Lc 21:36 - Chuj San Sebastian Bible

³⁶ Yuj cha, caw lista tzeyutj e b'a. Leslwan̈c 'a smasnil tiempo sec 'ay e te'nal yic wach' 'oj stac' e coln 'el e b'a 'a jun tzo'n̈ 'oj jawc cha. Ma'oj e q'uixw e c'och 'a wojltac an 'Ochnc in 'Anmal tic, xchi Jesús 'a eb'.

Chuj San Mateo Bible

³⁶ Yuj chi' lista tzeyutej e b'a. Lesalvan̈ec d'a masanil tiempo yic vach' tec'an eyaji. Yuj chi' ol yal eyel d'a tas d'in̈an sjavi, yic pax man̈ ol ex q'uixvoc eyoch d'a vichan̈ a in Ac'b'il in cot yuj Dios voch animail tic, xchi Jesús d'a eb'.

Lc 21:36 Referans Kwoze

1 Jn 2:28

A ticnec ex chamc'ojlb'il wu'uj, yowlal junn̈j cajc yet' Cristo 'a smasnil tiempo, sec wach' ma'oj qui xiwec ax sjawi. Ma'oj qui q'uixwec pax 'a yojltac yic 'oj jawc cha.

A Sb'ab'el Carta San Pedro 5:8

Caw lista tzcutjec qui b'a, macwjcoyec. Yujto 'icha junc no león tz'el yaw, tz'ec' saync 'ec' junc mach tzyac' lajwoc, 'ixta yec' jun 'ajc'ojl yajch 'ayn̈ec, atn win diablo.

Mt 25:13

Yuj cha, tzwal 'ayex, caw lista tzeyutj e b'a, yujto man̈ eyojcoc, 'aja sc'ual, yorail ['oj in jaw an 'Ochnc in 'Anmal tic.]

Mt 24:42

Yuj cha, caw lista tzeyutj e b'a, yujto man̈ eyojcoc jantc yorail 'oj in jaw an Yajl in tic.

A Sb'ab'el Carta San Pedro 4:7

A ticnec, jab'xoj 'oj lajwc 'ec' smasnil tas. Yuj cha, caw lista tzcutjec qui b'a. Te'n tzcutjec qui nab'en qui leslwi.

1 Co 16:13

Macwjan̈ec, caw te'n tzeyutj e b'a eya'n 'och e c'ojl 'a Cajlilec. Man̈ ex xiwoc. Caw tze te'wtzej e b'a junjn ex.

Lc 18:1

'Ix yal Jesús junx 'ab'x 'a eb' scuywum, yic tzyaln yab' eb', to wach' tzleslwi eb' 'a smasnil tiempo, man̈ comnoc tzactzj eb'.

Mr 13:33

Yuj cha, caw lista tzeyutj e b'a, macwjan̈ec, leslwan̈ec, yujto man̈ eyojcoc b'a'n̈ 'oj jawc stiempoal jun cha.

San Judas 1:24

Yuj Cajlil Jesucristo tzcalnec wach' paxti 'a Dios qui Colmalec. Cojn Dios tztac' on̈ stan̈wniec yic wach' matz on̈ telwec, sec may jac qui paltailec, ax ya'n qui tzaljc'ojlalec 'a yojltac 'a 'aj 'ay swach'il. A Dios smoj yalx yu'uj to caw niwn swach'il, niwn yel'chi, caw 'ay spoder, cojn Yajl yaj 'a smasnil tas. Smoj yalx 'ixta 'a 'a, yujto 'ixta xon yaji yic mantzac b'o yolyib'n̈q'uinl tic, 'ixta yaj ticnec yet' pax 'a smasnil tiempo. B'o cab' 'ixta'.

Mt 26:41

Pitzc 'el e wayan̈, leslwan̈ec, sec toq'ue ma'oj eyajx prowal. A qui pixan te'n toni, palta ax qui niwnal may ste'nal, xchi 'a eb'.

Malaquías 3:2

¿Mach wal 'oj techjoc yuj 'a jun c'u yic 'oj in jaw cha? ¿Mach wal 'oj stac' ste'wtzan sb'a yoch lin̈n 'a wojltac? Yujto a wopiso, lajn wal 'icha te c'ac' tzc'an eb' tzb'on q'uen oro, mto 'icha sawon tzc'an eb' tzju'wi.

1 Ts 5:17

Leslwan̈ec, man̈ eyactc can e leslwi.

Mr 13:37

A jun tzo'n̈ tzwal 'ayx tic, tzwal pax 'a eb' 'anma smasnil, caw listan̈ej tzeyutj e b'a, xchi Jesús.

2 Ti 4:5

Palta ach xo, caw te'n tzotj a nab'en 'a smasnil tiempo. Caw tzac' techjoc ab'n syail. Caw tzal-l wach' 'ab'x yic colnb'il 'a scal eb' 'anma'. Munljan̈ si'mb'il, sec may tas 'oj yac' palta 'a jun opiso cha.

A Scarta San Pablo D'a Eb' Aj Colosas 4:2

Ax xo e masnil, yelc'ojlal caw tzex leslwi 'a smasnil tiempo. Tzlaj eya'nc pax yuj diosal 'a Dios.

A Tas Sc'ulejnac Eb' Schecab' Jesús Hechos 10:2

Caw 'ix ya'ch win snab'en 'a Dios. Caw 'ay xiwc'ojlal win 'a 'a, yet' jantcn̈ej eb' jun yaj yet' 'a yol yatut. Til wal tas 'ix yac' pax 'a eb' israel to meb'a'. Caw tzleslwin̈ej win 'a Dios.

Salmos 1:5

Yuj cha, a eb' tu sb'eyb'al, 'oj 'ochcn 'a yib'n̈ eb' yic 'oj 'och b'eyc'ojlal. A eb' tzb'on maysch'olnil, caw may xon yaln eb' yic sc'och 'a 'aj 'oj syam sb'a eb' tojl snab'en.

Job 27:10

Yujto may 'aj 'ix yij eb' stzaljc'ojlal 'a spatquil Dios tztac' yuj smasnil, may xon 'aj xyal sb'a eb' 'a 'a.

Lc 20:35

Palta a eb' 'oj pitzwc pax 'a scal eb' chamnac, eb' smoj 'oj 'a'jc 'a jun tiempoal 'oj jawc cha, man̈x 'oj laj yi'lac sb'a eb' 'anma ta'.

Jeremías 35:19

yuj cha, an Jehová in, tztac' wuj smasnil, sDiosal in Israel, an tzwala: May xon b'a'n̈ 'oj satl yin̈tl Jonadab yic tzin ya'n servil, xchi Dios, xin chi 'a eb'.

Mt 8:20

Ax Jesús, xyaln 'ixtc 'a winac: —A no wa'ax 'ay yet'l no 'a yol n̈aq'ue'en, no ch'ic, 'ay yet'l no 'aj tzwayi. Palta an xo tic, wach'xam 'Ochnc in 'Anma'il, may wet'l 'aj tzin wayi, xchi 'a winac.

Mt 24:43

Q'uinloc 'ay junc win 'ajn̈a ticnec, toto yojtac janc' tzjaw junc 'elc'm 'a 'ac'wal, caw lista 'oj yutc sb'a, sec ma'oj stac' yoch jun 'elc'm cha.

Mt 24:44

Yuj cha, an̈jtona 'ex, caw lista tzeyutj e b'a, yujto a yic tze na'a to matz in jawi, lemb'il ata 'oj in jawi.

Lc 1:19

'Ix yaln pax jun ángel chi 'ixtc 'a winac: —An ton tic Gabriel in, 'ayn 'och ya'malc servil Dios; a 'in checn cot wul wal jun wach' 'ab'x tic 'ayach.

Lc 21:35

Yujto 'icha wal junc ya'al, 'ixta 'oj 'aj sjaw 'a yib'n̈ eb' 'anma smasnil 'a yolyib'n̈q'uinl tic.

2 Co 4:14

Cojc on̈, a Dios 'a'jnac pitzwc pax Cajlil Jesús 'a scal eb' chamnac, a 'oj ca'n pax pitzwc on̈, yujto yic on̈ Jesús on̈. 'Oj e pitzw pax quet' on̈, ax on̈ yi'nec 'at 'a 'aj 'ayc' cha.

Apoc 6:17

'Ixta x'aj eb', yujto xjaw jun c'u caw niwn yel'chi, yic tzya'n cot Dios yowl sc'ojl 'a yib'n̈ eb'. ¿Tom 'ay junc mach 'oj techjoc yuj 'a jun c'u cha?

Apoc 7:9

Xlajw cha, xwilni. Caw niwn 'anma 'ayc' 'a yojltac jun despacho cha, yet' 'a yojltac jun tzcuch Calnelu. A eb' cha, 'ay eb' 'a junjn nacion̈, 'a junjn 'in̈tal, 'a junjn ti'al, yet' 'a junjn chon̈b'al. Man̈x yalnb'ilc jantc sb'isl eb'. Caw sac spichl junjn eb'. Yamb'il xil te q'uib' yuj junjn eb'.

Apoc 8:2

Ax xwilni, lin̈n 'ec' ucwn̈ ángel 'a yojltac Dios, 'ix 'ajx strompeta junjn eb'.

Apoc 11:4

A chawn̈ testigo cha, a chab' snun te olivo alb'il yuj Zacarías, a tzch'ox coti. An̈jtona', tzch'ox cot chab' yet'l cantil 'ayc' 'a yojltac Cajlil 'a yolyib'n̈q'uinal.