Lc 24:30 - Chuj San Sebastian Bible

³⁰ Ax yic x'och wocn 'a te mexa yet' eb'. 'Ix yi'n chan̈ jun pan. 'Ix ya'n yuj diosal 'a Dios yu'uj. Xlajw cha, sch'iyn 'ec' 'a eb'.

Chuj San Mateo Bible

³⁰ Ayic ix em c'ojan d'a te' mexa yed' eb', ix yic'anq'ue vaan jun ixim pan. Ix yac'an yuj diosal d'a Dios yuj ixim. Ix lajvi chi', ix och ijan spucanb'at ixim d'a eb'.

Lc 24:30 Referans Kwoze

Mt 14:19

Xlajw cha, xyaln 'a eb' 'anma', to tz'em wocn eb' 'a jun 'a'lic 'aj 'ayc' cha. 'Ix syamn chan̈ o'e pan yet' chac'otn̈ chay cha. 'Ix q'ue q'ueln 'a satcha'an̈, xya'n yuj diosal yu'uj. Sch'iyn 'ixm pan cha. Xlajw cha, xya'n 'a eb' scuywum. Ax eb' x'a'n 'ec' 'a eb' 'anma cha.

Lc 24:35

Xlajw cha, xyaln pax eb' chawn̈ cha, tas 'ix 'aj eb' 'a yol b'e. 'Ix yaln pax eb', chajtl x'aj yilchj 'el Jesús yuj eb', yic 'ix sch'iyn 'ec' jun pan 'a eb'.

Lc 9:16

Ax Jesús, 'ix syamn chan̈ o'e pan cha, yet' chac'otn̈ no chay cha. Xq'ue q'ueln 'a satcha'an̈, xya'n yuj diosal 'a Dios yu'uj. 'Ix sch'iyni, xya'n 'a eb' scuywum, yic tzya'n 'ec' eb' 'a eb' 'anma cha.

Mt 15:36

'Ix syamn chan̈ 'ixm pan chi yuquil, yet' jayc'otn̈ chay cha, 'ix ya'n yuj diosal 'a Dios yu'uj. Sch'iyn 'ixm pan cha, 'ix ya'n 'a eb' scuywum, ax eb' x'a'n 'ec' 'a eb' 'anma cha.

A Tas Sc'ulejnac Eb' Schecab' Jesús Hechos 27:35

Xlajw yaln jun cha, 'ix yi'n cot jun pan. 'Ix ya'n yuj diosal 'a Dios 'a sat eb' smasnil. 'Ix ch'iyn 'elt c'axap, 'ix syamn 'och swani.

Jn 6:11

Ax Jesús, 'ix syamn chan̈ 'ixm pan cha. 'Ix ya'n yuj diosal 'a Dios yuj 'ixim. 'Ix spojn 'ec' 'ixm 'a eb' scuywum. Ax eb' x'ec' 'a'noc 'ixm 'a eb' x'em wocn cha. 'Ixta xyutj pax no chay cha. Caw colb'il 'ix 'e'ch 'a eb' smasnil.

Lc 22:19

Xlajw cha, xyi'n chan̈ jun pan. 'Ix ya'n yuj diosal 'a Dios yu'uj. 'Ix ch'iyn 'ec' 'a eb'. 'Ix yaln 'a eb' 'ixtic: —A jun tic, atn in niwnal tic 'oj 'ajxoc eyu'uj, Wajec. Tze b'o jun tic, yic tzin e nan coti, xchi.

Mr 14:22

Yic wan swa eb', 'ix yi'n chan̈ Jesús 'ixm pan, xya'n yuj diosal yu'uj. Xlajw cha, sch'iyn 'ixm pan cha, 'ix ya'n 'a eb', xyaln 'ixtc 'a eb': —Wan̈ec, atn jun tic in niwnal, xchi 'a eb'.

Mr 8:6

Xlajw cha, 'ix yaln Jesús 'a eb' 'anma cha, to tz'em wocn eb' 'a sat lu'um. 'Ix yi'n chan̈ 'ixm pan chi yuquil, 'ix ya'n yuj diosal 'a Dios yu'uj. 'Ix sch'iyn 'ixm pan cha, xya'n 'a eb' scuywum. Ax eb' x'a'n 'ec' 'a eb' 'anma cha.

Mr 6:41

Xlajw cha, 'ix syamn chan̈ Jesús o'e pan yet' chac'otn̈ chay cha, 'ix q'ue q'ueln 'a satcha'an̈, 'ix ya'n yuj diosal yu'uj. 'Ix sch'iyn 'ixm pan cha, xlajw cha, xya'n 'a eb' scuywum yic tzpojn 'ec' eb' 'a eb' 'anma cha. 'Ix spojn pax 'ec' eb' chac'otn̈ chay chi 'a eb' smasnil.

Mt 26:26

Yic wan swa Jesús yet' eb' scuywum cha, 'ix yi'n chan̈ 'ixm pan, 'ix ya'n yuj diosal yuj 'ixim, xlajwn̈ej cha, 'ix sch'iyn 'ixm pan cha, 'ix xya'n 'a eb' scuywum cha. —Wan̈ec, a jun tic in niwnal, xchi 'a eb'.

Lc 24:29

Palta xyac' pural eb' syamn 'och wa'an, 'ix yaln eb' 'ixtc 'a 'a: —'Ochn̈ wan quet' on̈, yujto wan yejm c'u, wan sq'uic'b'i, xchi eb' 'a 'a. Yuj cha, x'och Jesús 'a yol n̈a, 'ix 'och wan yet' eb' ta'.

A Tas Sc'ulejnac Eb' Schecab' Jesús Hechos 2:42

Caw xya'ch eb' snab'en 'a jun tzo'n̈ cuynb'il xyac' eb' schecb' Jesús. Junxn̈ej xlaj yutc eb' snab'en smasnil. Tzyamn sb'a eb', yic tzleslwi eb'. Tzwan eb' 'ixm pan, yic snanb'il cot Cajlil.

A Tas Sc'ulejnac Eb' Schecab' Jesús Hechos 2:46

Junjn c'u, tzyamn sb'a eb' 'a yamq'uil yatut Dios. Tzlaj syamn sb'a junjn eb' 'a yatut, tzpojn 'ec' eb' 'ixm pan yic Cena 'a scal. Junxn̈ej tzlaj wa eb' 'a tzaljc'ojlal. Caw junc'ojlal xlaj yutc sb'a eb'.