Lc 2:11 - Chuj San Sebastian Bible

¹¹ A 'a Belén, 'a schon̈b' can win rey David, ata x'alj jun e Colmal q'uiq'ui, atn CRISTO Cajlil.

Chuj San Mateo Bible

¹¹ A d'a Belén, d'a schon̈ab' can vin̈aj David, ata' ix alji jun e Columal q'uiq'ui, aton Cristo Cajal.

Lc 2:11 Referans Kwoze

Is 9:6

Yujto x'alj jun winc 'unn 'a qui calec, a Dios 'ix 'a'n jun 'unn tic 'ayn̈ec. A jun 'unn tic, 'oj 'ajxoc yopiso ya'n Yajlil, ax yajx jun tzo'n̈ b'i tic 'a 'a: Satjub'tac snab'en, Dios tztac' yuj smasnil, Mamb'il 'a smasnil tiempo, Syajlil junc'ojlal.

Mt 1:21

A jun 'unn 'oj 'aljoc cha, winc 'unin. 'Oj ac' sb'ic JESÚS, yujto a 'oj colnc can 'elt eb' schon̈b' 'a yaln̈ smul, xchi jun ángel 'a José cha.

A Tas Sc'ulejnac Eb' Schecab' Jesús Hechos 2:36

A Jesús tic, 'ix eyac' 'ajxc 'och 'a spenc culus. Palta tzin nib'j tzeyojquej 'el si'mb'il e masnil ex wit israelal, to a x'ajx 'och Cajlilc yuj Dios, atn Cristo, xchi Pedro.

Mt 16:16

Yuj cha, 'ix ta'w Pedro 'ixtc 'a 'a: —Ach tic Cristo ach, Yunnal ach Dios pitzan, xchi 'a 'a.

Lc 1:43

An tic, ¿tom 'ay jac wopiso? Ach xo tic, snunch Cajlil, palta tzach jaw in a c'umoc.

1 Jn 5:1

An̈ec tzca'c 'och 'a qui c'ojol, to a Jesús atn Cristo, an̈ec ton yunnaln̈ec xo Dios. Q'uinloc 'ay junc mamb'il tzqui chamc'ojlej, to 'ixta', wan qui chamc'ojlan pax eb' yunnal.

A Scarta San Pablo D'a Eb' Aj Filipos 2:11

Ax yaln eb' smasnil 'ixtic: Atn Jesucristo Cajlilec, 'oj schic eb'. 'Ixta 'oj 'aj scheclj 'eli, chajtlto caw niwn yel'ch qui Mam Dios.

Jn 4:42

Yuj cha, xyaln eb' 'a jun 'ix chi 'ixtic: —A 'a b'ab'el, 'ix ca'ch qui c'ojl 'a Jesús oj on̈, yuj tas 'ix al 'ayn̈ on̈. Ax ticnec, caw a Jesús 'ix aln 'ayn̈ on̈. Yuj cha, xqui wach' 'a'n 'och qui c'ojl 'a ticnec on̈. Caw cojc on̈, to a Jesús cha, caw yel qui Colmalec qui masnil 'a yolyib'n̈q'uinl tic, atn jun tan̈b'il sjaw cujec, xchi eb' 'a 'ix.

Lc 2:4

Yuj cha, 'ix 'at José 'a Nazaret 'a yol yic Galilea, 'ix c'och 'a Belén, 'a yol yic Judea, 'a 'aj 'aljnac win rey David pecti'. A José cha, yin̈tl can winac. Yuj cha, yowlal ata x'at ta'.

Mt 1:16

A Jacob a 'ay yunnal José win yichmil 'ix María, 'ix snun Jesús. A Jesús tzcuch pax Cristo, atn jun 'Ac'b'il Yopiso Colwjumal.

1 Co 15:47

A jun b'ab'l winac, a 'a lum lum b'onac. Yuj cha, yic yolyib'n̈q'uinl tic yaji. Ax junx schab'il atn Cajlilec, yic satchan̈ yaji.

A Tas Sc'ulejnac Eb' Schecab' Jesús Hechos 10:36

A Dios 'a'jnac can spaxti 'ayn̈ an̈ israel on̈ tic on̈. Yaljnac 'ayn̈ on̈, to 'ay junc'ojlal yuj Jesucristo, atn Cajlilec qui masnil.

Jn 20:31

'Ix tz'ib'x can jun tzo'n̈ tic, sec 'oj eya'ch 'a e c'ojol, to a Jesús atn Cristo, Yunnal Dios. Toto 'oj eya'ch 'a e c'ojol, 'oj e cha e q'uinl 'a jun 'ejmn̈ej 'a 'a.

1 Jn 4:14

An̈ tic on̈, caw quiljnac Yunnal Dios on̈. Yuj cha, tzca'n testigoal qui b'a on̈, chajtlto a qui Mam Dios, a 'a'jnac cot Yunnal chi wul scolnc 'el eb' 'anma 'a yolyib'n̈q'uinl tic.

Jn 1:45

Ax Felipe chi xit' saync 'ec' Natanael. Yic 'ix 'ilchj yu'uj, 'ix yaln 'a 'ixtic: —'Ay jun x'ilchj cuj on̈. Atn jun tz'ib'b'il can yab'xil yuj Moisés 'a Ch'an̈ Un̈ yic ley, tz'ib'b'il can pax yuj eb' schecb' Dios pecti'. Atn Jesús yunnal José, 'aj chon̈b' Nazaret, xchi.

A Tas Sc'ulejnac Eb' Schecab' Jesús Hechos 17:3

'Ix yaln 'a eb', tas tz'ib'b'il can 'a Ch'an̈ U'un̈, chajtlto a Cristo, yowlal tzyab' syail, tzmilx chamoc. Yowlal tzpitzw pax 'a scal eb' chamnac. 'Ix yaln pax 'a eb' 'ixtic: —A Jesús wan waln yab'xil 'ayex, atn Cristo, xchi Pablo 'a eb'.

A Tas Sc'ulejnac Eb' Schecab' Jesús Hechos 5:31

A x'a'n yopiso, xyi'n 'at 'a swach' c'ab'. 'Ix ya'n 'och Cajliloc, qui Colmaloquec. Yuj cha, a Jesús, a tz'a'n qui nac qui b'a an̈ israel on̈c tic, sec tzlajw can qui mulc yu'uj.

Jn 6:69

An̈ tic on̈, tox ach ca'ch 'a qui c'ojl on̈. Cojc on̈, [to ach tic, Cristo ach.] Yunnal ach Dios [pitzan], xchi Pedro 'a 'a.

Jn 1:41

Xlajwn̈ej sc'umn sb'a Andrés chi yet' Jesús, 'ix 'at saync 'ec' jun yu'tac cha. A yic 'ix 'ilchj yu'uj, 'ix yaln 'a 'ixtic: —'Ix 'ilchj jun Mesías cuj on̈, xchi 'a 'a. (A Mesías tzyal 'el'chi, Cristo.)

Mt 16:20

Xlajw cha, xyaln 'ixtc 'a eb' scuywum cha: —'Ayt 'aj xeyala to an tic Cristo in, xchi 'a eb'.

Gn 49:10

May junc mach tztac' yi'n 'ec' a jelnal Judá; may mach tztac' yi'n 'ec' a c'occh yic opiso 'a yol a c'ab', masnto 'oj jawc yajl te c'occh cha, atn jun mach to smasnil eb' chon̈b' 'oj yiclnoc 'a 'a.

Gn 3:15

A ticnec, tzwa'cn 'och chacjb'al 'a a cal yet' 'ix 'ix, yet' smasnil en̈til, yet' yin̈tl 'ix. A yin̈tl 'ix tic, a 'oj ma'nc poj a jolom, ach xo 'oj a chi yich sq'uenl yoc yin̈tl 'ix cha, xchi Dios.

A Scarta San Pablo D'a Eb' Aj Colosas 2:6

Yuj cha, 'icha xeyutj e chan Cajlil Jesucristo, 'ixta tzeyutj e b'eyb'al 'a yol sc'ab' ticnec.

A Scarta San Pablo D'a Eb' Aj Filipos 3:8

Jantcn̈ej jun tzo'n̈ tas wa'jnac 'och yipc in c'ojol, may jac yel'ch 'a in sat ticnec. Yujto 'ay junx yel xo wach' tzin b'o'o, to tzwojquej 'el Cristo Jesús, atn Cajlilec. Yuj Cristo tic, c'uxn satnc 'el smasnil jun tzo'n̈ wa'jnac 'och yipc in c'ojl cha. Ax ticnec, 'icha c'alem xoj yaj 'a in sat, yujto tzin nib'j tzwique'ej Cristo 'a jun 'ejmn̈ej.

Jn 11:27

—N', Mamin caw tzwa'ch 'a in c'ojol, chajtlto Cristo ach, Yunnal ach Dios. Ach tic, tan̈b'il xon a jaw 'a yolyib'n̈q'uinl tic, xchi 'ix 'a 'a.

Jn 7:41

—Ma'ay, a jun tic, atn Cristo, xchi jaywn̈ xo eb'. Palta 'ay pax eb' xlaj alnoc: —A jun Colwjum cha, ¿tom 'aj Galilea tze na 'icha win tic?

Lc 2:26

A 'a'jnac nachjc 'el yu'uj, to ma'oj chamoc, masnto 'oj yil Cristo, jun 'oj schec cot Cajlil.

Lc 1:69

'Ix ya' cot jun qui Colmalec caw niwn spoder. A 'a scal eb' yin̈tl can David, win ya'mal servil, ata 'oj 'aljoc.

Salmos 2:2

A eb' rey yet' eb' syajlil junjn chon̈ab', 'oj cot yowl eb', jun lajnxoj 'oj yutc eb' yaln 'a spatc Jehová, yet' pax 'a jun Rey sic'b'il 'el yu'uj.

Jn 4:25

'Ix yaln pax 'ix 'a 'ixtic: —Aln tic, wojtac 'ay jun Mesías sb'i, tzyal 'el'chi atn Cristo 'oj jawoc. A yic 'oj jawc jun cha, tojln̈ej 'oj yutc yaln smasnil tas, xchi 'ix 'a 'a.

A Tas Sc'ulejnac Eb' Schecab' Jesús Hechos 13:23

Ax Jesús, yin̈tl can David cha, a Dios 'a'jnac yopiso qui Colmalc an̈ israel on̈c tic, 'icha yaj ya'n can sti'.