Lc 24:29 - Chuj San Sebastian Bible

²⁹ Palta xyac' pural eb' syamn 'och wa'an, 'ix yaln eb' 'ixtc 'a 'a: —'Ochn̈ wan quet' on̈, yujto wan yejm c'u, wan sq'uic'b'i, xchi eb' 'a 'a. Yuj cha, x'och Jesús 'a yol n̈a, 'ix 'och wan yet' eb' ta'.

Chuj San Mateo Bible

²⁹ Axo eb' ix ac'an pural scani. Ix yalan eb' d'ay: —Canan̈ qued'oc, ina vanxo yem c'u, toxo val ol q'uic'b'oc, xchi eb' d'ay. Yuj chi' ix och d'a yol spat eb', ix can yed' eb'.

Lc 24:29 Referans Kwoze

A Ch'an̈ Schab'il Libro Yic Yab'ixal Eb' Rey 4:8

'Ay jun c'ual 'ix 'ec' Eliseo 'a chon̈b' Sunem, ata 'ay jun 'ix 'ix caw wal rico si'mb'il, 'ix yac' pural 'ix win Eliseo chi swa yet' 'a yatut. Yuj cha, ax yic tz'ec' 'a jun lugar chi 'a junjn 'ejem, tz'e'n̈j wac 'a yatut 'ix.

Gn 19:3

Palta ax Lot, 'ix tew 'och 'a eb', c'ojnc'ojnil 'ix 'at eb' 'a yatut Lot cha. 'Ix sb'on tas wach' tzc'ux eb', xya'n pax b'o span eb' may yich; caw wach' 'ix 'aj eb' swa'i.

Lc 14:23

Yuj cha, xyaln pax win spatron̈ chi 'ixtc 'a 'a: A ticnec, 'ixc 'a jun tzo'n̈ xo caye, yet' 'a jun tzo'n̈ xo b'e. 'At 'ac' pural eb' laj e'n coti, sec wach' 'oj b'ut'joc 'el yol watut tic yuj eb'.

A Tas Sc'ulejnac Eb' Schecab' Jesús Hechos 16:14

Ata 'ay jun 'ix Lidia sb'i, 'aj chon̈b' Tiatira. A 'ix tzchon̈n jun tzo'n̈ q'ui'mucnac nip. Caw 'aych snab'en 'ix 'a Dios. Yic wan yab'xni 'ix, ax Cajlilec, a 'ix 'a'n nachjc 'el yuj 'ix, yuj cha, caw xya'ch 'ix snab'en 'a tas 'ix yal Pablo cha.

Lc 24:28

Ax yic xc'och eb' 'a jun chon̈b' 'aj tzc'och cha, a Jesús 'ijn wal c'ax 'e'l x'eq'ui.

Lc 24:30

Ax yic x'och wocn 'a te mexa yet' eb'. 'Ix yi'n chan̈ jun pan. 'Ix ya'n yuj diosal 'a Dios yu'uj. Xlajw cha, sch'iyn 'ec' 'a eb'.