Lc 22:29 - Chuj San Sebastian Bible

²⁹ Yuj cha, 'oj ex wa'ch yajlil, 'icha in 'aj woch yajlil yuj qui Mam Dios.

Chuj San Mateo Bible

²⁹ Yuj chi', icha in yutej co Mam Dios in yac'anoch yajalil, icha chi' ol ex vutej pax ex vac'anoch yajalil.

Lc 22:29 Referans Kwoze

2 Ti 2:12

Toto tzca' techjoc syal yet'oc, 'oj coch yajlil yet'oc. Toto 'ayn̈ tzcala, to man̈ on̈ yico'oc, ax yaln paxi, to man̈ on̈ yico'oc jun xo.

Mt 25:34

An Rey in tic, 'oj wal 'ixtc 'a eb' 'ayc' 'a in wach' c'ab': Ax tic, ya'jnac in Mam swach'c'ojlal 'ayex, 'ochn̈ec wet' 'a 'aj tzwac' Yajlil, yictax sb'on Dios yolyib'n̈q'uinl tic, sb'on can jun tic eyico'oc.

Santiago 2:5

Ex wu'tac, ex wanab', chamc'ojlb'ilx wu'uj. 'A'c 'och e chicn 'a junx tic. A eb' meb'a 'a yolyib'n̈q'uinl tic, atn eb' tzsi'x 'elt yuj Dios, sec wach' tzya'ch eb' sc'ojl 'a 'a. Yuj cha, 'icha to rico tz'aj eb' 'a sat, yujto a 'oj 'i'nc 'at eb' 'a yol sc'ab'. A ya'jnac sti', chajtlto 'ixta 'oj yutc eb' 'ay schamc'ojlal 'a 'a.

Mt 28:18

Ax Jesús, 'ix wach' c'och 'a stz'ey eb' scuywum yuxlchwan̈il, 'ix yaln 'a eb' 'ixtic: —In 'ajx 'och Yajlil 'a yib'n̈ smasnil tas 'a satcha'an̈ yet' 'a yolyib'n̈q'uinl tic.

Mt 24:47

Wal yel tzwal 'ayex, 'oj ya'ch win eb' smoso chi yajlil 'a yib'n̈ smasnil tas 'ay 'a 'a.

Lc 12:32

Ax tic, 'icha in calnelu, 'ixta 'ex, man̈ ex xiwoc. Jaywn̈n̈ej ex toni, palta a qui Mam Dios tzex 'i'n 'och 'a yol sc'ab', yujto 'ixta x'el 'a sc'ojol.

Lc 19:17

Yuj cha, xyaln win 'a 'a: Wach' jun, ach tic caw wach'ch 'ayin. Wach'xam jab' xwac' 'ayach, palta tojl xotj a nab'en yet'oc, yuj cha, tic tzwa'ch opiso gobernadoral 'a lajn̈e chon̈ab', xchi win 'a 'a.

A Sb'ab'el Carta San Pedro 5:4

Toto 'ixta tzeyutj e b'a, ax yic 'oj jawc jun Quilmalec Niwn Yel'chi, 'oj e cha jun spac caw niwn swach'il. A jun cha, may b'a'n̈ 'oj lajwoc.

1 Co 9:25

Jantcn̈ej eb' tz'och 'a tajnel cha, caw tzyac' cuenta sb'a eb' 'a smasnil tas maysch'olnil. 'Ixta tzyutj sb'a eb', sec toq'ue 'oj scha eb' spac. Palta a jun spac chi tzchaj eb' cha, ton̈j 'e'lb'a yec' muc'uc. Ax jun spac quic 'oj qui chac an̈ec tic, may b'a'n̈ 'oj lajwc 'eq'ui. Yuj cha, yowlal caw tzca'c cuenta qui b'a jun xo.

2 Co 1:7

Te'n tzcutj qui b'a ca'n 'och Dios yipc qui c'ojl eyuj on̈, yujto cojc on̈, 'icha tz'aj yajx 'och yailal 'a eyib'an̈, 'ixta 'oj 'aj yajx pax sniwnal e c'ojl yuj Dios.

Apoc 21:14

A smuroal cha, 'ay lajchwe niwc q'uen 'aycn 'ejm yipnub'oc. Ax 'a sat junjn q'uen cha, ata tz'ib'b'il 'och sb'i eb' schecb' jun tzcuch Calnelu slajchwan̈il.

Mt 5:3

A eb' tznachj 'el yu'uj, to man̈ wach'c eb' 'a sat Dios, caw wach' yic eb', yujto 'ayx 'och eb' 'a yol sc'ab' jun 'aj satcha'an̈.

Mt 5:10

A eb' tz'ab'n syail, yujto tojl tzyutj eb' sb'eyb'al, caw wach' yic eb', yujto 'ayx 'och eb' 'a yol sc'ab' jun 'aj satcha'an̈.

Mt 25:21

Wach' jun, caw wach' xotj a munlj 'ayin, caw tza b'o 'icha tzin nib'ej. Yujto yiclum ach yet' jab' tic, yuj cha, til to wal tas 'oj wac' 'ayach, 'ochan̈, tzaljan̈ wet'oc, xchi win 'a win smoso cha.