Lc 2:10 - Chuj San Sebastian Bible

¹⁰ Palta xyaln jun ángel chi 'a eb' 'ixtic: —Man̈ ex xiwoc, yujto 'ay jun wach' 'ab'x tzwul wal 'ayex. Yu'uj caw 'oj jawc stzaljc'ojlal smasnil 'anma'.

Chuj San Mateo Bible

¹⁰ Ix yalan jun ángel chi' d'a eb' icha tic: —Man̈ ex xivoc yujto ved'nac jun vach' ab'ix d'ayex. Yuj jun ab'ix tic, ol tzalaj masanil anima.

Lc 2:10 Referans Kwoze

Is 40:9

'Ex 'aj Sión, q'uen̈ec c'och 'a sjolm junc lum witz, tzex 'awj 'a caw 'ip ta', yic tzeyaln 'el wach' 'ab'ix. Ex 'aj Jerusalén, man̈ex xiw eya'n 'el eyaw, alc 'el 'ixtc 'a yoltc chon̈b' yic Judá: 'Iltec yaj qui Diosalec 'a tic, xe chi.

Is 61:1

A Yespíritu Jehová Cajlil, a 'ix ya'ch 'ayin, yujto sic'b'iln 'el yu'uj. Checb'iln cot yu'uj, yic tzwul walnc 'el wach' 'ab'x 'a eb' meb'a', tzlaj wa'nc can b'oxc sc'ojl eb' ya yaji, tzwaln 'el yab'xil colnb'il 'a eb' 'icha preso yaji.

Is 52:7

Til wal sja'l yilxi yic tzjaw junc win alm 'ab'x 'a eb' lum tzalctac, junc 'et'jnac wach' 'ab'ix, atn yab'xil junc'ojlal, tzyaln 'el yab'xil colnb'il yic tz'el eb' 'anma 'a libre, tzyaln 'ixtc 'a yib'n̈ eb' 'aj Sión: A 'e Diosal x'och reyal, xchi.

Mt 28:18

Ax Jesús, 'ix wach' c'och 'a stz'ey eb' scuywum yuxlchwan̈il, 'ix yaln 'a eb' 'ixtic: —In 'ajx 'och Yajlil 'a yib'n̈ smasnil tas 'a satcha'an̈ yet' 'a yolyib'n̈q'uinl tic.

Gn 12:3

'Oj wac' in yaxilal 'a eb' wach' 'oj yutc snab'en 'ayach, ax eb' tu 'oj yutc snab'en 'ayach, 'oj in catb'oc can 'el eb'. O'oj ax wa'n yaxilal 'a yib'n̈ smasnil 'anma 'a yolyib'n̈q'uinl tic, xchi Dios.

Mt 14:27

—Te'n tzeyutj e b'a. An Jesús in. Man̈ ex xiwoc, xchi 'a eb'.

Lc 1:30

Xlajw cha, xyaln pax 'a 'ix 'ixtic: —María, man̈ ach xiwoc, yujto til wal swach'c'ojlal Dios tzyac' 'ayach.

Is 41:27

A 'a yictax pecti', an waljnac jun 'ab'x tic 'a Sión, an pax tzin checb't jun in checb' 'a Jerusalén, yic tzyaln 'el wach' 'ab'ix to jab'xoj smeltzj eb' 'anma 'a schon̈ab'.

A Scarta San Pablo D'a Eb' Aj Colosas 1:23

Palta yowlal tzeya'ch 'a e c'ojl 'a smasnil tiempo. Caw te'n tzeyutj e nab'en, 'icha junc te caw 'ay sch'an̈l yib'. A jun wach' 'ab'x yic colnb'il eyab'jnac xo, man̈ eyactc can eya'n 'och yipc e c'ojol. A jun wach' 'ab'x tic, wan yalx 'el 'a smasnil yolyib'n̈q'uinl tic. An xo Pablo in tic, wan waln 'el pax jun xo.

A Tas Sc'ulejnac Eb' Schecab' Jesús Hechos 13:32

'Ixta on̈ pax an̈ tic on̈, wan caln pax 'el jun wach' 'ab'x tic 'ayx on̈, chajtlto a Dios ya'jnac can sti 'a eb' qui mam quichmec.

Lc 24:47

An̈jtona', yowlal 'oj alxc 'el wab'xil 'a scal eb' 'anma 'a junjn nacion̈, to yowlal tzna sb'a eb', sec 'oj 'ajxc can lajwc smul eb'. A 'a Jerusalén tic 'oj b'ab'l alxc 'el wab'xil, ax spuc 'a junjn chon̈ab'.

Lc 8:1

Xlajw cha, til wal jun tzo'n̈ chon̈ab', yet' jun tzo'n̈ aldea 'aj 'ix b'eyc' Jesús, yic x'ec' yalnc 'el spaxti Dios 'a scal eb' 'anma'. 'Ix yal-l wach' 'ab'x 'a eb', chajtl tz'aj eb' yoch 'a yol sc'ab' Dios. Ax eb' schecb' slajchwan̈il, ajun eb' yet'oc.

Ef 3:8

Jantcn̈ej eb' yic xo Dios wet'oc, yel xo 'ec'b'al yel'ch eb' 'a wib'an̈. Toxn may junc eb' yel xo niwn wel'ch 'a 'a. Palta yuj swach'c'ojlal Dios, ya'jnac wopiso tic. Yuj cha, tz'ec' walnc 'el 'a e cal ax man̈ ex israeloc, chajtlto man̈ jantcoc swach'l Cristo.

Lc 1:19

'Ix yaln pax jun ángel chi 'ixtc 'a winac: —An ton tic Gabriel in, 'ayn 'och ya'malc servil Dios; a 'in checn cot wul wal jun wach' 'ab'x tic 'ayach.

Zacarías 9:9

A Jehová tzaln 'ixtic: ¡Tzaljan̈c wal si'mb'il ex 'aj chon̈b' Sión! ¡B'itnan̈c 'a tzaljc'ojlal ex 'aj Jerusalén! 'Iltec wal sjaw e reyl 'ayex, caw tojl snab'en. A 'oj 'a'nc colnb'il. Caw 'emmquil sjawi, 'ay q'ue 'a yib'n̈ jun no quelm b'uru yune jun no 'axna.

Lc 1:13

Palta xyaln jun ángel chi 'ixtc 'a winac: —Zacarías, man̈ ach xiwoc yujto xyab' Dios a lesal. Yuj cha, a 'ix estzil Elisabet, 'oj 'aljoc jun swinc 'une', ach xo 'oj ac' sb'ic Juan.

Mr 1:15

'Ix yaln 'ixtic: 'Ix c'och stiempoal to jab'xoj 'oj wach' 'och jun 'aj satchan̈ Yajlil, yuj cha, nac e b'a, 'a'c 'och e c'ojl 'a jun wach' 'ab'x yic colnb'il, xchi.

Is 49:6

'Ix yaln 'ixtc 'ayin: In checb' ach, palta man̈ yujocn̈ej a tojlb'tzan pax eb' yin̈tl Jacob 'a 'icha xon yaji, yic tze'n pax meltzjoc jaywn̈ xo eb' cann̈cto can 'a Israel, palta yuj pax ach wa'n 'och sacq'uinlal 'a jun tzo'n̈ xo nacion̈, masnto 'a 'aj tzlajw c'och yolyib'n̈q'uinal, tze'n pax 'at colnb'il ta', xchi 'ayin, xchi jun schecb' Dios cha.

Ro 10:15

¿Tas 'oj yutc eb' 'at yalnc 'el wach' 'ab'ix, toto may mach tzchecn 'at eb'? Yuj cha, tzyaln pax 'a Ch'an̈ Un̈ chi 'ixtic: Til wal sja'l yilxi yic tzjaw junc win alm 'ab'ix, junc 'et'jnac wach' 'ab'ix, [atn yab'xil junc'ojlal], xchi.

Mr 16:15

Xlajw cha, xyaln 'a eb' 'ixtic: 'Ixquec 'a smasnil yolyib'n̈q'uinl tic, alc 'el wach' 'ab'x yic colnb'il 'a scal smasnil 'anma'.

Mt 28:5

Ax jun ángel cha, 'ix yaln 'ixtc 'a eb' 'ix 'ix cha: —Man̈ ex xiwoc, wojtac wan e sayn 'ec' Jesús, atn jun x'ajx 'och 'a spenc culus.

Dn 10:19

Xyaln 'ayn 'ixtic: Man̈ ach xiwoc. Caw tzach schamc'ojlej Dios. Cojn to tza te'wtzej a b'a, xchi. A yic wanto spaxtin 'ayn cha, 'ix 'ochx wip si'mb'il xwab'i, xwaln 'a 'ixtic: Ach wajlil, paxtinan̈ 'ayin, yujto caw wal x'ochx wip oj tzwab'i, xin chi 'a 'a.

Is 52:10

A Jehová, tox 'ix sch'ox spoder yil smasnil nacion̈. 'Oj yojcoc 'el smasnil 'anma 'a yolyib'n̈q'uinl tic, chajtlto a Dios on̈ colnec 'eli.

Lc 2:11

A 'a Belén, 'a schon̈b' can win rey David, ata x'alj jun e Colmal q'uiq'ui, atn CRISTO Cajlil.