och xiwlal 'a spixn eb'. 'Ix 'em q'uelnjoc eb' 'a sat lu'um. Ax eb' ángel chi xaln 'a eb' 'ixtic: —¿Tas yuj a 'a yol yet'l eb' chamnc tic tze say jun pitzan?

Lc 24:34

Ax eb' cha, xyaln eb' 'a eb' chawn̈ chi 'ixtic: —Wal yel xpitzw pax Cajlilec. 'Ix sch'ox sb'a 'a Simón tic, xchi eb'.

A Tas Sc'ulejnac Eb' Schecab' Jesús Hechos 2:24

Palta a Dios 'ix 'a'n pitzwc paxi. 'Ix yac' ganar Jesús spitzw paxi, yujto may yel'ch chaml 'a 'a.

2 Ts 2:5

Caw tze na coti yic 'ayn 'ec' eyet' ta', yic waln can jun tzo'n̈ tic 'ayex.