Lc 20:34 - Chuj San Sebastian Bible

³⁴ Yuj cha, xyaln Jesús 'ixtc 'a ewin saduceo cha: —A 'a yolyib'n̈q'uinl tic, tzyij sb'a eb' winc yet' eb' 'ix 'ix.

Chuj San Mateo Bible

³⁴ Yuj chi' ix yalan Jesús d'a eb' vin̈ saduceo chi': —A d'a yolyib'an̈q'uinal tic, syic'laj sb'a eb' anima.

Lc 20:34 Referans Kwoze

Lc 16:8

Ax win patron̈ chi 'ix alni to caw jeln win mayltoma chi 'a maysch'olnil. Yujto a eb' yic yolyib'n̈q'uinl tic, yel xo wal jeln tzlaj yutc sb'a eb' 'a yib'n̈ eb' 'ayx sacq'uinlal Dios 'a 'a.

Lc 17:27

Yujto a eb' 'anma 'a jun tiempoal cha, ton̈j wanc eb', yu'n eb' tas tzyuq'uej. 'Ay eb' xlaj nupni, 'ay eb' laj ya'jnac 'och yisl yistzilc eb' winc cha, toc sna eb' toto 'ay tas tzjaw 'a yib'n̈ eb'. 'Ixta 'e'nc eb', masnto 'a jun c'u yic yoch win Noé 'a yol te barco. Ata ya'jnac jun owl yaxn̈ab', scham eb' smasnil.

A Ch'an̈ Carta D'a Eb' Hebreo 13:4

A yic tzqui'nec qui b'a yet' quistl junjn on̈ec, 'ay cab' yel'ch jun 'ijb'al chi 'a qui satec. Yowlal cojn 'a quistl junjn on̈, cojn ta tzca'c 'och qui nab'en. Yujto a Dios 'oj b'eyc'ojlanc eb' tzb'on 'ajmulal. Wach'xam eb' 'ayx yitb'eyum, wach'xam eb' manto, 'oj 'ajxcn̈ej 'och 'a yib'n̈ eb'.

Ef 5:31

Yuj cha, a win winac, 'oj yactc can win smam snun, sec junxn̈ej tz'aj win yet' yistzil. Ax eb' schawn̈il, 'icha wal to junxn̈ej 'anmal tz'ajcn eb', xchi 'a Ch'an̈ U'un̈.

Mt 12:32

Toto 'ay mach tzin b'uchn an 'Ochnc in 'Anmal tic, 'oj stac' yajx lajwc jun smul cha. Palta a mach tzb'uchwj 'a Yespíritu Dios, may b'a'n̈ 'oj lajwc jun smul cha. Wach'xam ticnec, wach'xam 'a jun tiempoal tot 'oj jawoc.

Lc 20:33

A to 'oj pitzwc pax eb' chamnac, ¿mach wal junc win 'ay yistl 'ix? Yujto 'ic'b'il ewin yucwn̈il yuj 'ix, xchi ewinac.