Lc 21:34 - Chuj San Sebastian Bible

³⁴ Tzeyac' wal cuenta e b'a, man̈ e cha pitb'oc e b'a yuj pec'al, yuj 'u'lan̈, mto yuj tzann̈j junc xo tas tzex 'och 'il yuj 'a yolyib'n̈q'uinl tic. Toto ma'ay, ax 'oj jawc jun c'u cha, man̈ listaoc eyaji.

Chuj San Mateo Bible

³⁴ Tzeyil val e b'a. Man̈ eyac' pitb'oc e b'a yuj pec'al, yuj uq'uel an̈, ma yuj juntzan̈xo tas b'aj tzeyac'och e pensar. Ta maay, ayic ol ja jun c'ual chi', man̈ listaoc eyaji.

Lc 21:34 Referans Kwoze

Mr 4:19

palta cojxn jun tzo'n̈ yic yolyib'n̈q'uinl tic tzna eb'. Tzjuw 'el snab'en eb' yuj snib'n 'och sricoal. Til wal jun tzo'n̈ tas tzcomn nib'j 'och eb'. An̈j 'a jun tzo'n̈ chi tzya'ch eb' snab'en; yuj cha, caw tzjuw 'el spaxti Dios 'a eb', lajn tz'aj eb' 'icha jun tzo'n̈ 'in̈t may xon jac sjolm tzyac'a.

Lc 12:40

Yuj cha, 'ixta 'ex cab' paxi. Lista tzeyutj e b'a e maclni. Yujto a yic tze na'a, to mantzac in jawi, lemb'il ata 'oj in jaw an 'Ochnc in 'Anmal tic, xchi Jesús 'a eb' scuywum cha.

1 Co 6:10

An̈jtona', eb' 'elc'um, eb' tznib'n 'och tas 'ay 'a junc xo mach, eb' 'u'm 'an̈, eb' b'ajwjum, yet' pax eb' tzcomn to'n 'ec' junc tas 'a junc xo mach. Atn eb' tic, toxn ma'oj c'och 'a yol sc'ab' Dios.

Apoc 3:3

Yuj cha, nac cot jun tzo'n̈ cuynb'il 'aj eya'jnac 'och e c'ojl 'a yic yalan̈. Nac e b'a, 'a'c pax 'och e nab'en jun 'ejm xo 'a 'a. Toto matz e b'o e b'eyb'al, 'oj in c'och 'ayex. 'Icha sc'och junc 'elc'um, may mach 'ojtnac, janc' tzc'ochi, 'ixta 'oj in c'och 'ayex.

A Schab'il Carta San Pedro 3:14

Ex chamc'ojlb'il wu'uj, wan qui tan̈wniec sjaw jun tzo'n̈ cha. Yuj cha, caw ca'c 'ip, sec may jac qui mulc 'oj 'ilchjoc yu'uj, may jac qui paltail. Toto 'ixta', caw junc'ojlal 'oj cajc yet' ta'.

Gl 5:20

Tzyaln sb'a eb' 'a jun tzo'n̈ tzlaj yalch sdiosaloc. Tzya'lj eb' laj cob' sb'alnoc junc xo mach. Tz'och eb' 'ajc'ojlal 'a jun jun, 'a'm owl eb'. Tzchichn 'och eb' 'a junc xo mach yuj tastc 'ay 'a 'a. C'un scot yowl eb'. Tznib'j eb' axn̈ej 'ay yel'chi. Tznib'j eb' tzlaj spojl sb'a, chucchc tz'aj junjn c'aj eb'.

1 Co 5:11

Palta a jun waljnacx 'at 'ayex, tzyal 'el'chi, toto 'ay eb' tzalni, to creyente eb', palta maysch'olnil sb'eyb'al eb', man̈xtzac stac' jun tzon̈ 'e'c yet' eb'. Atn eb' tic tzwala: Eb' 'ajmul, eb' tznib'n 'och tas 'ay 'a junc xo mach, eb' tzyal sb'a 'a jun tzo'n̈ tzalx 'och diosal, eb' b'ajwjum, eb' 'u'm 'an̈, yet' pax eb' 'elc'um. A eb' 'ixta sb'eyb'al cha, toto tzyal eb', to creyente eb', wach'xam ton̈j tzon̈ wac jac yet' eb', caw wal matz tac'a.

Mt 13:22

Ax jun tzo'n̈ xo 'in̈t x'emcn 'a scal c'ultac, tzyal 'el'chi, 'ay jun tzo'n̈ xo eb' tz'ab'n spaxti Dios. Palta an̈j jun tzo'n̈ yic yolyib'n̈q'uinl tic tzna eb', tzjuw snab'en eb' yuj snib'n 'och sb'a ricoal. Yuj jun tzo'n̈ cha, man̈x 'a yel'ch spaxti Dios 'a eb'. Lajn tz'aj eb' 'icha 'ixm trigo may xon jac sjolm tzyac'a.

Os 4:11

Yuj 'ajmulal yet' yuj 'u'l 'an̈, tzsat snab'en eb' 'anma'.

Is 28:7

An̈jtona', 'ay jun tzo'n̈ xo eb' 'anma tztectn 'ec' yuj te 'an̈ cha, tzlaj sicb' 'el eb' yuj yowl te'; atn eb' ya'mal 'och sti eb' 'anma', yet' eb' tzyalch sb'a schecb'oc Dios. A yic 'u'm 'an̈ eb' cha, caw wal tzsomchj snab'en eb', yuj cha man̈xtzac tznachj 'el yuj eb' tas tzyal Dios, man̈ wach'c tzyutj eb' sb'on yaj eb' 'anma'.

Lc 21:8

Yuj cha, xyaln Jesús 'a eb' 'ixtic: Caw lista tzeyutj e b'a, sec may mach 'oj eyixtn paxti'. Yujto til wal mach 'oj jawoc, ax yesn 'el eb' in b'i. An ton tic Cristo in, 'oj xchic eb'. 'Ix jaw stiempoal jun slajb' tic, 'oj schic cob' eb'. Palta caw man̈ eya'ch e nab'en 'a eb'.

A Scarta San Pablo D'a Eb' Aj Filipos 4:6

Man̈ on̈ 'ochc 'il yuj junc tas. Jantcn̈ej tas tzqui na'ec, calc 'a Dios, tzon̈ leslwiec. A yic tzqui c'annec tas 'a 'a, yowlal tzca'c pax yuj diosal 'a 'a.

Lc 17:3

Yuj cha, caw tzeyac' cuenta e b'a. Toto 'ay junc eyit 'anmal tz'och smul 'ayex, tze tench wa'an. Q'uinloc tzna sb'a, tzeyac' niwnc'ojlal 'a 'a.

Lc 10:41

—Marta, Marta, caw tzach 'och 'il. Til wal tza na yuj jun tzo'n̈ tza b'o cha.

Lc 8:14

Ax jun tzo'n̈ xo 'in̈t xc'ochcn 'a scal c'ultac, tzyal 'el'chi 'ay eb' 'anma tz'ab'n spaxti Dios. Palta ax yic tzb'ey tiempo, til wal tas tzna eb': tzna eb' ricoal, tznan pax eb' yuj yic sniwnal. Yuj wal jun tzo'n̈ cha, tzjuw 'el eb'. Lajn tz'aj eb' 'icha 'ixm trigo may xon jac sjolm tzyac'a.

Mr 13:9

Palta ax tic, caw lista tzeyutj e b'a, yujto 'oj eyajx 'och 'a yol sc'ab' eb' yajal. 'Oj e ma'x 'a yol capiya. 'Oj ex yi't eb' 'a yojltac ewin yajal, yet' 'a yojltac ewin rey, yujto 'aych e nab'en 'ayin. 'Ixta 'oj eyaji, sec 'oj stac' eyaln 'el wab'xil 'a ewinac.

Pr 21:4

A eb' tzb'an̈ sb'a, chan̈ yaj't sat eb' yic tz'ec' eb'; caw maysch'olnil jun nab'en cha, caw wal tu'.

A Ch'an̈ Carta D'a Eb' Hebreo 12:15

Caw tzlaj eyac' cuenta e b'a, sec may junc ex 'oj eyactc e chan swach'c'ojlal Dios. Tzeyac' cuenta e b'a, sec may ex lajn tzex 'aj 'icha junc te tzq'uib'i, caw c'a. Toto 'ixta tz'aj e nab'en sjuwi, til wal eb' 'oj juwc 'el eyu'uj.

Salmos 35:8

Man̈ nanoc cab' yuj eb' yic tzjaw yailal 'a scal eb'. Can cab' eb' 'a jun tzo'n̈ syal 'ix yac' 'ejmi, 'at cab' can eb' 'a yol jun sjul 'ix sb'o cha.

A Ch'an̈ B'ab'el Libro Samuel 25:36

A yic 'ix meltzj 'ix Abigail 'a 'aj 'ayc' win Nabal, xyiln 'ix to 'aych jun niwquil q'uin̈ yet' jun niwn wal 'a yatut, 'icha yic eb' rey. Caw wal tzalj Nabal, 'u'm 'an̈ pax winac. Yuj cha, may xon tas xyal 'ix 'a 'a, at 'a junx c'u xyal 'ix.

Dt 29:19

A yic tzlajw eyab'n tas tz'ajcn jun trato tic, jun 'aj tzeya'cn e ti', toq'ue 'ay junc mach 'a e cal tzyal wach'l sb'a, tznan 'ixtic: An tic, wach'xam tzin b'o maysch'olnil 'icha tas tzin nib'ej, palta wach' tz'aj 'el'ch smasnil tas tzin b'o'o, toto xchi. To 'ixta', atn jun chi tzlocn can cot pax 'a eyib'n̈ e masnil.

Lv 10:9

A yic 'oj ocht ach tic, mto eb' onnal 'a yol Mantiado tic, man̈ eyuc' yal uva, mto junc xo tas jawnc xo sti', sec matz ex chami. A jun tic ley tz'ajcn 'a e cal 'a smasnil tiempo yet' 'a eb' eyin̈til.

A Schab'il Carta San Pedro 3:10

Palta 'icha sjaw junc 'elc'm 'a 'ac'wal, 'ixta 'oj 'aj sjaw sc'ul sjaw Cajlilec. A 'a jun c'u cha, ata 'oj lajwc 'ec' satcha'an̈. Caw 'oj c'an̈ sn̈i'chji. Ax jun tzo'n̈ tas 'ay 'a sat lum tic, c'uxn 'oj 'ulb'xoc yuj jun niwquil c'ac'. C'uxn 'oj tz'a sat lum tic, yet' jantcn̈ej tas 'ay 'a 'a.

Gn 19:32

Yuj cha, cac' 'u'wc 'an̈ qui mam tic, ax qui way yet'oc, yic wach' 'oj 'aljoc yunnal quet'oc, xchi 'ix.

Pr 23:20

Man̈ junc tzex 'ec' yet' eb' 'u'm 'an̈, man̈ junc tzex 'aj yet' eb' tz'ec' 'a yib'n̈ swa'i,

Ec 9:12

An̈ 'anman̈ec tic, man̈ cojcoquec jantc qui q'uinal; 'icha tzyac' no chay tzcan 'a yojl ch'an̈ chim, mto 'icha no ch'ic tzcan 'a ya'al, 'ixta 'on̈ec, may tas nan cujec, ax tz'aji, ata tz'el-l tza'n̈joc junc tas 'a quib'n̈ec.

Lc 21:35

Yujto 'icha wal junc ya'al, 'ixta 'oj 'aj sjaw 'a yib'n̈ eb' 'anma smasnil 'a yolyib'n̈q'uinl tic.

Gn 19:35

Ax 'a yic junx 'ac'wl cha, 'ix ya'n pax eb' 'ix 'u'wc 'an̈ smam jun 'ejm xo, ax 'ix tza'n 'ix chi xway yet' winac. Ax Lot cha, ma'ix yab' win sway 'ix yet'oc, ma'ix yab' pax win sq'uex wan 'ix.

Gn 27:14

'Ix 'at Jacob 'at yi' cot no cotc chiwo cha, xya'n 'a snun, caw wal wach' x'aj jun schib'l wal chi sb'on 'ix, 'icha tznib'j Isaac cha.